"Skoda" ilk elektrik avtomobilini təqdim etdi

"Ölkə.Az"-ın xəbərinə görə, "Vision E" adlı krossover şirkətin tam olaraq elektriklə çalışan ilk modelidir.

Avtomobil futuristik dizayna malikdir. Həm eksteryer, həm də interyerdə minimalizm əsas təşkil edir. Avtomobilin uzunluğu 4688 mm, təkər bazası isə 2851 mm-dir. Yeni model "Kodiaq" modeli ilə müqayisədə daha qısa, geniş və alçaqdır.

Salona 3 displey quraşdırılıb. Bundan başqa avtomobil çoxsaylı müasir funksiyalarla təchiz edilib. Onlar arasında, ürək ritmi monitoru, sürücünün yorğunluğunu aşkar etmək üçün gözlərinə nəzarət funksiyası və jestləri idarəetmə sistemi var.

Kapotun altına yerləşdirilən iki ədəd elektrik mühərriki 302 at gücü hasil edir. Maksimal sürət 180 km/saatdır. Avtomobil bir dəfəyə batereyası ilə 500 km məsafə qət edə bilir. 80 faiz enerjini isə 30 dəqiqə ərzində bərpa edir.

Hikmət
Ölkə.Az