Siyasi partiyalar gələn həftədən etibarən deputatlığa namizədlərini irəli sürəcəklər

Zamanı gələndə Yeni Azərbaycan Partiyası namizədlərinin irəli sürülməsi prosesinə başlayacaq.

Bunu “Ölkə.Az”a açıqlamasında YAP İcra katibliyinin siyasi təhlil və proqnozlşadırma şöbəsinin müdiri Aydın Mirzəzadə deyib.
Məsələ ilə hakim partiya YAP-ın mövqeyini öyrənməyə çalışdıq.

A.Mirzəzadə deyib ki, hələ zaman var və biz zamanı gələndə namizədlərimizin irəli sürülmsı prosesinə başlayacayıq.
Böyük Quruluş Patiyası isə namizədlərin irəli sürülmə kampaniyasına növbəti həftədən başlayacaq.
Bunu “Ölkə.Az”a açıqlamasında partiya sədri Fazil Mustafa deyib.

 Onun sözlərinə görə, hazırda partiyada namizədlərin irəli sürülməsi ilə bağlı proses gedir. “İlk olaraq mən dekabrın 9-10-da  namizdəliyimi  seçildiyim 26-cı Birinci Sabunçu Seşki Dairəsindən namizədliyimi irəli sürəcəyəm. Bundna sonra digər partiya üzvləri də müxtəlif dairələrdən namizədliklərini irəli sürəcək”- deyə, F. Mustafa bildirib.
BAXCP sədrinin müavini Niyaməddin Orduxanlı isə bildirib ki, partiya hələ 5 ay bundan əvvəl ölkədə növbədənkənar seçkilər keçiriləcəyi təqdirdə iştirak edəcəyini və onu dəstəkləyəcəyini bəyan edib. “BAXCP olaraq  hesab edirik ki, növbədənkənar parlament seçkiləri konstruktiv müxalifətin parlamentdəki imkanlarını daha da  genişlənməsinə imkan yaradacaq. Konstruktiv müxalifətin bu seçkidə uğru qazanacağına ümidliyik. BAXCP seçki partiyası olaraq bütün seçkilərdə fəal iştirak edib və  növbədənkənar parlament seçkilərində də fəal iştirak edəcək”- deyə, o bildirib.N.Orduxanlı əlavə edib ki, BAXCP növbədənkənar parlament seçkilərində işçtirakla bağlı rəsmi mövqeyi və iştirak forması, namizədlərin irəli sürülmə prosesi dekabrın 9-da təşkilatın İdarə Heyətinin iclasında müzakirə ediləcək və bəlli olacaq.

ADP-də  namizədlərin irəli sürülmə prosesinə növbəti həftə başlayacaq

Bunu “Ölkə.Az”a açıqlamasında  partiya sədrinin müavini Həsrət Rüstəmov deyib.

Onun sözlərinə görə, dekabrın 9-da partiyanın İdarə Heyətinin iclası olacaq və orada seçkilərdə iştirak forması və namizədlərin irəlü sürülmə prosesinə baxılacaq: “Yəqin ki, növbəti həftə ADP seçkidə iştirak edəcək namizədlər siyahısnı MSK-ya təqdim edəcək”.
 Ümid Partiyasının Ali Məclisi dekabrın 7-də keçirilən iclasında növbədənkənar parlament seçkilərində iştirakla bağlı rəsmi qərarını verib və ilkin olaraq 72 nəfərin namizədliyinin irəli sürülməsi qərara alınıb.

 Bunu “Ölkə.Az”a açıqlamasında  partiya sədri İqbal Ağazadə deyib.

Onun sözlərinə görə, bu say arta da bilər. “Biz dekabrın 10-da  seçkilərdə iştirakla bağlı namizədlər siyashısını MSK-ya təqdim edəcəyik”- İ.Ağzadə deyib.

Mürtəza
Ölkə.Az