KORONAVİRUSA YOLUXANLARIN SAYI - CANLI STATİSTİKA

“SOCAR AQŞ” Hesabatlılıq üzrə Qlobal Təşəbbüslər Cəmiyyətinə üzv olub

“SOCAR AQŞ” Hesabatlılıq üzrə Qlobal Təşəbbüslər Cəmiyyətinə üzv olub
15:48
08.11.2019
1574
İqtisadiyyat
A
“SOCAR AQŞ” MMC hesabatlılıq və şəffaflıq üzrə beynəlxalq standartları hazırlayan nüfuzlu Hesabatlılıq üzrə Qlobal Təşəbbüslər Cəmiyyətinə (GRI) üzv olub.

"Ölkə.Az" xəbər verir ki, şirkətdən Report-a bildirilib ki, “SOCAR AQŞ” üzv olmaqla bu sahədə Azərbaycan müəssisələri arasında ilkə imza atıb.

Bildirilib ki, GRI-yə qoşulmaqla müəssisə iqtisadi inkişafın mühüm amili kimi qiymətləndirilən şəffaflığın artırılması və hesabatlılığın yüksək səviyyədə qurulması, mütərəqqi idarəetmə, nəzarət forma və metodlarının yaradılması, monitorinq sisteminin təkmilləşdirilməsi və statistika infrastrukturunun yaxşılaşdırılması sahələrində qabaqcıl standartları tətbiq edir.

“SOCAR AQŞ”nin baş direktoru Ramin İsayev bildirib ki, müasir şəraitdə dünyada baş verən iqtisadi proseslər, qloballaşma və digər qlobal amillər hesabatlılığın və şəffaflığın təkmilləşdirilməsini zəruri edən bir sıra mühüm çağırışları labüd edir:

“Öz fəaliyyətində hesabatlılığı və şəffaflığı ən önəmli prinsiplərdən hesab edən “SOCAR AQŞ” bu sahədə ən yüksək dünya standartlarını ardıcıl olaraq tətbiq edir. GRİ standartlarına əsasən hazırladığımız hesabatlar bütün maraqlı tərəflərdə, o cümlədən, sifarişçilərdə, beynəlxalq maliyyə institutlarında və təchizatçı şirkətlərdə müəssisənin fəaliyyətində tam şəffaf və etibarlılıq mühitinin yaradılmasına dair əminlik yaradır. GRI-ə üzvlük beynəlxalq miqyasda müəssisənin korporativ nüfuzunun möhkəmləndirilməsinə əsaslı dəstək olacaq”.

Qeyd edək ki, 1997-ci ildə təsis edilmiş və baş qərargahı Amsterdamda yerləşən GRİ hesabatlılıq standartlarına görə, dünyada ən çox istinad edilən qabaqcıl beynəlxalq təşkilatdır. GRI dövlət təsisatlarını, özəl sektor və vətəndaş cəmiyyətlərini beynəlxalq standartlara istinad edərək fəaliyyətlərində şəffaflıq və hesabatlılıq meyarlarının əsas götürülməsinə dəvət edir.

İstənilən təsisatın fəaliyyətində GRI standartlarının tətbiqi risklərin müəyyənləşdirməsi və idarə edilməsinə, maraqlı tərəflərlə konstruktiv əlaqələrin genişləndirilməsinə, rəqabətədavamlılığın, nüfuzun və etimadın artırılmasına əhəmiyyətli dərəcədə müsbət təsir edir.

Xatırladaq ki, “SOCAR AQŞ” MMC inteqrə olunmuş qazma və quyu xidmətləri göstərən birgə müəssisə kimi SOCAR və “Abşeron Qazma Şirkəti” tərəfindən 2007-ci ildə təsis edilib.

Müəssisənin əsas fəaliyyəti quyuların layihələndirilməsi və planlaşdırılması, neft və qaz quyularının qazılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin qazılması və çoxşaxəli quyuların qazılması ilə bağlı iş və xidmətlərin təqdim edilməsindən ibarətdir.

Bundan başqa, şirkət təchizat sistemlərinin, anbar təsərrüfatının və digər əlaqəli xidmətlərin idarə olunması sahəsində də zəngin təcrübəyə malikdir.

Hazırda “SOCAR AQŞ” “Dayazsulu Günəşli” yatağında yerləşən 7 və 11 saylı, “Qərbi Abşeron” yatağının 10 saylı və “Bulla” yatağında 6 saylı Dəniz Stasionar Özüllərində (DSÖ) qazma işləri aparır.

“SOCAR AQŞ” Banqladeş, Ukrayna və Türkiyədə fəaliyyət coğrafiyasını genişləndirməklə müvafiq müqavilələr üzrə nəzərdə tutulan layihələrin icrasını uğurla həyata keçirir.

Müəssisənin səhmdarları SOCAR, “Nobel Oil Services” və “Abşeron Qazma” MMC-dir.

ŞƏRH YAZ
0

Azərbaycan nefti ucuzlaşdı

Azərbaycan nefti ucuzlaşdı
19:48
23.05.2020
1668
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 1,31 ABŞ dolları, yaxud 3,6% azalıb.

"Ölkə.Az" xəbər verir ki, “Azeri Light” markalı neftin bir barelinin qiyməti 35,09 ABŞ dolları təşkil edib.

Xatırladaq ki, "Azeri LT CIF" neftinin ən aşağı qiyməti 2020-ci ilin aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.

