“SOCAR AQŞ” Hesabatlılıq üzrə Qlobal Təşəbbüslər Cəmiyyətinə üzv olub

“SOCAR AQŞ” Hesabatlılıq üzrə Qlobal Təşəbbüslər Cəmiyyətinə üzv olub
15:48
08.11.2019
839
İqtisadiyyat
A
“SOCAR AQŞ” MMC hesabatlılıq və şəffaflıq üzrə beynəlxalq standartları hazırlayan nüfuzlu Hesabatlılıq üzrə Qlobal Təşəbbüslər Cəmiyyətinə (GRI) üzv olub.

"Ölkə.Az" xəbər verir ki, şirkətdən Report-a bildirilib ki, “SOCAR AQŞ” üzv olmaqla bu sahədə Azərbaycan müəssisələri arasında ilkə imza atıb.

Bildirilib ki, GRI-yə qoşulmaqla müəssisə iqtisadi inkişafın mühüm amili kimi qiymətləndirilən şəffaflığın artırılması və hesabatlılığın yüksək səviyyədə qurulması, mütərəqqi idarəetmə, nəzarət forma və metodlarının yaradılması, monitorinq sisteminin təkmilləşdirilməsi və statistika infrastrukturunun yaxşılaşdırılması sahələrində qabaqcıl standartları tətbiq edir.

“SOCAR AQŞ”nin baş direktoru Ramin İsayev bildirib ki, müasir şəraitdə dünyada baş verən iqtisadi proseslər, qloballaşma və digər qlobal amillər hesabatlılığın və şəffaflığın təkmilləşdirilməsini zəruri edən bir sıra mühüm çağırışları labüd edir:

“Öz fəaliyyətində hesabatlılığı və şəffaflığı ən önəmli prinsiplərdən hesab edən “SOCAR AQŞ” bu sahədə ən yüksək dünya standartlarını ardıcıl olaraq tətbiq edir. GRİ standartlarına əsasən hazırladığımız hesabatlar bütün maraqlı tərəflərdə, o cümlədən, sifarişçilərdə, beynəlxalq maliyyə institutlarında və təchizatçı şirkətlərdə müəssisənin fəaliyyətində tam şəffaf və etibarlılıq mühitinin yaradılmasına dair əminlik yaradır. GRI-ə üzvlük beynəlxalq miqyasda müəssisənin korporativ nüfuzunun möhkəmləndirilməsinə əsaslı dəstək olacaq”.

Qeyd edək ki, 1997-ci ildə təsis edilmiş və baş qərargahı Amsterdamda yerləşən GRİ hesabatlılıq standartlarına görə, dünyada ən çox istinad edilən qabaqcıl beynəlxalq təşkilatdır. GRI dövlət təsisatlarını, özəl sektor və vətəndaş cəmiyyətlərini beynəlxalq standartlara istinad edərək fəaliyyətlərində şəffaflıq və hesabatlılıq meyarlarının əsas götürülməsinə dəvət edir.

İstənilən təsisatın fəaliyyətində GRI standartlarının tətbiqi risklərin müəyyənləşdirməsi və idarə edilməsinə, maraqlı tərəflərlə konstruktiv əlaqələrin genişləndirilməsinə, rəqabətədavamlılığın, nüfuzun və etimadın artırılmasına əhəmiyyətli dərəcədə müsbət təsir edir.

Xatırladaq ki, “SOCAR AQŞ” MMC inteqrə olunmuş qazma və quyu xidmətləri göstərən birgə müəssisə kimi SOCAR və “Abşeron Qazma Şirkəti” tərəfindən 2007-ci ildə təsis edilib.

Müəssisənin əsas fəaliyyəti quyuların layihələndirilməsi və planlaşdırılması, neft və qaz quyularının qazılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin qazılması və çoxşaxəli quyuların qazılması ilə bağlı iş və xidmətlərin təqdim edilməsindən ibarətdir.

Bundan başqa, şirkət təchizat sistemlərinin, anbar təsərrüfatının və digər əlaqəli xidmətlərin idarə olunması sahəsində də zəngin təcrübəyə malikdir.

Hazırda “SOCAR AQŞ” “Dayazsulu Günəşli” yatağında yerləşən 7 və 11 saylı, “Qərbi Abşeron” yatağının 10 saylı və “Bulla” yatağında 6 saylı Dəniz Stasionar Özüllərində (DSÖ) qazma işləri aparır.

“SOCAR AQŞ” Banqladeş, Ukrayna və Türkiyədə fəaliyyət coğrafiyasını genişləndirməklə müvafiq müqavilələr üzrə nəzərdə tutulan layihələrin icrasını uğurla həyata keçirir.

Müəssisənin səhmdarları SOCAR, “Nobel Oil Services” və “Abşeron Qazma” MMC-dir.

ŞƏRH YAZ
0

“Qeyri-neft sektorunda əhəmiyyətli artım gözlənilir” — Nazir

“Qeyri-neft sektorunda əhəmiyyətli artım gözlənilir”
16:19
Bu gün
158
İqtisadiyyat
A
“Ötən 10 ayda qeydə alınan əmək müqavilələrinin sayında 17 faiz artım olub. Görülən işlər nəticəsində son illər dövlət büdcəsindən Dövlət Sosial Müdafiə Fondunun büdcəsinə transfer olmayacaq”.

