Siyəzəndə minik maşını yük avtomobili ilə toqquşdu
Siyəzən rayonunun Zarat kəndi ərazisində ölümlə nəticələnən yol-nəqliyyat hadisəsi baş verib.
"Ölkə.Az" xəbər verir ki, hadisə Siyəzən rayonunun Zarat kəndi ərazisində baş verib. Sumqayıt şəhər sakini F.Quliyevin idarə etdiyi “KİA” markalı minik avtomobili ilə Abşeron rayon sakini A.İmaməliyevin idarə etdiyi “Ford” markalı yük maşını toqquşub. Nəticədə F. Quliyevin sərnişini, Xızı rayon sakini Natiq İlyasov hadisə yerində ölüb, sürücü isə xəstəxanaya yerləşdirilib.
Faktla bağlı Baş İstintaq və Təhqiqat İdarəsi tərəfindən araşdırma aparılır.
Natiq Allahverdiyev
Ölkə.Az