ŞƏRH YAZ
0

Deputat: “Şəffaflıq qeyri-neft sektoru üzrə daxilolmaların artmasına səbəb olur”

Deputat: “Şəffaflıq qeyri-neft sektoru üzrə daxilolmaların artmasına səbəb olur”
14:17
21.05.2020
1401
İqtisadiyyat
A
“2020-ci ilin əvvəllərindən başlayaraq davamlı islahatlar yolunda qətiyyətli iradəsini ortaya qoyan Azərbaycan hökuməti iqtisadi inkişaf hədəflərinə uyğun siyasəti davam etdirməkdədir. Cari ilin ilk rübündə iqtisadi artmın əldə olunması ümidverici inkişafa dərin zəmin yaratsa da, bütün dünya ölkələrinə sarcısıdıcı zərbə vuran qlobal təhdid – koronavirus pandemiyası Azərbaycanın da iqtisadi planlarına ciddi təsirlərini göstərsə də, dövlət başçısının müdrik və uzaqgörən qərarları sayəsində qlobal müharibə ilə mübarizədə bütün iqtisadi və sosial resurslarını səfərbər edən hökumət komandası tərəfindən mükəmməl antiböhran proqramı hazırlanması və icra edilməsi dayanıqlı inkişafın qorunub saxlanmasına səbəb olub”.

Bunu “Ölkə.Az”a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Aydın Hüseynov deyib.

 Onun sözlərinə görə, respublikamız 2020-ci ilin ötən 4 ayında iqtisadi artım əldə edib və bütün iqtisadi-sosial hədəfləri müəyyən edilmiş strateji plana uyğun olaraq yerinə yetirməkdədir.  “Bu gün həyata keçirilən məqsədyönlü siyasət iqtisadi artıma və sahibkarlığa dəstək, məşğulluq və sosial rifaha dəstək, makroiqtisadi və maliyyə sabitliyi istiqamətlərində uğurlarımızı təmin etməkdədir. Azərbaycan hökumətinin mövcud inkişaf yolunu müəyyən edən bu proqramlar həm böhrandan çıxış üçün, həm də böhrandan sonrakı iqtisadiyyatın yeni yol xəritəsidir. Makroiqtisadi tarazlığın qorunması, biznesin iqtisadi fəallıq gücünə stimulların verilməsi, iqtisadiyyatın və sahibkarların güzəştli şərtlərlə kredit resurslarına çıxış imkanlarının genişləndirilməsi, dövlətin kredit-zəmanət dəstəyi, vergi ödəyicilərinə bank kreditləri üzrə dəstək tədbirləri və uzunmüddətli vergi tətilləri vaxtında verilmiş qərarlar olmaqla, mümkün mənfi təsir ssenarilərdən uzaqlaşmağa və sağlam, dayanıqlı və rəqabətqabiliyyətli iqtisadiyyatın formalaşmasına imkan verməkdədir”- deputat vurğulayıb.

Aydın Hüseynov qeyd edib ki, ölkəmizin iqtisadi inkişafında aparılan qətiyyətli islahatlar mühüm əhəmiyyət kəsb edir. “ Son dövrlərdə “kölgə iqtisadiyyatı”nın qarşısının alınması, ikili mühasibatlıqla və qeyri-rəsmi məşğulluqla mübarizə tədbirlərinin səmərəliliyi ilə seçilir və görülən tədbirlər müsbət nəticələr verib. Vergi və gömrük orqanları ötən dövlət büdcəsinə 1 milyard manatdan artıq, cari ilin ilk 3 ayında isə 300 milyon manatdan artıq əlavə vəsait ödəyibdir, həmin vəsaitin əsas mənbəyi isə “kölgə iqtisadiyyatı”nın təsirlərinin azaldılması və şəffaflığın təmin edilməsi nəticəsində əlavə yığımlardır. Ötən illərdə düzgün uçot aparmayan, işçilərlə əmək müqaviləsi bağlamayan yüzlərlə müəssisə hər ay milyonlarla manat vəsaiti vergi və sosial müdafiə orqanlarından gizlədirdi. Eləcə də gömrükdə uçotun pərakəndəliyi xeyli vəsaitin müxtəlif şəxslərin cibinə getməsinə səbəb olurdu. Həmin hallara qarşı aparılan mübarizənin ilkin mərhələsində hökumət kifayət qədər istədiyi hədəfə nail oldu. Məsələn, 2019-cu ildə aparılan inzibati tədbirlər nəticəsində ölkədə əlavə olaraq 153 min əmək müqaviləsi bağlandı. Onun 99 mini, yəni, böyük hissəsi məhz özəl sektorun payına düşür. Bu isə əmək bazarında əməkhaqqı fondunun artmasına güclü təsir göstərib, ötən il  əməkhaqqı fondu 42,3 faiz artıb. Bu isə büdcəyə həm vergi, həm də soisaa müdafiə haqlarının həcminin artmasına səbəb olub. Eyni zamanda, əmək müqavilələrinin sayı 2019-cu ildə 153 mindən çox artıb. 2020-ci ilin ilk rübündə büdcəyə qeyri-neft sektoru üzrə daxilolmalar 21,3 faiz artaraq 1,4 milyard manatdan çox olub. Bütün bunlar məhz qeyd etdiyimiz sahələrdə aparılan islahatların nəticəsində mümkün olur”.

 Mürtəza
Ölkə.Az

ŞƏRH YAZ
0
BAĞLA