Siyavuş Novruzov: “Şahı iki yolun ortasına qoymuşuq”

Siyavuş Novruzov: “Şahı iki yolun ortasına qoymuşuq”
17:31
12.06.2018
4762
Siyasət
A
“O boyda Şah İsmayıl Xətaini aparıb iki yolun ortasına qoymuşuq”.

“Ölkə.Az” xəbər verir ki, bunu Milli Məclisdə çıxışı zamanı komitə sədri Siyavuş Novruzov deyib.

Əlavə edib ki, ölkəyə gələn xarici vətəndaş Xətainin abidəsi önündə foto çəkdirmək istəsə, qəzaya düşəcək:
“Şah İsmayıl Xətai bu dövlət qurub, onun qurduğu dövlətin ərazisi milyonlarla  kvadrat kilometr olub. Amma Şah İsmayılı aparıb qoymuşuq iki yolun ortasında. Qaçaq Koroğlunu aparıb parkın ortasına qoymuşuq”.

Vasif Həsənli
Ölkə.Az

ŞƏRH YAZ
0

"Fransa Azərbaycanı bir müstəqil tərəfdaş kimi qəbul edir" — Politoloq

10:45
22.07.2018
2539
Siyasət
A
Prezident İlham Əliyevin Fransaya səfəri mühüm əhəmiyyət kəsb edir. Bunu Trend-ə açıqlamasında siyasi ekspert Arzu Nağıyev deyib.

Ekspert bildirib ki, Fransa Avropa İttifaqında öz sözünü deyən, eyni zamanda NATO-nun üzvü olan aparıcı dövlətlərdən biridir:

"Azərbaycan dövlətinin Fransa ilə davamlı əlaqələri olub. Fransa ATƏT-in Minsk qrupunun həmsədri olduğu üçün Azərbaycan Prezidenti cənab İlham Əliyev Fransa rəhbərliyi ilə daimi təmasda olub".

A.Nağıyev qeyd edib ki, Prezident İlham Əliyevin Fransaya səfərində əsas məqamlardan biri "Total" şirkətinin rəhbərliyi ilə əlaqələrin müzakirəsi, həmçinin bir sıra müqavilələrin imzalanması istiqamətində aparılan danışıqlardır:

"Bu gün Fransa ilə istər siyasi, iqtisadi, istərsə də hərbi baxımdan yaxın münasibətlərimiz var. Bu gün Azərbaycan Avropanın enerji təhlükəsizliyinə qarşı təhdidin qarşısının alınmasında iştirak edən bir dövlətdir. Fransa Azərbaycanı bir müstəqil tərəfdaş kimi qəbul edir. Eyni zamanda unutmaq lazım deyil ki, Fransada böyük erməni lobbisi fəaliyyət göstərir. Bunun qarşısını almaq üçün də birbaşa təmas çox mühüm əhəmiyyət kəsb edir".

Ölkə.Az

ŞƏRH YAZ
0

“Qarabağ” futbol klubunun rəmzi mənası — Fransa mətbuatı yazır

“Qarabağ” futbol klubunun rəmzi mənası
20:30
21.07.2018
5645
Siyasət
A
Fransanın www.ouest-france.fr portalında “30 minlik əhalisi olan Ağdam kabus şəhərə çevrilib” sərlövhəli məqalə dərc edilib.

"Ölkə.Az" AzərTac-a istinadən xəbər verir ki, məqalədə UEFA Avropa Liqasında mübarizə aparan Ağdamın “Qarabağ” futbol klubu haqqında ətraflı məlumat verilib.

Müəllif klubun doğma şəhəri Ağdamla bağlı maraqlı məqamlara toxunaraq, onun işğal altında olduğunu bildirib. Ermənistan-Azərbaycan, Dağlıq Qarabağ münaqişəsindən bəhs edən müəllif Ağdam şəhərinin strateji əhəmiyyətindən söz açıb. O, Ağdamın buradakı binaların rənginə görə hələ XVIII əsrdə “ağ şəhər” adlandırıldığını yazıb. Ağdamın qədim muzeylərinə dair ətraflı məlumatın verildiyi yazıda müharibə nəticəsində xarabazarlığa çevrilmiş şəhərin “Qafqazın Xirosiması” olduğu diqqətə çatdırılıb.

Ötən il Azərbaycan futbolunun tarixində ilk dəfə UEFA Çempionlar Liqasının qrup mərhələsində çıxış edən “Qarabağ” klubunun bu il avrokuboklarda mübarizəyə əzmkarlıqla başlaması komandanı yenidən qitənin idman mətbuatının diqqət mərkəzinə çevirib. Bu məqamın xüsusi vurğulandığı yazıda klubun 1993-cü ildən etibarən ev oyunlarını doğma şəhərində keçirə bilməməsi qeyd edilib, Ağdamın “kabus şəhəri”n təmsilçisi olduğu diqqətə çatdırılıb.

Ölkə.Az

ŞƏRH YAZ
0
BAĞLA