Siyəzəndə sərnişin avtobusu aşdı
Bu gün Siyəzən rayonunda baş vermiş ağır yol qəzasının bəzi təfərrüatları bəlli olub. Hadisə zamanı yaralananlar Siyəzən Regional Diaqnostika Mərkəzinə aparılıb.
"Ölkə.Az" xəbər verir ki, "Report"un Şimal bürosu hadisə zamanı yaralanan şəxslərin bəzilərinin adlarını öyrənə bilib:
Salamov Pərviz Fəxrəddin oğlu- 1990 təvəllüdlü
Ağayev Ceyhun Qəhrəman oğlu -1988 təvəllüdlü
Balabəyov Firuz Canlar oğlu - 1981 təvəllüdlü
Cəbrayılov Cəlil Ayətşah oğlu - 1991 təvəllüdlü
Digər yaralıların da adlarını öyrənməyə çalışacağıq.
Xatırladaq ki, hadisə zamanı mikroavtobusda 15 nəfər olub.
***
Ölkə.Az-ın "Report"a istinadən məlumatına görə, Siyəzən-Məşrif-Qalaltı marşrutu üzrə hərəkət edən “Mercedes” markalı mikroavtobus dərəyə yuvarlanıb.
Hadisə zamanı mikroavotobusda 15 nəfər olub. 8 nəfərin yaralandığı bildirilir.
Siyəzən rayonundan hadisə yerinə 3 təcili tibbi yardım briqadası gedib.