Siyasi şpionları necə “verbovat” edirlər? — Müəllimlərə və din xadimlərinə - DİQQƏT

Siyasi şpionları necə “verbovat” edirlər?
13:55
11.09.2019
6984
Ölkə
A
"Siyasi agentləri şantaj və təxribat vasiəsi ilə əməkdaşlığa cəlb edirlər".

“Ölkə.Az” xəbər verir ki, Federal təhlükəsizlik xidmətinin general-mayoru Aleksandr Mixaylov  “ura.ru”ya açıqlamasında deyib.

“Xüsusi xidmətlər  orqanı əvvəlcə öyrənir ki, kim  daha zəruri məlumatlara malikdir. Onlar eyni zamanda mənəvi keyfiyyətinə baxırlar. Kim satmağa hazırdır.Bir yaxşı tikəyə hər şeyə hazırsan”-Mixaylov qeyd edib.

Rusiyalı  kəşfiyyatçı general hesab edir ki, Rusiya hökuməti siyasi aparatda strateji məsələlərlə məşğul olanlar arasında təmizlik işləri aparılmır.
Onun fikrincə, bu gün rəhbər strukturda yetərincə çalışanlar var ki, onların  xaricdə yaşayan qohumları, mülkiyyəti və bank hesabları var.

Sabiq xarici kəşfiyyatçı Vyaçeslav Laşkul isə hesab edir ki,  xarici xüsusi xidmət orqanları  daha çox din xadimlərini və müəllimləri əməkdaşlığa cəlb edir.  Onun fikrincə, çünki  bu insanlar, insanlarda daha az şübhə yaradır: “Agentin, əməkdaşın əsas vəzifəsi lazımi məqamda və lazımi yerdə olmaqdır”.

Onun sözlərinə görə, müəllimlər və dini təşkilatlar daha geniş auditoriyaya və əlaqələri malikdir: “Ona görə xarici kəşfiyyatçılar üçün ciddi maraq kəsb edir”.

Ölkə.Az

ŞƏRH YAZ
0

BDU tələbələrinin toksiki zəhərlənməsi nə deməkdir? — Qızları qəsdən zəhərləyiblər VERSİYASI

BDU tələbələrinin toksiki zəhərlənməsi nə deməkdir?
23:00
05.12.2019
4268
Ölkə
A
Bu gün nəhayət ki, AQTA sədri Qoşqar Təhməzli BDU -da zəhərlənən tələbə qızların qidadan yox, toksiki səbəbdən zəhərləndiyini və birinin həyatını bu səbəbdən itirdiyini bəyan etdi. Həftələrdir mətbuatda yazılan müxtəlif qida versiyaları heçə çıxarıldı və səhv hesab edildi. Hər halda müəyyən analizlər və meyitin ekspertizasının nəticələri dövlət rəsmisini belə bir açıqlama verməyə vadar edib. Bəs indi hüquq mühafizə orqanlarının araşdırdığı və üzə çıxarılmalı olduğu toksiki zəhərlənmə nə deməkdir?

"Ölkə.Az" medicina.az-a istinadən toksiki zəhərlənmə adı altında hansı maddələrdən və səbəblərdən zəhərlənmə versiyalarını araşdırıb.

Toksiki zəhərlənmə toksiki agentin müxtəlif yollarla orqanizmə düşməsi nəticəsində baş verir.

Bura aiddir:

Dəm qazı zəhərlənməsi
Müxtəlif qazlarla zəhərlənmə
Qidada olan toksiki agent, məsələn meşə göbələyi
Müxtəlif kimyəvi maddələrlə zəhərlənmə
Turşularla zəhərlənmə
Dərmanlarla zəhərlənmə
Mışyakla zəhərlənmə
Alkoqol zəhərlənməsi
Yandırıcı və təmizləmə məhlulları

Orqanizmə düşmə yollarına görə toksiki zəhərlənmənin inhalyasion - yəni tənəffüs yolları ilə, peroral - yəni ağızdan daxil olma, perkutan - dəri vasitəsilə, inyeksion - hər hansı iynə vurulması formaları ayırd edilir.

