"Siyasi miqrant alveri son 2-3 ildə inkişaf edib" — Partiya sədri

15:55
21.04.2017
90
Siyasət
A
Əli Kərimli Baş Prokurorluğun Ağır Cinayətlərə dair işlər üzrə istintaq idarəsinə dindirilməyə çağırılıb.

Buna səbəb kimi partiya adından saxta sənədlərin verilməsi və bu yolla insanların mühacirətə göndərilməsi iddialarıdır.

Əli Kərimlinin saxta sənədlərlə mühacirətə adam göndərməsi və özü Əli Kərimlinin rəhbərlik etdiyi AXCP-də olarkən bu işlərə şahid olub-olmaması məsələləri barədə Azərbaycan Xalq Cəbhəsi Partiyasının sədri Razi Nurullayev "Ölkə.Az"-a danışıb:

"Heç zaman sənədlərin verilməsi, hazırlanması, möhürlənməsi işlərindən xəbərdar olmamışam. Bunun üçün də bütün bu məsələlərdən tam xəbərsiz olmuşam. Bu gün də xəbərsizəm.

Əli Kərimlinin sədrlik etdiyi AXCP-də olarkən mənə xarici ölkələrin miqrasiya idarələrindən "flankəs kimdir" tipli müraciətlər daxil olurdu. Bir dəfə mənə Belçikanın miqrasiya idarəsindən belə bir müraciət daxil olmuşdu ki, "bir nəfər var, deyir ki, müxalifətçiyəm, müəlliməm, məni məcbur edirlər ki, YAP-a üzv olum. Əgər YAP-a üzv olmasam məni öldürəcəklər". Mən də cavab olaraq yazdım ki, bu cəfəngiyatdır, Azərbaycanda demokratiya olmaya bilər, qanunsuzluq ola bilər, ancaq kimisə partiyaya üzv olmadığı üçün öldürmürlər".

Razi Nurullayev qeyd etdi ki, siyasi miqrant alveri son 2-3 ildə inkişaf etməyə başlayıb.

Səxavət Məmməd
Ölkə.Az

ŞƏRH YAZ
0

Kolinda Qrabar-Kitaroviçdən İlham Əliyevə təbrik

Kolinda Qrabar-Kitaroviçdən İlham Əliyevə təbrik
20:39
19.04.2018
1769
Siyasət
A
Xorvatiya Respublikasının Prezidenti Kolinda Qrabar-Kitaroviç Prezident İlham Əliyevi təbrik edib.

"Ölkə.Az" xəbər verir ki, təbrik məktubunda deyilir:

Hörmətli cənab Prezident.

Yenidən Azərbaycan Respublikasının Prezidenti seçilməyiniz münasibətilə Sizi Xorvatiya Respublikasının vətəndaşları adından və şəxsən öz adımdan ürəkdən təbrik edirəm.

Xorvatiya Respublikası ölkələrimiz arasında xalqlarımızın getdikcə daha çox müxtəlif sahələrdəki ortaq maraqlarına xidmət edən tərəfdaşlığı və dost münasibətlərini yüksək qiymətləndirir. İnanıram ki, prezidentliyinizin yeni dönəmində də ölkələrimiz üçün xüsusilə böyük əməkdaşlıq potensialına malik olan və hər iki dövlət üçün mühüm əhəmiyyət kəsb edən iqtisadi və enerji sahələrində sıx münasibətlərimiz davam edəcək. Əminəm ki, Xorvatiya və Azərbaycan şirkətləri arasında əməkdaşlığı genişləndirmək üçün hər iki tərəfdə sərmayə qoyuluşuna maraq oyatmaq xüsusilə çox əhəmiyyətlidir.

Xorvatiya Respublikasına planlaşdırdığınız səfəriniz zamanı Sizinlə görüşməyi səbirsizliklə gözləyirəm və inanıram ki, bu görüşümüz həm ölkələrimiz, həm də vətəndaşlarımız arasında mövcud olan dostluq və konstruktiv əməkdaşlıq münasibətlərinin bundan sonra da inkişaf etməsinə təkan verəcək.

Cənab Prezident, Sizə ən səmimi salamlarımı və ən yüksək ehramımı çatdırıram.

Ölkə.Az

 

ŞƏRH YAZ
0

Misirin dövlət başçısı və Mərakeşin Kralı İlham Əliyevi təbrik etdi

Misirin dövlət başçısı və Mərakeşin Kralı İlham Əliyevi təbrik etdi
20:26
19.04.2018
971
Siyasət
A
Misir Ərəb Respublikasının Prezidenti Əbdülfəttah əs-Sisi Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın xəbərinə görə, təbrik mətnində deyilir:

"Zati-aliləri.

Prezident seçkilərində qələbəniz və dövlət başçısı səlahiyyətlərini yenidən icra etməyiniz münasibətilə Sizə ən səmimi təbriklərimi çatdırmaqdan böyük sevinc hissi duyur, dost xalqınızın ümid və istəklərini yerinə yetirmək istiqamətində şərəfli yolunuzun davamında uğurlar arzulayıram.

Sözsüz ki, seçkilərdə yüksək səs çoxluğu ilə qələbəniz xalqınızın Sizin müdrik rəhbərliyinizlə əldə etdiyi uğurları davam etdirmək əzminin əyani sübutudur.

Cənab Prezident, bu xoş fürsətdən istifadə edərək, dost ölkələrimiz və xalqlarımız üçün firavanlıq və rifaha yeni üfüqlər açan bütün sahələrdə qarşılıqlı əməkdaşlıq yollarının inkişafının əhəmiyyətini vurğulamaq istərdim.

Sizə möhkəm cansağlığı və xoşbəxtlik diləyir, Azərbaycan xalqına isə davamlı tərəqqi və rifah arzulayıram".

Bundan başqa, Mərakeşin Kralı Əlahəzrət VI Məhəmməd də Azərbaycan Respublikasının Prezidenti İlham Əliyevə təbrik məktubu ünvanlayıb. Məktubda deyilir:

"Hörmətli Prezident, Əziz Qardaşım.

Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırmaqdan böyük məmnunluq hissi duyuram. Ali dövləti vəzifənizdə uğurlarınızın davamlı olmasını, qardaş Azərbaycan xalqının maraqları naminə və ölkənizi bundan sonra da tərəqqiyə doğru aparmaq fəaliyyətinizdə Sizə yeni-yeni nailiyyətlər arzulayıram.

Azərbaycan xalqı Sizə yenidən etimad göstərərək Zati-alinizin müdrik dövlət xadimi kimi keyfiyyətlərini, eləcə də Azərbaycanın hərtərəfli və davamlı inkişafı istiqamətində apardığınız əzmkar və yorulmaz fəaliyyətinizi çox yüksək qiymətləndirdiyini nümayiş etdirdi.

Ölkələrimiz arasında səmərəli və dinamik inkişaf edən əməkdaşlıq münasibətlərinin indiki səviyyəsindən məmnunluq duyuram.

Zati-aliləri, ölkələrimiz arasında bütün sahələrdə əməkdaşlığı möhkəmləndirmək istiqamətində Sizinlə işləməyə davam etmək istərdim. Bu isə xalqlarımızın maraqlarına xidmət etməyin və onların arasındakı qardaşlıq əlaqələrinin təcəssümüdür".

Ölkə.Az

ŞƏRH YAZ
0
BAĞLA