SOCAR bu ilin I rübünün qazma, hasilat və ixrac göstəricilərini açıqladı

SOCAR bu ilin I rübünün qazma, hasilat və ixrac göstəricilərini açıqladı
12:03
16.04.2018
1060
İqtisadiyyat
A
Bu ilin yanvar-mart aylarında ölkə üzrə neft hasilatını 2,4%, təbii qaz hasilatı isə 5,2% artıb.

"Ölkə.Az" Azərbaycan Dövlət Neft Şirkətinə (SOCAR) istinadən xəbər verir ki, hasilatda müsbət dinamikanın əldə olunması qazma işlərinin artırılması ilə yanaşı, mövcud quyuların effektli istismar edilməsi və fəaliyyətsiz quyuların bərpası ilə bağlıdır.

2018-ci ilin yanvar-mart aylarında SOCAR neft və qaz hasilatının sabit saxlanılması üzrə kompleks tədbirlərin icrasını davam etdirib. SOCAR üzrə aparılan qazma işlərinin həcmi əvvəlki ilin müvafiq dövrünə nisbətən 14% (planda nəzərdə tutulan hədəf göstərici ilə müqayisədə 13%) artıb. Nəticədə SOCAR tərəfindən qazılan 15 quyu üzrə qazmanın həcmi təqribən 40,5 min metr təşkil edib. Bundan əlavə SOCAR-ın birgə müəssisələri tərəfindən 13 quyu qazılıb. İstismar edilən quyularda geoloji - texniki tədbirlər aparılıb, 66 fəaliyyətsiz quyu istismara qaytarılıb. Bu tədbirlərin nəticəsində, 2018-ci ilin I rübü üzrə SOCAR-ın neft hasilatı sabit qalaraq, 1,8 mln. ton təşkil edib. SOCAR-ın qaz hasilatı isə I rüb üzrə təqribən 1,6 mlrd. kubmetr təşkil edib və əvvəlki ilin müvafiq göstəricisinə nisbətən 8% artıb. 

Yanvar-mart aylarında ölkə üzrə neft hasilatı ötən ilin müvafiq dövrü ilə müqayisədə 2,4% artaraq, 9,7 mlm. ton, qaz hasilatı isə ötən ilin analoji dövrünə nisbətən 5,2% artaraq, 7,3 mlrd. kubmetr təşkil edib. Qeyd edək ki, hasilat artan xətt üzrə inkişaf edib, artımın böyük hissəsi mart ayına təsadüf edib. Belə ki, mart ayında respublikada neft hasilatı üzrə 5,8%, qaz hasilatı üzrə isə 12% artım qeydə alınıb. 

SOCAR-ın Yataqların işlənməsi üzrə vitse-prezidenti Yaşar Lətifov deyib: “Uğurlarımızın davamlı olması üçün SOCAR strateji əhəmiyyətli yataqlarda kompleks tədbirlər planını həyata keçirir. Aparılan tədbirlər sırasında qazma proqramının intensivləşməsi, idarəetmə sisteminin təkmilləşməsi, o cümlədən qərarvermə və risklərin idarəedilməsinin daha da optimallaşması kimi məsələlər mühüm yer tutur. Azərbaycan neftçilərinin tarixi təcrübəsi və yüksək peşəkarlığı bu proseslərin uğurlu həyata keçirilməsi üçün münbit zəmin yaradır".

Bu ilin I rübündə “Azəri-Çıraq-Günəşli” yataqlar blokunda 5 hasilat quyusu qazılaraq, təhvil verilib. Ümumilikdə 2018-ci ildə AÇG-də 12 hasilat və 4 suvurucu quyunun təhvili planlaşdırılır. “Şahdəniz-1” layihəsi üzrə qazma işləri davam edir və bu il ərzində 2 hasilat quyusunun tamamlanması nəzərdə tutulur. “Şahdəniz-2” layihəsi üzrə bir quyuda qazma işləri artıq tamamlanıb və il ərzində cəmi 5 hasilat quyusunun tamamlanması planlaşdırılır. 

SOCAR-ın Geologiya və geofizika məsələləri üzrə vitse-prezidenti Bəhram Hüseynov qeyd edib: “Azərbaycanın artan qaz tələbatını qarşılamaq məqsədi ilə SOCAR yeni neft və qaz yataqlarının işlənməsi istiqamətində mühüm addımlar atır. Qarabağ və Ümid yataqları üzrə aparılan işlərin artıq növbəti mərhələsinin astanasındayıq. Yaxın zamanda bu yataqların işlənməsi İlkin Detallı Layihələndirmə (İDL) mərhələsinə daxil olacaq. Həmçinin Babək strukturunda ilk kəşfiyyat quyusunun qazılması üçün layihələndirmə işləri davam etdirilib. Abşeron yatağının İlkin Hasilat Sxemi üzrə mühəndislik layihələndirmə işləri davam edir və layihə üzrə Yekun İnvestisiya Qərarına hazırlıq işləri aparılır". 

Qazma və hasilatda olduğu kimi, cari ilin I rübündə xam neftin ixracında da artım müşahidə olunub. Həmin dövr ərzində SOCAR tərəfindən xam neftin ixracı ötən ilin müvafiq göstəricilərinə nisbətən 13%-dən çox artıb, 5,7 mln. ton təşkil edib. Neft ixracının artımı, müxtəlif amillərlə yanaşı, SOCAR-ın AÇG-dəki payının artırılması ilə də bağlıdır. 

