Sirlərinizdən söhbət açmayın

Sirlərinizdən söhbət açmayın
00:30
11.02.2018
4595
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - çoxdan hazırladığınız planları reallaşdırmaq üçün münasib zamandır. Gərəkli insanlarla əlaqələr yaradın. Potensial tərəfdaşların niyyət və istəklərindən hali olun. Cəsarətli, amma nəzakətli davranın.

Günün ikinci yarısında yeni layihəyə, işə başlamaq olar. Ən ağır problemin həllinə başlamaqdan çəkinməyin.

Şəxsi münasibətlərdə irəliləyiş ola bilər. Həmfikirlərlə birlikdə vaxt keçirin. Enerji potensialınızın səviyyəsi yüksəkdir.

Axşam saatlarında normal istirahət etməyə çalışın.

Buğa - günün ilk yarısında işlərinizdə uğur əldə etmək istəyirsinizsə, problemlərin həllinə qeyri-standart yanaşın. Adi günlər effekt verən mteodlar bu gün yararsızdır. Çətinliklər böyük sürətlə peyda olacaq.

Günün ikinci yarısında dəyər verdiyiniz insanla münasibətlərinizi daha intellektual edin. Ailə problemlərini məntiqlə həll edin. Axşam saatlarında hobbinizə vaxt ayıra bilərsiniz.

Normal istirahət edin.

Əkizlər - günün ilk yarısından etibarən əlavə işlər və həlli təcili tapşırıqların sayı artacaq. İşdə həmkarlarınızdan birini əvəzləməli olacaqsınız. Hesablama və yazışmalarda diqqətli olun.

Hüquqi məsələlərin həllini əsla ertələməyin.

Günün ikinci yarısında gündəlik qayğılarınız ağır, maraqsız və rutin iş təsiri bağışlamasın. İşləri bir kənara ataraq yalnız istirahət, yaxud da əyləncə barədə düşünməyin. Axşam saatlarını sevdiyiniz insanla keçirin.

Xərçəng - günün ilk yarısı əlverişli zamandır. Problemlərin öhdəsindən qeyri-ənənəvi yollarla gələ bilərsiniz. Planlarda köklü dəyişikliklər, təcili səfər və ya ezamiyyət istisna deyil. İşgüzar yazışma ilə məşğul olun, sənədləri qaydaya salın.

Günün ikinci yarısında şəxsi münasibətlərdə qətiyyətli olun. Yaxınlarınız sizi dəstəkləyəcəklər. Onlar məişət məsələləri ilə yanaşı, təhsil və peşəkar fəaliyyət sahələrində də yardımlarını əsirgəməyəcəklər.

Sevdiyiniz insan üçün qısqanclığa səbəb yaratmayın.

Şir - qarşılaşacağınız problemlərin həllində rasional yanaşma ilə bahəm, intuisiya da dadınıza çatacaq. Narahat durum, qarışıq gündür. Stress şəraitində çalışmalı olacaqsınız. Bu, əhvalınızın korlanmasına, səhhətinizdə problemlərin yaranmasına səbəb ola bilər.

Günün ikinci yarısı qəflətən yaranan maneəni dəf etmək üçün intellektual imkanlarınızı işə salın. Tapmacanın cavabını tapmaq məcburiyyətində qalacaqsınız. Axşam saatlarına yaxın dəyər verdiyiniz insanlarla ünsiyyəti intensivləşdirin. Tənhalıq, tərki-dünyalıq hisslərindən qurtulun.

Qız - peşəkar fəaliyyətinizdəki bəzi problemlərin həll yollarını dostlarla ünsiyyətdə aşkarlaya bilərsiniz. Qətiyyətli olun. Ən kiçik problemlə qarşılaşanda geri çəkilməyin. Yaxşı nəticələrə nail olmaq üçün əzmkar olmalısınız.

Günün ikinci yarısında hisslərə qapılaraq düşünülməmiş addım atmayın. Yaxınlarınızın sizə yardım etmələrini, arxa durmalarını istəyirsinizsə, susmayın. Onları dinləyin. Adamlar hisslərinizi və istəklərinizi telepatik duya bilməyəcəklər. Yalnız açıq söhbət, birbaşa ünsiyyət təmaslardakı sərinliyi aradan qaldıra bilər.

Səmimi, qayğıkeş olun.

Tərəzi - günün ilk yarısındakı situasiya gərgindir. Həddən artıq tələbkar insanla qarşılaşa bilərsiniz. İfrat dərəcədə inadkar olmayın. "Müstəqillik savaşı" üçün əlverişli zaman deyil. Davranışınızdakı qüsurlar ünsiyyətdə problemlər yaratmasın.

