Şirvanda borc üstündə qətl törədildi

Şirvanda borc üstündə qətl törədildi
15:59
17.08.2017
366
Hadisə
A
Şirvan şəhərində qətl törədilib.

"Ölkə.Az"ın APA-ya istinadən verdiyi məlumata görə, Şirvan şəhər sakini Əvəz adlı şəxs (soyadı hələlik məlum deyil) bıçaq xəsarəti ilə xəstəxanaya çatdırılıb. Ona baxış keçirilərkən aldığı xəsarətdən öldüyü məlum olub.
 
Araşdırmalar zamanı hadisənin Şirvan sakini Məmmədov Yaşar Malik oğlu tərəfindən Kür sahilində törədildiyi müəyyənləşib. Belə ki, Y. Məmmədovla həmin şəxs arasında mübahisə düşüb. Dünyasını dəyişən şəxs Y. Məmmədovu silahla hədələyib. Bu zaman Y. Məmmədov üzərindəki bıçaqla ona xəsarət yetirib. O, daha sonra yaralını xəstəxanaya çatdırıb və polisə təslim olub.
 
Hadisə baş verən vaxt həmin ərazidə olan Y. Məmmədovun qardaşı Anar Məmmədov da polis tərəfindən saxlanılıb. Hadisə yerinə baxış keçirilib və oradan 1 ədəd "Makarov" tipli tapança götürülüb. İlkin məlumata görə, hadisə borc üstündə olub.  
 
Faktla bağlı araşdırmalar davam etdirilir. 

ŞƏRH YAZ
0

Əvvəl yeyib içdilər, sonra əlbəyaxa davaya çıxdılar — Yaralanan var

Əvvəl yeyib içdilər, sonra əlbəyaxa davaya çıxdılar
01:29
Bu gün
162
Hadisə
A
Abşeron rayonunun Xırdalan şəhərində bıçaqlanma olub.

"Ölkə.Az" “Report”a istinadən xəbər verir ki, 1978-ci il təvəllüdlü Zeynalov Mahir Rafiq oğlu kafedə yeyib- içdikdən sonra tanışı ilə əlbəyaxa dava edib.

O, əvvəlcə döyülüb, daha sonra isə tanışı ona iki bıçaq zərbəsi vurub. Yaralı 1 saylı Kliniki Tibbi Mərkəzə yerləşdirilib.

Faktla bağlı Abşeron Rayon Polis İdarəsi tərəfindən araşdırma aparılır.

Ölkə.Az

ŞƏRH YAZ
0

Motosikleti aşırdı — Ağır yaralandı

Motosikleti aşırdı
00:33
Bu gün
281
Hadisə
A
Saatlı sakini motosikleti idarə edərkən aşırıb və ağır yaralanıb.

"Ölkə.Az"ın APA-ya istinadən məlumatına görə, 23.30 radələrində Saatlı rayonunun Heydərabad kəndində yol-nəqliyyat hadisəsi qeydə alınıb. Saatlı sakini 1989-cu il təvəllüdlü Cəfərov Elgün Cəfər oğlu idarə etdiyi motosikleti aşırıb. Nəticədə bel nahiyəsindən ağır xəsarət alan yaralı Saatlı rayon xəstəxanasına, daha sonra isə Şirvan şəhər xəstəxanasına yola salınıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA