Sinqapur tarixində ilk — Siyasətçi qadın prezident seçildi

Sinqapur tarixində ilk
11:45
13.09.2017
100
Dünya
A
Sinqapurda 63 yaşlı siyasətçi qadın Həlimə Yakob prezident seçilib.

"Ölkə.Az" xəbər verir ki, Sinqapur seçki komissiyasının sədri En Vay Çun təqdim edilən sənədləri incələdikdən sonra bu məlumatı paylaşıb.

Malay cəmiyyətinin nümayəndəsi Yakob 47 il ərzində ölkənin ilk qadın prezidenti olub.

Həlimə ilə birlikdə prezident postu uğrunda iki namizəd də mübarizə aparırdı. Amma 11 sentyabr tarixində onlar seçilmək üçün sertifikat ala bilmədilər. Nəticədə Yakob prezident postuna yeganə namizəd oldu. Ölkə qanunlarına əsasən isə seçkilər keçirilmədən avtomatik olaraq Həlimə prezident elan edilib.

Maraqlıdır ki, ötən ilin noyabr ayında qəbul edilən qanuna əsasən seçki kampaniyasında ancaq malay cəmiyyətinin nümayəndələri iştirak edə bilər.

Sinqapurda malaylardan başqa çinlilər və induslar da yaşayır. Bu cəmiyyətlərin nümayəndələri də kifayət qədər böyük postlarda oturur.

Sinqapurda prezidentin səlahiyyətləri məhdudlaşdırılıb. Ölkəni əsasən baş nazir idarə edir.

Qeyd edək ki, Həlimə Yakob əvvəlcə parlament spikeri olub.

Hikmət Həsənov
Ölkə.Az

ŞƏRH YAZ
0

Afrində daha üç bölgə terrorçulardan təmizlənib

Afrində daha üç bölgə terrorçulardan təmizlənib
00:05
Bu gün
453
Dünya
A
Türkiyə Silahlı Qüvvətləri və Azad Suriya Ordusu “Zeytun Budağı” əməliyyatı çərçivəsində Afrinin Üst Hacıkanlı, Aşağı Hacıkanlı və Dərviş Obası kəndlərini terrorçulardan azad ediblər.

“Ölkə.Az” xəbər verir ki, əməliyyatların başlanmasından bu yana TSK və əməliyyatlara dəstək verən OSO qüvvələri, Afin, bir rayon mərkəzi, 45 kənd, 3 şəhərətrafı qəsəbə və 17 strateji dağ və ya təpə PYD/PKK terrorçularından təmizlənib.

Ölkə.Az

ŞƏRH YAZ
0

Silahlı insidentin baş verdiyi məktəbin şagirdləri etiraz aksiyasına hazırlaşırlar

Silahlı insidentin baş verdiyi məktəbin şagirdləri etiraz aksiyasına hazırlaşırlar
23:15
18.02.2018
375
Dünya
A
Ötən həftə Florida ştatındakı məktəbdə baş verən və 17 məktəblinin ölümü ilə nəticələnən silahlı insidentdən sonra bir neçə şagird ABŞ-ın paytaxtı Vaşinqtona kütləvi yürüş etməyə çağırıblar.

"Ölkə.Az" "Azərtac"a istinadən xəbər verir ki, martın 24-də keçiriləcək “Həyatımız üçün yürüş” adlanan etiraz aksiyası vasitəsilə məktəblilər ABŞ hökumətini silah satışına nəzarətin artırmasına və silah dövriyyəsinin tənzimlənməsinə dair yeni qanunların qəbul olunmasına çağıracaqlar. Təşkilatçılar baş vermiş qətliamın silah satışı qaydalarında və ümumiyyətlə, Amerika cəmiyyətində silahlardan istifadə olunması sahəsində dönüş yaradacağına inanırlar. Onlar bildiriblər ki, indiyədək məktəblərdə baş verən və şagirdlərin ölümü ilə nəticələnən silahlı hücumlardan sonra qanunvericilərin hərəkətsizliyi və laqeyd yanaşması bu faciələrin davam etməsi ilə nəticələnir.

Vaşinqtonla yanaşı, ölkənin digər şəhərlərində də etiraz aksiyalarının keçirilməsi planlaşdırılır. Təşkilatçılardan olan Kameron Kaski deyib ki, bu aksiya nə iqtidarda olan Respublikaçılara, nə də Demokratlara qarşı yönəlmiş hərəkat deyil. Milli Silah Assosiasiyasından maddi yardım alan hər bir qanunverici və hökümət nümayəndəsi belə faciənin baş verməsində günahkardır. Təşkilatçılar deyib ki, öz maraqlarını güdən və silah satışlarını artırmağa çalışan Milli Silah Assosiasiyası Amerikada silahdan istifadənin genişlənməsini təbliğ edir.

Milli Silah Assosiasiyası və silah hüquqları müdafiəçiləri hər vətəndaşların silah sahibi olmasını konstitusional hüquq sayırlar. Qurum silah satışına nəzarət edən qanunların dəyişməməsi və hətta yumuşaldılması üçün hər il qanunvericilərin və müxtəlif namizədlərin seçki kampaniyalarına maddi yardım göstərir. Donald Trampın Milli Silah Assosiasiyasından indiyədək 30 milyon dollara yaxın maddi yardım aldığı bildirilir.

Xatırladaq ki, fevralın 14-də Florida ştatındakı Marcori Stounman Duqlas məktəbində 19 yaşlı Nikolas Kruz tərəfindən törədilmiş silahlı insident nəticəsində 17 nəfər həlak olub, 14 nəfər yaralanıb. N.Kruz bu qanlı qırğını “AR-15” avtomat tüfəngi ilə törədib.

Ölkə.Az

ŞƏRH YAZ
0
BAĞLA