Günün ikinci yarısında vədləri yerinə yetirin. Yaxınlarınızdan birinin yardıma ehtiyacı var. Onun müraciətini unutmayın. Yeni tanışlıqlar uzun müddət davam etməyəcək. Etibar etdiyiniz insanlarla çalışmağa üstünlük verin.

Axşam saatlarında gəzintiyə çıxın.

Əqrəb - adi gündərdən fərqli olaraq bu gün çox danışmayın. Diqqəti sözə yox, işə yönəldin. Yalnız öz maraqlarınızın təminatına can ataraq təkəbbürlü insan təsiri bağışlamayın.

Mövqelərinizi, fikrinizi qarşı tərəfin diqqətinə çatdıranda emosiyalara qapılmayın.

Günün ikinci yarısında tənbəllik etməyin, sirlərinizdən söhbət açmayın.

Yeni biliklər və informasiya əldə etmək üçün münasib zamandır. Axşam saatlarına yaxın yeni tanışlıq olacaq. Həmin tanış sonradan dosta çevrilə bilər. Hər şey sizdən asılıdır.

Oxatan - günün ilk yarısından etibarən diqqət mərkəzində olacaqsınız. Yaxın ətrafınızdakı insanların maraqlarını qulaqardına vurmayın. Peşəkar məziyyətlərinizi, bacarıqlarınızı nümayiş etdirin.

Günün ikinci yarısında marketinqlə və ya satışla bağlı əməliyyatlar gəlir vəd edir. Gizli əlaqələr, məxfi ünsiyyət, dedi-qodudan uzaq durun. Əməllərinizin xoşagəlməz fəsadlarla sonuclanmasını istəmirsinizsə, sərvaxt olun, ehtiyatı əldən verməyin.

Axşam saatlarına yaxın uzaq yola çıxmayın.

Oğlaq - həddən ziyadə təcrübəli olduğunuzu düşünməyin. Belədə yanlışlıqlara yol verərək peşəkar fəaliyyətinizdə ciddi problemlərlə qarşılaşa bilərsiniz. Hadisələrin axarı ciddi problemi istisna etmir. Rəqiblərinizdən birinin müqaviməti ilə qarşılaşacaqsınız.

Günün ikinci yarısında şəxsi münasibətlərdə kiçik dəyişikliklər olacaq. Narahat olmayın, pis heç nə baş verməyəcək. Ailə üzvləriniz və yaxınlarınızın yardımlarına bel bağlaya bilərsiniz.

Axşam saatları əyləncə üçün əlverişlidir.

Dolça - boş söhbətlər və mənasız dartışmalar işlərin gedişatında problemlər yarada bilər. Çalışdığınız qurumda vaxtınızı fövtə verməyin, yaranan imkanlardan istifadə edin. Danışıqlar üçün yaxşı zamandır. Sizi çoxdan bəri narahat edən problemin həll yollarını arayın.

Günün ikinci yarısında işlərinizə diqqətlə yanaşsanız, rəqibləri geridə qoya bilərsiniz.

Axşam saatlarına yaxın yaşam arealınızda qayda, nizam yaradın. Zərərli vərdişlərdən birini unutmaq üçün sərfəli zamandır.

Ünsiyyətdə sayıq olun.

Balıqlar - mühüm işlərə başlamazdan əvvəl yaxşı hazırlıq görün. İmkan varsa, zəhmətkeş və etibarlı yardımçılar tapın. Gərəkli dəstəyi alın. Bütün işləri qısa vaxtda başa vurmağa çalışmayın. Rutin, gündəlik məsələlərin çözümünə xüsusi diqqət ayırın.

Günün ikinci yarısı daha irimiqyaslı işlər üçün münasibdir. Şəxsi münasibətlərdə dəyişikliklər vədəsi yetişib. Gərəksiz əlaqələrdən qurtulun.

Ötənləri xatırlayıb köks ötürməyin.

Ölkə.Az

ŞƏRH YAZ
0

Yaxınlarınız sizi mübahisələrə cəlb edəcəklər — Günün ulduz falı

Yaxınlarınız sizi mübahisələrə cəlb edəcəklər
01:16
Bu gün
151
Maraqlı
A
"Ölkə.Az" milli.az-a istinadən günün qoroskopunu təqdim edir.

Qoç - günün ilk yarısı məhsuldar keçəcək. Səfər və ya ezamiyyət uğurlu alınacaq. Təşəbbüskar olun, məsuliyyət tələb edən qərarlarda vasvasılıq etməyin. Emosiyaların asanlıqla nəzarətdən çıxdığını unutmayın.

Günün ikinci yarısında peşəkar müstəvidəki fəaliyyətinizi aktivləşdirin.

Yaxınlarınız sizi mübahisələrə cəlb edəcəklər. Onlar kiminsə tərəfini tutmağınızı istəyirlər. Belə fellərə uymayın. İncikliyi unudun, ötənlərin yükündən qurtulun.

