"İşimin ağır olacağını əvvəlcədən bilirdim" — Qurban Qurbanov

22:03
09.11.2017
2778
İdman
A
Milli komandamıza yenicə baş məşqçi təyin olunmuş Qurban Qurbanov Azərbaycan və Almaniya U-21 yığmaları arasındakı oyunu izləyib. Ölkə.Az apasport.az-a istinadən xəbər verir ki, o, matçdan sonra sualları cavablandırıb.

- Matç haqqında nə düşünürsüz?

- Demək istədiyim çox şey var, ancaq ehtiyac görmürəm. Qarşıda bir görüş yenə olacaq. Sadəcə bildirmək istəyirəm ki, istəməzdik belə oyun olsun. Amma problemlərimiz çoxdu. Xüsusən də oyunçu baxımından.
 
- Sanki meydanda mübarizə getmirdi. Siz nə gördüz, nə müşahidə etdiniz?

- Mənim fikir bildirməyim çox da düzgün olmaz. Yəqin ki, məşqçiləri bu barədə danışacaq. Hansı tapşırıq verilib, nə cür hazırlaşıblar, biz kənardan baxıb buna müdaxilə edə bilmərik. Sadəcə, kənardan baxıb problemlərin çox olduğunu gördüm.
 
- Məlumdur ki, U-21 milli komandanın əsas oyunçusu bazasıdır. Bu komanda haqqında nə deyə bilərsiz?

- Düz qeyd edirsiz, gənclər yığması əsas millinin bazası olmalıdı. Ancaq indiki halda, bu oyundan sonra nəsə demək olmaz. Gözləməliyik.
 
- Matçın gedişində bir neçə dəfə protokola baxdığınız diqqətimizi çəkdi. Bilmək olarmı təəccübünüzə nə səbəb olmuşdu?

- Elə ciddi bir şey yox idi. Meydandakı bütün oyunçuları tanıyıram, hamısının nömrəsini də bilirəm. Sadəcə bəzi məqamlar var idi ki, onları dəqiqləşdirirdim.
 
- Sizin milliyə baş məşqçi təyin olunmanızdan sonra milliyə legioner oyunçuların dəvət olunması dayanacaqmı?

- Mənim indiki halda nəsə deməyim düz olmaz. Dekabrın ortalarında mətbuat konfransı olacaq ki, orda bütün sualları cavablandıracam.
 
- Yəqin ki, bu oyundan sonra daha əmin oldunuz ki, çox ağır yükün altına girmisiz?

- Bu, bizə daha əvvəldən də məlum idi. Yeni heç nə görmədim.
 
- Matçı Elçin Rəhmanova birlikdə izlədiniz. Ola bilərmi, gələcəkdə U-21-in baş məşqçisi məhz Elçin müəllim olsun?

- (Xeyli düşünür) ...Gəlin bu barədə fikir bildirməyək. Elçin müəllim hələ ki, mənim yanımdadı.
 
- Bu qarşılaşmada nəticə, hesab elə də əhəmiyyətli deyil. Məğlubiyyət gözlənilən idi. Sadəcə sizinlə birlikdə Adil Şükürovu da gördük. Demək olarmı ki, artıq gələcək iş planınız, ssenariniz hazırdı? Vəzifələri bölüşdürmüsüz?

- Xeyr. Bu, elə də asan iş deyil. AFFA rəhbərliyi ilə oturub danışmalıyıq, müzakirə olmalıdı. Bu gün heç bir məşqçi mənə görə gəlməyib bura.
 
- Köməkçilərinizin kimliyi bəllidirmi?

- Bəzi adlar ətrafında danışmışıq. Müzakirələr gedir. Hələ ki, dəqiq qərar verməmişik.
 
- Mediada belə xəbər yayıldı ki, milli komandanın ayrıca mətbuat xidməti olmalıdır. Sizin münasibətiniz necədir buna?

- Düşünürəm ki, oyundan sonra ayaqüstü bu qədər danışmaq, detallı fikir bildirmək düzgün olmaz. Mətbuat konfransında hər şey barəsində danışarıq.

ŞƏRH YAZ
0

Güləşçilərimizdən daha 3 medal

Güləşçilərimizdən daha 3 medal
23:56
14.11.2018
628
İdman
A
Rumıniyanın paytaxtı Buxarestdə 23 yaşadək güləşçilər arasında keçirilən dünya çempionatında Azərbaycan millisi daha 3 medal qazanıb.

"Ölkə.Az" xəbər verir ki, yunan-Roma güləşçilərindən Murad Məmmədov (60 kq) və Kərim Cəfərov (67 kq) gümüş, Orxan Nuriyev (97 kq) isə bürünc medala sahib olub.

Məmmədov finalda yaponiyalı Keniçiro Fumitaya, Cəfərov isə misirli Məhəmməd İbrahim Əlsəyidə uduzub.

Əvəzində Nuriyev bürünc medal görüşündə Əli Əkbər Heydərini sonuncu xal prinsipinə əsasən üstələyib.

İlk yarış günündə Azərbaycanın daha bir yunan-Roma güləşçisi İslam Abbasov (87 kq) bürünc medal qazanıb.

Ölkə.Az

ŞƏRH YAZ
0

Dasayev, Vəli Qasımov, Qazzayev, Nazim Süleymanov, Qurban Qurbanov — Bakıda pulsuz FUTBOL ŞOUSU

Dasayev, Vəli Qasımov, Qazzayev, Nazim Süleymanov, Qurban Qurbanov
09:13
14.11.2018
1984
İdman
A
Noyabrın 15-də "Bayıl arena"da veteran futbolçu Vəli Qasımovun əlli illik yubileyi münasibətilə yoldaşlıq oyunu keçiriləcək.

"Ölkə.Az"ın məlumatına görə, qarşılaşmada Rusiya, Ukrayna, Portuqaliya və ispaniya kimi ölkələrin məşhur futbolçuları iştirak edəcəklər. Azərbaycan futbolunun ulduzları Nazim Süleymanov, Elxan Həsənov, Tərlan Əhmədov, Dmitri Kramarenko, Vəli Qasımov, Qurban Qurbanov, Əsgər Abdullayev, Samir Ələkbərov, Novruz Əzimov, Mahmud Qurbanov, Yaşar Vahabzadə, Vidadi Rzayev və Arif Əsədov əməkdar məşqçi Kazbek Tuayevin rəhbərliyi altında meydana çıxacaqlar. 

Rəqib komandada isə Sergey Kiryakov,  Xoakin Parra, Viktor Losev, Nikolay Pisarev, Adolfo Aldana, İ. Yakubovski, İ.Kolivanov, Raşid Raximov, Rinat Dasayev, Roberto Bordin, Valeriy Şmarov, Cande, Camacho kimi ulduz futbolçular məşhur rusiyalı mütəxəssis Valeri Qazzayevin baş məşqçisi olduğu komandada çıxış edəcəklər. 

Qeyd edək ki, saat 17:00-da start fiti səslənəcək oyuna giriş sərbəstdir.

Ölkə.Az

ŞƏRH YAZ
0
BAĞLA