SOCAR dörd tender elan etdi

SOCAR dörd tender elan etdi
13:47
27.08.2019
3399
İqtisadiyyat
A
Azərbaycan Respublikası Dövlət Neft Şirkətinin (SOCAR) "Azneft" İstehsalat Birliyi qaldırıcı ilmələr və sırğalara (zamok) olan tələbatını təmin etmək məqsədilə açıq satınalma müsabiqəsi elan edib.

Müsabiqədə iştirak haqqında müraciət (imzalanmış və möhürlənməmiş) və iştirak haqqının ödənilməsi barədə bank sənədi ən geci bu il sentyabrın 24-ü, saat 17:30-a qədər Azərbaycan və ya rus dilində satınalan təşkilatın Bakı, Səbail rayonu, Neftçilər prospekti, 73 ünvanında təqdim olunmalıdır.

İstehsalat Birliyi, həmçinin elektrik mallarına və nasoslara olan tələbatı təmin etmək məqsədilə açıq satınalma müsabiqələri elan edib.

Bu müsabiqələrdə iştirak haqqında müraciət (imzalanmış və möhürlənməmiş) və iştirak haqqının ödənilməsi barədə bank sənədləri ən geci bu il sentyabrın 12-si, saat 17:30-a qədər Azərbaycan və ya rus dilində satınalan təşkilatın yuxarıda qeyd olunmuş ünvanında təqdim edilməlidir.

SOCAR-ın "Neftqaztikinti" Tresti isə bünövrə çalasının qazılması, daşınması və yayılması xidmətinin satın alınması məqsədilə açıq müsabiqə elan edib.

Müsabiqədə iştirak haqqında müraciət (imzalanmış və möhürlənməmiş) və iştirak haqqının ödənilməsi barədə bank sənədi ən geci bu il sentyabrın 13-ü, saat 17:30-a qədər Azərbaycan və ya rus dilində satınalan təşkilatın Bakı, Xətai rayonu, Zığ yolu küçəsi, 41C ünvanında təqdim olunmalıdır.

Müsabiqələrin yekun nəticəsi haqqında məlumatı bu linkdən əldə etmək olar.

Ölkə.Az

ŞƏRH YAZ
0

Neftin qiymətləri yenidən kəskin ucuzlaşdı

Neftin qiymətləri yenidən kəskin ucuzlaşdı
22:39
17.09.2019
201
İqtisadiyyat
A
Dünya bazarında neftin qiymətləri kəskin azalıb. Belə ki, “Brent” markalı neft bir neçə dəqiqə ərzində 5 faizdən artıq ucuzlaşaraq 64,5 dollaradək geriləyib.

“Ölkə.Az” report-a istinadən xəbər verir ki, bu rəqəm dünənki hərracların yekun göstəricisinə nisbətən 6,54% azdır.

Bənzər dəyişiklik göstərən WTI markalı neftin də bir bareli əvvəlki hərracın yekununa nisbətən 5,4 faiz azalaraq 59,28 dollar səviyyəsinə enib.

Qeyd olunur ki, dünya bazarında neftin kəskin ucuzlaşması Səudiyyə Ərəbistanının neft sənaye müəssisələrinə Yəməndəki husi qiyamçılarının hücumları ilə başlayan kəskin bahalaşmadan sonra meydana gəlib. Belə ki, sentyabrın 16-da “Brent” markalı neftin bir barelinin qiyməti ötən həftənin son hərracındakı səviyyəsinə nisbətən 20 faizədək artaraq 71,95 dollaradək qalxmış, bazar ertəsinin hərracları adıçəkilən markanın 14,61 faiz bahalaşması ilə qapadılmışdı.

Ölkə.Az

ŞƏRH YAZ
1

Bu günə olan VALYUTA MƏZƏNNƏLƏRİ

Bu günə olan VALYUTA MƏZƏNNƏLƏRİ
10:22
17.09.2019
311
İqtisadiyyat
A
Azərbaycan Mərkəzi Bankı 17 sentyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, sentyabrın 17-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,8722 manat təşkil edir.

1 türk lirəsi 0,2967 manat, 1 rus rublu 0,0266 manat, 100 İran rialı 0,0040 manat, 1 gürcü larisi isə 0,5762 manatdır.

Ölkə.Az

ŞƏRH YAZ
0
BAĞLA