Toksiki agentin növü və dozasına görə fəsadlar yüngül, orta və ağır zəhərlənmə baş verir.

Baş vermə səbəbləri: təsadüfi - yəni xəstə toksiki agenti qəbul etdiyini bilmir, məişət- istehsalat - iş yerində və ya evdə toksiki maddə ilə təmasda olur, eləcə də qəsd və intihar - kimsə bu maddəni xəstəyə verib və ya xəstə sui qəsd məqsədilə qəbul edib.

Bu halların hamısının məhkəmə tibbi ekspertizası üçün yekun rəy verməyə təsiri var və ciddi araşdırılmalıdır.
Tələbə qızların narkoman, içki aludəçisi olmadıqları barədə ətrafı məlumat verdi, otaqda dəm qazı da olmayıb, çünki yataqxanada digər otaqlarda da tələbələr olub və onlar birinci dəfə təcili yardım çağıranda heç kim dəm qazı faktı aşkarlamayıb.

Ən real versiya qızların dərman, toksiki maddə tərkibli nəsə qəbul etməsidir, bu da real görünmür, çünki 3 qız birdən eyni dərmanı qəbul etməz.

O zaman digər versiya qəsdən zəhərlənmə real görünür: hər 3 qızın qidası, suyu və ya istifadə etdiyi hər hansı bir əşyaya toksiki zəhərli maddə əlavə edilib və yaxud onlar tərkibində zəhərli göbələk olan nəsə yeyib.

Qida agentliyi göbələk adı çəkmədiyi üçün qızların qidası və ya suyuna, çaydana ya ümumi mətbəxdə, ya da otaqda zəhərli maddə və ya dərman əlavə olunması versiyası üzərində dayanırıq. Yenə də son sözü hüquq mühafizə orqanları deyəcək.

ŞƏRH YAZ
0

Bakıda ölümlə nəticələnən yol qəzası baş verdi

Bakıda ölümlə nəticələnən yol qəzası baş verdi
19:45
05.12.2019
6426
Ölkə
A
Baş Dövlət Yol Polisi İdarəsi Bakıda ölümlə nəticələnən yol qəzası ilə bağlı məlumat yayıb.

İdarədən "Ölkə.Az" verilən xəbərə görə, dekabrın 5-də, saat 00:50 radələrində Bakı şəhəri, Sabunçu rayonu, Heydər Əliyev prospektində “Ford” markalı 99 ST 479 dövlət qeydiyyat nişanlı avtomobillə iki nəfər piyadanın vurulması ilə nəticələnən yol-nəqliyyat hadisəsi baş verib.

Nəticədə, 1995-ci il təvəllüdlü Samir Əliyev hadisə yerində dünyasını dəyişib, digər piyada - 1993-cü il təvəllüdlü Sabit Vəliyev isə müxtəlif dərəcəli bədən xəsarətləri alaraq xəstəxanaya yerləşdirilib.

Faktla bağlı cinayət işi açılıb, araşdırma aparılır.

"Bununla yanaşı, ilkin araşdırma zamanı müəyyən edilib ki, yol-nəqliyyat hadisəsinin baş verməsinə səbəb, yuxarıda adları qeyd olunan şəxslərin avtomobillərin intensiv və yüksək sürətlə hərəkət etdiyi yolu piyadalar üçün nəzərdən tutulmayan yerdən keçməyə cəhd göstərmələri olub.

Təəssüf ki, yolun işıqlandırılmasına baxmayaraq, piyadalar tərəfindən hava şəraitinin və yolda müəyyən edilmiş yüksək sürət həddinin nəzərə alınmaması növbəti dəfə faciəyə yol açıb.

Baş Dövlət Yol Polisi İdarəsi əhaliyə müraciət edərək, onları sözügedən yol-nəqliyyat hadisənin baş vermə səbəblərindən düzgün nəticə çıxarmağa, yol hərəkəti qaydalarına ciddi riayət etməyə, ən əsası həm özlərinin, həm də doğmalarının həyatına biganə qalmamağa çağırır", - deyə İdarənin məlumatında bildirilib.

ŞƏRH YAZ
0
BAĞLA