Axşam saatlarında dostlar qəflətən qonaq gələ bilərlər.

Buğa - kiçik problemlər və uyarsızlıqlar sizi uzaqlara yollanmağa, tənha qalmağa vadar etməsin. Bəzi adamların yaramaz hərəkətləri ilə qarşılaşanda hamıdan və hər kəsdən narazı qaldığınızı göstərməyə dəyməz.

Günün ikinci yarısında yaxınlarınızla ünsiyyətdə çətinliklər yarana bilər. Münasibətləri yalnız səmimi söhbət, müzakirə, əməkdaşlıq cəhdləri yaxşılaşdıra bilər. Axşam saatlarında ailə üzvlərindən birinin problemlərini həll etmək gərəkdir.

Çətinlikləri aradan qaldırın.

Əkizlər - cari məsələlərin həlli və qayğıların çözülməsi aktiv fəaliyyət tələb edir. Ən adi məsələlərdə müşkül durum yarana bilər. Təmkinli olun, soyuqqanlı davranın. Bələd olmadığınız insanla söhbətdə emosional fərd təsiri bağışlamayın.

Günün ikinci yarısında ailə qayğıları əlavə zaman və qüvvə tələb edir. Axşam saatlarını evdən kənarda, dostlar və yaxınlarınızla keçirin. Romantik şam yeməyi sizdə məmnunluq hissi yaratmayacaq. İllüziyalara qapılmayın.

Xərçəng - çoxsaylı imkanlara və cazibədar şanslara rəğmən bir işi seçin. Bütün diqqəti həmin işin başa çatdırılmasına, effektiv görülməsinə yönəldin. Diqqətli olun. Adi günlərdə səbrinizin çatmayacağı mürəkkəb, intellektual prosesi tamamlandırın.

Günün ikinci yarısında yaşamdakı situasiyalarla bağlı yaxınlarınızın mövqeləri fərqli ola bilər. Bu səbəbdən də haqlı olduğunuzu hər vəchlə sübuta yetirməyə çalışmayın. Belə davranış gərəksiz qarşıdurmalara və ruhi müvazinətin pozulmasına səbəb ola bilər.

Şir - düşünülmüş, səbatlı qərarların reallaşdırılması üçün yaxşı zamandır. İşlərdə ləngimələr və gecikmələr ola bilər. Gəlirlərdə azalma müşahidə olunacaq. Enerji və həddən artıq vaxt tələb edən layihəyə başlamaq üçün münasib zaman deyil.

Ticarət, kommersiya, sahibkarlıq müstəvilərində sayıq olun.

Günün ikinci yarısında mənasız və səbəbsiz inadkarlıq münasibətlərdə problemlər yarada bilər. Ən yaxın bildiyiniz insandan laqeyd, başdansovdu cavablar eşidəndə sinirlənə bilərsiniz. Halbuki, dediklərinizi normal kəlmələr sanırsınız.

Qız - yaşam ritmini köklü şəyildə dəyişməyin. Mütləq şəkildə uğur əldə etmək üçün sizə xas olmayan hərəkətlər etməyin. Özünüzə sadiq qalın, amma mümkün problemi qulaqardına vurmayın. Yaxşı hazırlaşın, yalnız düşünülmüş qərarlar verin. Yaşam arealında qayda yaradın, diqqətinizi cəmləyin.

Günün ikinci yarısında sərvaxt davranın. Bu gün ailə qayğılarını yaxınlarınıza həvalə edə bilməyəcəksiniz. Məişət problemini özünüz həll edin. Qətiyyətli olun, təmkinli və əzmli davranın.

Tərəzi - danışıqlar və müzakirələr aparmaq üçün yaxşı zamandır. Planlarınız barədə addımbaşı danışmayın. Bununla belə, etibarlı yardımçı və köməkçi aramalısınız.

Planları dəyişməyin. Görüləsi işlərin siyahısını hazırlayın, həmin siyahıya bənd-bənd riayət edin.

Günün ikinci yarısında diqqətli olun. Önəmli məqamları nəzərdən qaçırmayın.

Yaxın perspektivə hesablanmış işlərdə yaxınlarınız sizi dəstəkləyəcəklər. Yaşam arealında təmir və rekonstruksiya aparmaq olar.

Axşam saatlarını sakit keçirməyə çalışın. Romantikaya ifrat aludə olmayın.

Əqrəb - maliyyə hesabatları və işgüzar danışıqlar üçün yaxşı zamandır. Səhiyyə sahəsində çalışırsınızsa, işləriniz lap əla olacaq. Məhkəmə-hüquq problemlərini həll etmək, iddialara cavab vermək olar. Uzunmüddətli istifadə üçün texnikanın alışını ertələyin.

