Şimşək çaxacaq, yağış yağacaq — SABAHIN HAVASI

Şimşək çaxacaq, yağış yağacaq
13:20
12.10.2017
204
Ölkə
A
Oktyabrın 13-də Bakı və Abşeron yarımadasında havanın dəyişkən buludlu olacağı, arabir tutulacağı, gecə və səhər bəzi yerlərdə yağış yağacağı gözlənilir. Şimal-şərq küləyi əsəcək.

ETSN-dən "Ölkə.Az"a verilən məlumata görə, havanın temperaturunun gecə 13-15° isti, gündüz  17-20° isti, Bakıda gecə  13-15°, gündüz  18-20° isti olacağı gözlənilir.
 
Atmosfer  təzyiqi 765 mm civə sütunu təşkil edəcək.  
 
Nisbi rütubət  75-85 % olacaq. 
 
Azərbaycanın rayonlarında bəzi yerlərdə şimşək çaxacağı, arabir yağış yağacağı gözlənilir. Səhər ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.
 
Havanın temperaturunun gecə 9-14°, gündüz  18-23° isti, dağlarda gecə 1-6°, gündüz 6-10° isti olacağı gözlənilir.

ŞƏRH YAZ
0

"Zara" mağazalar şəbəkəsinin 5 əməkdaşı cəzalandırıldı

17:42
Bu gün
1113
Ölkə
A
Bakı Ağır Cinayətlər Məhkəməsində bir qrup şəxs halında özgə əmlakını mənimsəməkdə təqsirləndirilən İbrahim İbrahimov, Zəhra Mavlina, Zaur Novruzov, Gültəkin Bünyadova və Elvina Qafarovanın cinayət işi üzrə məhkəmə iclası başa çatıb.

“Ölkə.Az”ın xəbərinə görə, hakim Novruz Kərimovun sədrliyi ilə keçirilən iclasda hökm oxunub.

Məhkəmənin hökmü ilə təqsirləndirilən şəxslərin hər biri barəsində Cinayət Məcəlləsinin 70-ci (şərti) maddəsi tətbiq edilməklə cəza təyin edilib. Onların heç biri həbs edilməyib.

Qeyd edək ki, təqsirləndirilən şəxslərin hamısı Bakıda fəaliyyət göstərən "Zara" mağazalar şəbəkəsinin "Nargiz Mall" Ticarət Mərkəzində yerləşən şöbəsinin əməkdaşları olub. Həmin şəxslər mağazada müxtəlif vəzifələrdə çalışıblar.

İttiham aktına əsasən, İ.İbrahimov, Z.Mavlina, Z.Novruzov, G.Bünyadova və E.Qafarov işlədikləri mağazaya 17700 manat zərər vurmaqda təqsirli bilinirlər. Onlar mağazada olan malların bir hissəsinin kassadankənar əməliyyat apararaq, əldə etdikləri pulları mənimsəyiblər.

Məhkəmə istintaqı dövründə təqsirləndirilən şəxslər özlərini qismən təqsirli bildiklərini söyləyiblər. Mağazaya dəymiş 17700 manat zərər müştərək qaydada təqsirləndirilən şəxslər tərəfindən ödənilib.

İbtidai istintaq dövründə İ.İbrahimov, Z.Mavlina, Z.Novruzov, G.Bünyadova və E.Qafarovun barəsində polis nəzarətinə verilmə qətimkan tədbiri seçilib.

ŞƏRH YAZ
0

Azərbaycan Ordusunun kəşfiyyat bölüyünün təlimi keçirilir — VİDEO

Azərbaycan Ordusunun kəşfiyyat bölüyünün təlimi keçirilir
17:40
Bu gün
570
Ölkə
A
Bakıda NATO-nun Əməliyyat İmkanları Konsepsiyası (ƏİK) çərçivəsində Azərbaycan Ordusunun kəşfiyyat bölüyünün 2-ci səviyyəli özünü qiymətləndirmə təlimi keçirilir.

MN-dən "Ölkə.Az"a verilən məlumata görə, Qaraheybət Təlim Mərkəzində keçirilən səhra təliminə Azərbaycan Ordusunun 150 nəfərə yaxın şəxsi heyəti, 20-dək hərbi texnikası və iki helikopteri cəlb olunub.

Bölüyün qiymətləndirilməsi NATO Quru Qoşunları Komandanlığının monitorinq qrupu tərəfindən aparılır.

Təlimdə, həmçinin müşahidəçi və qiymətləndirici qismində Böyük Britaniya, Fransa, Avstriya və Almaniyanın hərbi qulluqçuları iştirak edirlər.

Silahlı münaqişələr zamanı beynəlxalq humanitar hüquq normalarının hərbçilər arasında yayılmasına və tətbiqinə dəstək olmaq məqsədilə Beynəlxalq Qızıl Xaç Komitəsi də təlimə cəlb olunub.

Təlim mayın 25-dək davam edəcək.

ŞƏRH YAZ
0
BAĞLA