Slovakiyalı nazir: \"Siyasi həllə aparan dialoqu dəstəkləyirik\"
"ATƏT regionunda həlli uzanan münaqişələrin mövcud danışıqlar formatlarını dəstəkləməyə çalışacağıq".
"Ölkə.Az" Report-a istinadən xəbər verir ki, bunu Slovakiyanın Xarici və Avropa İşləri Nazirliyinin dövlət katibi Lukaş Parizek Vyanada Daimi Şuranın iclasında Slovakiyanın 2019-cu ildə ATƏT-ə sədrliyinin prioritetlərini təqdim edərkən deyib.
"Siyasi həllə aparan dialoq - bizə məhz bu lazımdır və bunu dəstəkləyəcəyik", - L.Parizek bildirib.
Slovakiya XİN başçısı həmçinin ölkəsinin ATƏT-ə sədrliyinin daha bir prioritetinin təşkilat məkanında münaqişələrin qarşısının alınmasına yardım göstərməkdən ibarət olacağını açıqlayıb.