Siyavuş Kərimi əməkdar artisti işdən çıxardı — FOTO

Siyavuş Kərimi əməkdar artisti işdən çıxardı
16:55
15.09.2017
400
Mədəniyyət
A
Azərbaycan Milli Konservatoriyasında ixtisarlar başlayıb.

"Ölkə.Az"-ın məlumatına görə, ötən gün keçirilən iclasda üç nəfər xanəndə-pedaqoq işdən azad edilib. Qeyd edilir ki, işdən azad olunan müəllimlər sırasında tanınmış xanəndə, əməkdar artist Cabir Abdullayevin də adı var.

Məlumata görə, ixtisara düşən bəzi müəllimlər qərara etiraz etsələr də, rektor Siyavuş Kərimi tələbələrin fikrini onlara çatdırıb:

 "Tələbələr sizdən razı deyillər. Bizə tələbələrdən xeyli sayda müraciət daxil olub. Onlar Mənsum İbrahimov və Təyyar Bayramovun sinfində təhsil almaq istəyirlər".

Qeyd edək ki, daha iyirmi müşayiətçi-müəllim işdən azad edilib.

İntiqam VALEHOĞLU 
Ölkə.Az

ŞƏRH YAZ
0

Üzeyir Hacıbəyli bu bəstəkarın adını dəyişibmiş — TARİXİ FAKT

Üzeyir Hacıbəyli bu bəstəkarın adını dəyişibmiş
13:18
Bu gün
2611
Mədəniyyət
A
Əməkdar artist Fehruz Səxavət "Onda başladıq" verilşində çox maraqlı tarixi fakt açıqlayıb.

"Ölkə.Az"ın məlumatına görə, xanəndə  əfsanəvi bəstəkar Cahangir Cahangirovun adının sonradan qoyulduğunu bildirib:

"Cahangir Cahangirov yazdığı əsəri Üzeyir Hacıbəylinin yanına gətirir. Üzeyir bəy soruşur ki, adın nədir? Deyir, Balaqədeş. Əsərdən xoşu gəldiyi üçün dərhal gənc bəstəkarın gələcəyini düşünür. Soruşur ki, soyadın nədir? Deyir ki, Cahangirov. Üzeyir bəy deyir ki, bundan sonra sən oldun Cahangir Cahangirov. Məhz ondan sonra gənc bəstəkar rəsmi şəkildə Balaqədeş adını Cahangir adıyla əvəzləyir".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU 
Ölkə.Az

ŞƏRH YAZ
0

"Zəhra gözəl addır, amma 14 min nəfərə yox" — Təvəkkül Səlimov

11:33
Bu gün
3205
Mədəniyyət
A
"Biz övladlarımıza yalnız türk mənşəli adlar qoya bilmərik. Ərəbin, farsın, həmçinin Avropanın gözəl adlarını da övladlarımıza verməliyik".

"Ölkə.Az"-ın məlumatına görə, bu fikirləri "Space" telekanalında Kamran Həsənlinin aparıcılığıyla yayımlanan "Onda başladıq" verilişində professor Təvəkkül Səlimov səsləndirib. Alimin sözlərinə görə, bu, mədəni əlaqələrin inkişafı baxımından da da müsbət haldır:

"Zəhra da gözəl addır, amma 14 min dənə yox. Mənim nəvəmin adı da Zəhradır, ölürəm onunçun. Ancaq biz Avropa adlarını da qoymalıyıq. Telman məşhur alman kommunistdir, amma Bakı kəndlərində onlarla belə adlar var".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU 
Ölkə,Az

ŞƏRH YAZ
0
BAĞLA