“Sirus hesabıma özünü reklam etməsin” — Nazilə Səfərli

“Sirus hesabıma özünü reklam etməsin”
12:18
08.11.2019
24846
Maqazin
A
Şairə Nazilə Səfərlinin plastik-cərrah Siruz Qoçxani tərəfindən əməliyyat olunması barədə xəbər yayılıb. Məlumatda bildirilib ki, o, liposaksiya və buxaq əməliyyatı etdirib. Bunu mediadan gizlətmək üçün isə əməliyyat otağına üzüörtülü şəkildə girib.

"Ölkə.Az" milli.az-a istinadəm xəbər verir ki, N.Səfərli haqqında çıxan xəbərlərlə bağlı Axşam.az-a danışıb. O, məlumatı yayan həkimi qınayıb:

"Bugünədək çoxsaylı əməliyyatlarım olub. Bunun ağrısını mən çəkirəmsə, xəbərini siz niyə bilməlisiniz ki? Hamı mənə deyir ki, arıqlamısan? İki il bundan öncə Damlaynan Qazaxıstana gedəndə istifadə etdiyim libası Fədayənin (müğənni Fədayə Laçın - red.) gecəsinə geyindim. Həmin paltar əynimə oldu: nə dar, nə də gen. Nəyim arıqlayıb?".

Şairə bildirib ki, yalnız buxağında liposaksiya əməliyyatı etdirib:

"Sirus Qoçxaninin də bu əməliyyat üçün pulunu vermişəm. Özünü hesabıma reklam etməsin. Zəng etdim ki, Sirus həkim, bu, nə məsələdir? Kiminsə anası, bacısı, həyat yoldaşıyam. Nə üçün paltarlarımı horizontal, frontal çəkib qoymalıdırlar? Zəkamla pul qazanıram, bədənimlə yox. Bu hərəkət xoşuma gəlmədi. Dedi ki, "Mən etməmişəm. Xəbəri yazan sayt hər zaman əlehimə informasiya yayır". Dedim ki, axı səni tərifləyiblər, pisliyinə heç nə yazılmayıb.

"Üç ay öncə oğlum qəzaya düşəndə sizin klinikada digər həkim oğlumun həyatını qurtarmışdı. Bununla bağlı heç bir xəbər çıxmadı" deyə, ona sual ünvanladım. Bilirəm ki, heç bir həkim təmənnasız reklam olunmaz. Mən uşağam? Bu günədək heç bir həkimə pulsuz nəsə etdirməmişəm. Bundan öncə digər plastik-cərrahların yanında neçə dəfə əməliyyatım baş tutub. Onları niyə xəbər etməyiblər? Söyləyir ki, azərbaycanlı həkimlər mənim qədər reytinq vermir. Görün nə gündəyik ki, azərbaycanlı həkimlərə hörmət qoymuruq. Ayıb olsun bizə!

Sözümün canı odur ki, istər mən, istər Xatirə İslam, istərsə də Afaq Gəncəli olsun: Hamısı Azərbaycanın sevilən xanımlarıdır. Həyatıboyu inanmaram ki, Xatirə və ya digərləri əməliyyatını paylaşmağa icazə versin. Həkimə reytinq lazımdırsa, külli miqdarda pul ödəsin, onu reklam edək.

Əgər hansısa əməliyyata pul verib girmişiksə, söyləməmək haqqımızdır. Üzümü örtmüşəm ki, görməsinlər. Bunu da mən Bulvarda, ya da şadlıq sarayında etməmişəm. Əməliyyata girəndə yanımda Sirus, onun xanımı və anestezioloq olub. Bunu üç nəfərdən biri deyib, göydən düşməyib ki? Ayıbdır! İnsan bir sirr saxlayar, peşə sirrinə hörmət edər. Bundan ötrü müqavilə imzalamısan. Neyləyim indi? Məhkəməyə verim, biabırçılıq olsun?!".

ŞƏRH YAZ
0

Evlilik və 3 uşaq istəyirəm — Şeyma Subaşı

Evlilik və 3 uşaq istəyirəm
16:04
Bu gün
9802
Maqazin
A
29 yaşlı məşhur fenomen Şeyma Subaşı açıqlaması ilə yenidən gündəmə gəlib.

''Ölkə.Az'' xəbər verir ki, fenomen sosial mediada izləyicilərinin suallarını cavablandırıb. O deyib ki, evli olarkən dostluq etdiyi insanlarla demək olar ki artıq görüşmür.

Belə ki, izləyicisinin ''Yenidən evlənmək istəyərsiniz?'' sualına ''Mən xərçəng bürcü qadınıyam. Əlbəttə ki, yenidən evlənmək istəyərəm. Hətta 3 uşaq sabihi olmağı düşünürəm'' deyə cavab verib.

Ölkə.Az

ŞƏRH YAZ
0

Fahriye oğlunun üzünü göstərdi — FOTOLAR

Fahriye oğlunun üzünü göstərdi
14:26
Bu gün
7846
Maqazin
A
Türkiyəli aktrisa Fahriye Evcen ilk dəfə oğlu ilə fotosunu paylaşıb.

“Ölkə.Az” xəbər verir ki, aktrisanın oğlu Karan ilə olan paylaşımı qısa müddət ərzində 1.5 milyon dəfə bəyənilib. Evcen paylaşımının rəy bölümünü bağlayıb.

Qeyd edək ki, aktrisa həmkarı Burak Özçivitlə ailə qurub. Cütlüyün övladı bu ilin aprel ayında dünyaya gəlib.

Ölkə.Az

ŞƏRH YAZ
0
BAĞLA