Siyavuş Novruzov: “Kimsə Cümhuriyyətinin 100 illiyinə YAP-ın laqeyd yanaşdığını deyə bilməz”
“Yeni Azərbaycan Partiyası (YAP) Azərbaycan Xalq Cümhuriyyətinin 100 illik yubileyi ilə bağlı silsilə tədbirlər təşkil edir”.
Bu fikirləri “Ölkə.Az”a açıqlamasında Milli Məclisin komitə sədri, YAP-ın icra katibinin müavini Siyavuş Novruzov bildirib.
S.Novruzov deyib ki, YAP-ın bütün rayon və şəhər təşkilatları tərəfindən Cümhuriyyətin 100 illiyi ilə bağlı tədbirlər keçirilir:
“Cümhuriyyətin 100 illiyilə əlaqədar biz də tədbirlər keçiririk. Kimsə YAP-ın bu məsələyə laqeyd yanaşdığını deyə bilməz. Cümhuriyyətin 100 illik yubileyinin qeyd edilməsi ilə bağlı Sərəncam var. Həmin Sərəncama uyğun olaraq biz də öz üzərimizə düşən işləri görürük”.
Vasif Həsənli
Ölkə.Az