Sinqapurda iki gəmi toqquşdu
Sinqapur sularında iki gəmi toqquşub.
"Ölkə.Az" xəbər verir ki, İndoneziya tankeri xüsusi texniki gəmi ilə toqquşub. İnsident nəticəsində 5 nəfər itkin düşüb. Onlardan dördü Çin vətəndaşı, digəri isə Malayziya vətəndaşıdır.
Bildirilir ki, texniki gəmi Dominikan respublikasına məxsusdur. Onun göyərtəsində 11 Çin və 1 nəfər də Malayziya vətəndaşı olub. Toqquşma nəticəsində bu gəmi aşıb. Hazırda o suyun altındadır. Qeyd edilir ki, 7 nəfəri xilas etmək mümkün olub. Xilas edilənlər Sinqapur xəstəxanasına yerləşdirilib.
26 nəfərlik ekipajı olan İndoneziya tankeri elə də ciddi zədələnməyib və xəsarət alan yoxdur.
İnsidentin səbəbləri araşdırılır.
Hikmət Həsənov
Ölkə.Az