“Ölkə.Az” xəbər verir ki, bunu İqtisadiyyat naziri Mikayıl Cabbarov bu gün Milli Məclisin iclasında çıxışı zamanı bildirib. 

Onun sözlərinə görə, turizm sektorunda bu ilin 9 ayında turistlərin sayı 2.4 milyon nəfəri ötüb:

“Görülən işlər nəzərə alınaraq, gələn il turizm sektounda 6 faiz, növbəti 3 ildə 5,6 faiz artım gözlənilir. Büdcə investisiyalarının azalması fonunda qeyri-neft investisiyalarının gələn il 11 faiz artması proqnozlaşdırılıb. Ötən 10 ayda qeydə alınan əmək müqavilələrinin sayında 17 faiz artım olub. Görülən işlər nəticəsində son illər dövlət büdcəsindən Dövlət Sosial Müdafiə Fondunun büdcəsinə transfert olmayacaq. Bununla belə, hesab edirik ki, ölkədə ünvanlı dövlət sosial yardımın özünüməşğulluqla əvəzlənməsi sürətləndirilməlidir”.

İqtisadiyyat naziri bildirib ki, Azərbaycanda insanların tarixən fərdi sahibkarlığa və ticarətə meyli var:

“Biz bu amili tam gücü ilə hərəkətə gətirməliyik. Bu sahədə qeyri-şəffaf amillər aradan qaldırılmalıdır. Biznesin dövlət tənzimlənməsi yükü daha da azaldılmalıdır. Mülkiyyət hüququnun daha etibarlı qorunması təmin edilməlidir. Bu olmadan rəqəmsal iqtisadiyyata inteqrasiya çətin olacaq. Yüksək neft gəlirləri dövründə dövlətin rolu post-neft dövründə dəyişir. Dövlət əmlakının səmərəli idarə edilməsi qarşıda duran vəzifələrdən biridir. Dövlət şirkətləri aydın və dəqiq stratejiyaya malik olmalı, dövlət şirkətlərinin dövlət büdcəsi üçün ağır yükə çevrilmələrinin qarısı alınmalıdır. Yeni, müvafiq standartlar bu sahəyə gətirilməlidr. Dünya rəqəmsal iqtisadiyyata doğru irəlləyir, bu sahədə insan kapilatının rolu artacaq. Ali peşə və biznesin sıx inteqrasiyası baş verməlidir. Təhsilin əmək bazarına tam uyğunlaşması təmin edilməlidir. İnsanın kapitalının formalaşmasına yönələn tədbirlərin əhatə dairəsi genişlənəcək”. 

M. Cabbarov qeyd edib ki, bank sektorunun sağlamlaşdırılmasının başa çatdırılması, biznesin maliyyə vəsaitlərinə çıxış etdirilməsi əhəmiyyətlidir: “Prezident tərəfindən uğurla həyata keçirilən siyasət, inqtisadiyyatın dayanıqlığınını qorunub saxlanılması üçün görülən tədbirlər növbəti ildə yeni iqtisadi model çərçivəsində əhalinin sosial durumunun daha da yaxşılaşmasına səbəb olacaq”.

 Mürtəza
Ölkə.Az

 

ŞƏRH YAZ
0

"Azərbaycanda kölgə iqtisadiyyatı ilə bağlı real durumu bilmirik" — Ziyad Səmədzadə

13:13
Bu gün
332
İqtisadiyyat
A
Komitə sədri aidiyyatı dövlət qurumlarına ölkədəki kölgə iqtisadiyyatının real durumu ilə bağlı izahat verilməsinə çağırış edib.

 “Ölkə.Az” xəbər verir ki,  belə bir çağırışla Milli Məclisdə 2020-ci il büdcəsinin müzakirəsi zamanı İqtisadi siyasət, sənaye və sahibkarlıq komitəsinin sədri Ziyad Səmədzadə  çıxışı zamanı çıxış edib.

 Komitə sədri deyib ki, növbəti ildə ölkə iqtisadiyyatının kölgədən çıxarılması istiqamətində  işlər görüləcək. “Ancaq biz  Azərbaycanda  kölgə iqtisadiyyatı ilə bağlı real durumu bilmirik. Bunun üçün müvafiq dövlət qurumları iş Aparır. Hesab edirəm ki, İqtisadiyyat Nazirliyi və Statistika  Komitəsi  ölkə iqtisadiyyatındakı real kölgə iqtisadiyyatının real durumu ilə bağlı  açıqlama verməlidirlər. Çünki mətbuatda bununla bağlı müxtəlif fikirlər səslənməkdədir. Bəzi xarici ölkələr və təşkilatlar bununla bağlı  fərqli fikirlər qeyd edirlər. Biz hansının doğru olduğunu bilmirik.  Ola bilsin ki,  bu rəqəmlər şişirdilir.  Ona görə də real durumla bağlı açıqlama verilməlidir”- komitə sədri deyib.

 Mürtəza
Ölkə.Az

ŞƏRH YAZ
0
BAĞLA