Neft və neft-kimya məhsullarının ixracı yanvar-mart aylarında 413 min ton təşkil edib, əvvəlki ilin analoji göstəricisinə nisbətən cüzi dəyişib. Bu da əsasən dizel yanacağına ölkədaxili tələbatın təxminən 21% artması ilə bağlıdır. Daxili bazarda tələbatın artması ilə əlaqədar dizel yanacağının istehsalı ötən ilin müvafiq dövrünə nisbətən 6,4% yüksəlib. Ötən ildə dizel ixracının bu ilə nisbətən daha yüksək olması həm də 2016-cı ildən anbarlarda qalan dizel məhsulunun bir qisminin məhz 2017-ci ildə ixrac edilməsi ilə bağlıdır. 

Bunun müqabilində kimya sənayesinin məhsullarının ixrac həcmi artıb: 2018-ci ilin yanvar-mart aylarında yüksək təzyiqli polietilenin istehsalı 3% artıb, məhsulun ixrac həcmi isə təqribən 11% yüksəlib. Həmçinin butilen butadien fraksiyasının istehsalı 11% artaraq, həmin məhsulun ixracının 12% yüksəlməsinə səbəb olub.

ŞƏRH YAZ
0

Azərbaycan və BP Aral dənizində geoloji kəşfiyyat işlərinə başlaya bilərlər

Azərbaycan və BP Aral dənizində geoloji kəşfiyyat işlərinə başlaya bilərlər
17:39
Bu gün
150
İqtisadiyyat
A
Azərbaycan və BP Aral dənizində geoloji kəşfiyyat işlərinə başlaya bilərlər.

"Ölkə.Az"ın məlumatına görə, Azərbaycan Respublikası Dövlət Neft Şirkətindən (SOCAR) BP və SOCAR-ın Aral dənizində iki blokda geoloji kəşfiyyat işlərinin aparılması imkanını nəzərdən keçirməsi barədə yayılan xəbəri şəhr ediblər.

Bildirilib ki, tərəflər arasında məsləhətləşmələr aparılır, təkliflərə baxılır: "Hazırda əməkdaşlıq məhz bu istiqamətdə gedir. Əgər gələcəkdə kəşfiyyat işlərinin aparılması haqqında qərar qəbul olunsa, ictimaiyyəti məlumatlandıracağıq".

Bundan əvvəl "Podrobno.uz" saytı "Nefteqazinvest" şirkətinin direktor müavini Husniddin Turayevə istinadən yazmışdı ki, BP və SOCAR tərəfindən Aral dənizinin su hövzəsində iki investisiya blokunda geoloji kəşfiyyat işlərinin aparılması imkanlarına baxılır:

"Konsorsiumda hər iki şirkət Özbəkistanda işlərə başlayıblar. Onlarla əməkdaşlıq haqqında memoramdum, həmçinin məxfilik barədə saziş imzalanıb. Xüsusilə şirkətlər Aral dənizinin su hövzəsində iki investisiya blokunda geoloji kəşfiyyat işlərinin aparılmasını nəzərdən keçirirlər. Ötən il onlara zəruri geoloji məlumat vermişik. Hazırda şirkətlərin nümayəndələri materialları öyrənirlər. Ümid edirik ki, onlar gələcəkdə həmin bloklarda işlərin görülməsi üzrə qərarı yaxın vaxtlarda qəbul edəcəklər".

Ölkə.Az

ŞƏRH YAZ
0

SOCAR rəsmisi: "Apreldə Avropaya test qazı göndəriləcək"

SOCAR rəsmisi:
16:51
23.03.2019
537
İqtisadiyyat
A
“SOCAR olaraq sərmayələrimizi tam sürəti ilə davam etdiririk. 2019-cu il üçün ən önəmli hədəflərimizdən biri “STAR Rafineri”nin tam həcmdə işə düşməsidir. Bu, baş tutandan sonra hazırda Türkiyənin idxal etdiyi bir çox məhsul da elə bu ölkədə istehsal ediləcək. Dolayısıyla Türkiyənin kəsiri hər il 1,5 mlrd. ABŞ dollar azalacaq”.

"Ölkə.Az" Report-a istinadən xəbər verir ki, bunu “SOCAR Turkey”in Xarici əlaqələr üzrə rəhbəri Murad Le Kompte (Murat LeCompte) Uludağ İqtisadi Zirvəsi zamanı “Yenişafak.com” saytına açıqlamasında deyib.

Onun sözlərinə görə, SOCAR Türkiyədəki investisiyalarını 19 mlrd. dollara çatdırmaq niyyətindədir: “STAR Rafineri”nin açılışını ötən il etmişdik. Bu neft emalı zavodu yavaş-yavaş dövriyyəyə girir. Test mərhələsi artıq bitib və bütün modullar artıq fəaliyyətə başlayıb. Yaxın vaxtlarda ciddi istehsala başlanılacaq”.

“SOCAR Turkey” rəsmisi Trans-Anadolu Qaz Boru Kəməri (TANAP) layihəsi haqqında da danışıb: “TANAP-da önəmli proseslər baş verdi. Bu yaxınlarda İpsalada Avropaya olan bağlantının son mərhələsini həyata keçirdik. Apreldə test qazı göndəriləcək. İyul ayında isə Avropaya qaz ixracı üçün hazırlıqlar tamamlanacaq”.

Ölkə.Az

 

ŞƏRH YAZ
0
BAĞLA