Günün ikinci yarısnıda bədxərclik etməyin. Yaxınlarınızla münasibətləriniz arxa plana keçəcək. Sevdiyiniz insanın soyuqqanlı davranışından inciməyin, nədənsə şübhələnməyin.

Hər şey qarşılıqlıdır. Bunu unutmayın.

Oxatan - bəzi məsələlər dəqiqlik, müəyyənlik tələb edir. Başladığınız işi yaxşı yerinə yetirmək üçün nə etməli olduğunuzu tam anlamalısınız. Sual verməkdən, nə isə soruşmaqdan çəkinməyin. Detallarla təfərrüatları qulaqardına vurmayın.

Günün ikinci yarısında problemlərin həllinə diqqətli yanaşma peşəkar olduğunuzu göstərəcək.

Şəxsi münasibətlərdə də prinsiplərinizə sadiq olun. Sevdiyiniz insanla təmaslarda mümkün qədər həssas, anlamlı olun. Axşam saatları romantik hisslər vəd edir.

Oğlaq - tədqiqat, elm və ya səhiyyə sahəsində çalışırsınızsa, uğurlu situasiyadan yararlanmağa cəhd göstərin. Addım atmaq və ya qərar verməzdən əvvəl yaxşıca düşünün. Səlis, dəqiq qərarlar verin. Qeyri-formal müzakirələr üçün yaxşı zamandır.

Günün ikinci yarısında sizdən məsləhət, yaxınlarınızdan birinin problemlərinin həllində fəal iştirak tələb olunacaq.

Kimsədən nə isə uymayın, istəməyin. Sevdiyiniz insandan adekvat cavab almaq asan deyil. Ailə ilə bağlı vədlərinizi unutsanız, yaxınlarınız kəskin narazılıqlarını bildirəcəklər.

Dolça - məsuliyyətsiz davranış və düşünülmədən deyilən sözlər yaxın ətrafınızdakı insanlarla münasibətlərinizi gərə bilər. O insanlar dediklərini unutmayacaqlar.

Uğura kor-koranə şəkildə bel bağlamayın.

Rasional olun. Problemlərin həllinə konstruktiv yanaşın.

Günün ikinci yarısında yaxın ətrafınızdakı insanların problemlərinin həllinə ifrat vaxt ayırmayın. Axşam saatlarında əyləncəyə yollanmaq olar. Səhhətinizə fikir verin. Enerji potensialı səviyyəsinin aşağı düşməsi əhvalınıza təsir edəcək.

Balıqlar - uzunmüddətli işə və ya layihəyə başlamaq üçün çox əlverişli zamandır. Xərcləri nizama salın. Təşkilati və istehsalat məsələlərini həll edin. İşdə rəhbərliklə ünsiyyətdə hiyləgərlik etməyin.

Karyeranızın asılı olduğu insanla səmimi danışın.

Günün ikinci yarısında etibar etdiyiniz insanla problemləri müzakirə etsəniz, anlayışla qarşılanacaqsınız.

Gündəlik işləri və təsərrüfat qayğılarını dəyər verdiyiniz insanla çözməyə çalışın. Ailə üzvləri ilə səmimi olun.

Ölkə.Az

ŞƏRH YAZ
0

Bu dalğıcın xəstəliyi tibb dünyasını heyrətə saldı — FOTO

Bu dalğıcın xəstəliyi tibb dünyasını heyrətə saldı
22:09
15.12.2018
10709
Maraqlı
A
Peruda bir dalğıcın üzləşdiyi xəstəlik tibb dünyasını heyrətə salıb.

"Ölkə.Az" bildirir ki, Peruda maraqlı bir hadisə yaşanıb.

Peşəkar olaraq dalğıclıqla məşğul olan 56 yaşlı Alexandro Ramosun suyun altında başına gələnlər onun həyatını tamamilə dəyişdirib.

Dörd il öncə dalğıc suyun altında olarkən bir gəmi tərəfindən təmiz hava borusu qoparılıb.  

O, gözlərini açan zaman xəstəxanada olduğunu anlayıb. Məlum olub ki, dalğıc suyun altında olduğu zaman dərinliyin qəfil azalması səbəbindən qanındakı azot damarlarını qapayıb və beyninə oksigen getməyib. Bu səbəbdən, əsasən, sinəsi və çiyinlərində şişlər əmələ gəlməyə başlayıb. Getdikcə daha da böyüyən şişlər Ramosu cizgi film qəhramanı Təməl rəisə bənzədib.

Şiddətli ağrılar hiss etməsinə baxmayaraq, həkimlər hələ də onun dərdinə çarə tapa bilməyiblər.

Ölkə.Az

ŞƏRH YAZ
0
BAĞLA