ӘӘSMN rəhbərliyi Salyan, Cəlilabad və Biləsuvarda sakinlərlə görüşüb — FOTO

ӘӘSMN rəhbərliyi Salyan, Cəlilabad və Biləsuvarda sakinlərlə görüşüb
20:36
24.01.2020
756
Siyasət
A
Əmək və Əhalinin Sosial Müdafiəsi naziri Sahil Babayev Salyan rayonunda həmin rayonun sakinlərini fərdi qaydada qəbul edib.

Nazirlikdən "Ölkә.Az"a verilən məlumata görə, qəbuldan əvvəl Sahil Babayev və Salyan rayon İcra Hakimiyyətinin başçısı Sevindik Hətəmov ümummilli liderimiz Heydər Əliyevin Salyan rayonundakı abidəsi önünə gül dəstələri düzüb, xatirəsini ehtiramla yad ediblər.

Vətəndaşlarla görüşdə nazir Prezident İlham Əliyevin uğurlu sosial siyasətinin nəticəsi olaraq, sosial sahədə aparılan islahatlar, pensiya və müavinətlərin, təqaüdlərin ciddi şəkildə artırılması, reabilitasiya və sosial xidmət sisteminin müasirləşdirilməsi və genişləndirilməsi sahəsində görülən işlər barədə məlumat verib. Sahil Babayev, eyni zamanda, 2020-ci ildə sosial sahədə aparılacaq islahatları qeyd edib, sosial inkişaf sahəsində əldə olunan nailiyyətlərin qarşıdakı dövrdə də davam edəcəyini vurğulayıb.

Qəbul zamanı vətəndaşların sosial təminat növləri üzrə hüququn müəyyən edilməsi, məşğulluğun təminatı, özünüməşğulluq və peşə hazırlığı proqramlarına, bərpa müalicəsinə cəlb olunma, əlilliyin qiymətləndirilməsi, reabilitasiya vasitələri ilə təminat, əmək hüquqlarının müdafiəsi və s. məsələlərlə bağlı müraciətləri dinlənilib. Müraciətlərdə qaldırılan bir sıra məsələlərin həlli ilə bağlı yerindəcə tədbirlər görülüb. Ayrı-ayrı vətəndaşların aktiv məşğulluq proqramlarına, habelə özünüməşğulluq proqramına, reabilitasiya xidmətlərinə cəlb edilmələri, sosial xidmətlərlə təmin edilmələri və s. tapşırılıb. Sorğu xarakterli müraciətlərlə bağlı ətraflı izahatlar verilib.

Salyan rayonunda olarkən Sahil Babayev Sevindik Hətəmovla birgə bu rayonda özünüməşğulluq proqramının iştirakçıları ilə görüşüb, proqram çərçivəsində yaradılmış təsərrüfatlara baxış keçiriblər.

 

Ötən il nazirlik yanında Dövlət Məşğulluq Xidməti tərəfindən Salyan rayonunda 1321 nəfər münasib işlə, “İşsizin DOSTu” proqramı çərçivəsində isə rayonda 631 nəfər ödənişli ictimai işlə təmin edilib. Salyanda 2019-cu ildə əvvəlki illə müqayisədə 50 faiz çox olmaqla, 151 nəfər işsiz və işaxtarana özünüməşğulluq proqramı əsasında mal və materiallar formasında aktivlər verilməklə onların kiçik ailə müəssisələri yaradılıb. Onlardan 100-dən çoxu müharibə veteranları, əlilliyi olan şəxslər, ünvanlı sosial yardım alan və ya çoxuşaqlı ailələrin üzvləridir.

Proqram iştirakçıları aztəminatlı ailələrin sahibkarlığa keçid imkanına malik olmalarında və gəlirlərini artırmalarında dəstək olan özünüməşğulluq proqramının icrasına və bu proqramın ildən-ilə daha da genişləndirilməsinə görə Prezident İlham Əliyevə minnətdarlıqlarını ifadə ediblər.

Eyni zamanda, Əmək və Əhalinin Sosial Müdafiəsi nazirinin müavini Anar Kərimov Cəlilabad rayonunda həmin rayonun və Əmək və Əhalinin Sosial Müdafiəsi nazirinin müavini Vüsal Nəsirli Biləsuvar rayonunda Biləsuvar və Cəbrayıl rayonlarının sakinlərini fərdi qaydada qəbul ediblər.

ŞƏRH YAZ
0

Tramp keçmiş müşavirini “satqın” adlandırdı

Tramp keçmiş müşavirini “satqın” adlandırdı
22:08
Bu gün
437
Siyasət
A
ABŞ Prezidenti Donald Tramp Milli Təhlükəsizlik üzrə keçmiş müşaviri Con Boltonu “satqın” adlandırıb.

“The Washington Post” xəbər verir ki, ölkə başçısı Boltonun kitabının nəşrinə icazə verilməməsi üçün çağırış edib. 

Tramp hesab edir ki, kitabda Ağ Ev ekspertləri tərəfindən aparılmış araşdırmanın nəticələri ilə bağlı gizli məlumatlar var. 

Mütəxəssislər kitabdakı bəzi informasiyaların “yüksək gizli səviyyədə” olduğunu müəyyən ediblər. 

Qeyd edək ki, Con Bolton 2019-cu ilin oktyabrında milli təhlükəsizlik müşaviri olaraq gördüyü işlər haqqında kitab yazmaq istədiyini bildirmişdi. 

ŞƏRH YAZ
0

Hərbçilərimiz Gürcüstanda qış dağ təlimində — FOTO

Hərbçilərimiz Gürcüstanda qış dağ təlimində
20:54
Bu gün
924
Siyasət
A
Gürcüstanın Bakuriani bölgəsində qış dağ təlimi keçirilir.

"Ölkə.Az" report-a istinadən xəbər verir ki, bu barədə Gürcüstanın Müdаfiə Nаzirliyi məlumat yayıb.

NATO-nun “Sülh naminə tərəfdaşlıq” proqramı çərçivəsində təşkil olunan təlimdə alyansa yeddi üzv və tərəfdaş ölkədən olan 31 hərbçi qatılıb. Gürcüstanla yanaşı, təlimdə Azərbaycan, ABŞ, Latviya, Ukrayna, Polşa və Belarusdan olan hərbçilər də iştirak edirlər.

Saçxere Dağ Hazırlığı Təlim Mərkəzinin təlimçilərinin köməyi ilə hərbçilər xizəklə maneələrin dəf olunması, qarda sığınacağın qurulması, qar uçqunu zamanı axtarışların həyata keçirilməsi və xəsarət alanların təxliyəsi üsullarını öyrənirlər. Təlim qarlı ərazidə gecələməyi də nəzərdə tutur.

Kursun sonunda hərbçilər imtahan verəcəklər və bu da onlara qış aralıq təlim kursunda iştiraka imkan yaradacaq.

Ölkə.Az

ŞƏRH YAZ
0
BAĞLA