“SOCAR Polymer” kompleksinin ixrac potensialı 30 faizə qədər artacaq

“SOCAR Polymer” kompleksinin ixrac potensialı 30 faizə qədər artacaq
13:17
08.08.2019
578
İqtisadiyyat
A
Ölkə başçısının fərmanı Azərbaycan Respublikası Dövlət Neft Şirkətinin (SOCAR) “SOCAR Polymer” kompleksinin ixrac potensialını 30%-ə qədər artırmağa imkan yaradacaq.

Bu barədə “Ölkə.Az”a SOCAR-dan bildirilib.

Məlumatda deyilir ki, Prezident İlham Əliyevin 1 iyul 2019-cu il tarixli 763 saylı fərmanı ilə propan və butanın idxalı əlavə dəyər vergisindən azad edilən xammal və materiallar siyahısına daxil edilib:

“Nazirlər Kabinetinin 300 saylı qərarı ilə həmin məhsulların gömrük rüsumlarının tarif dərəcəsi 15 manatdan sıfır manata endirilib, başqa sözlə, ləğv edilib. Bu isə öz növbəsində, SOCAR-ın “Azərikimya” İstehsalat Birliyinin və “SOCAR Polymer” zavodlarının istehsal imkanlarından səmərəli istifadə edərək, polietilen, polipropilen və yüksək sıxlıqlı polietilen məhsullarının istehsal və ixrac həcmlərini, eləcə də ölkəyə xarici valyuta daxilolmalarını artırmağa əlavə imkan yaradacaq.

Bu qərar, həmçinin “SOCAR Polymer”in məhsullarından xammal kimi istifadə etməklə plastik istehlak məhsullarının istehsalına stimul verəcək, kiçik və orta sahibkarlığın inkişafı və qeyri-neft sektorunun daha da genişlənməsi üçün münbit şərait yaradacaq. Hazırda Heydər Əliyev adına Bakı Neft Emalı Zavodunda istehsal olunan butan və proran aralıq məhsulu olaraq SOCAR-ın “Azərikimya” İB-nə, oradan da “SOCAR Polymer”ə göndərilir və istehsalat prosesində polietilen, polipropilen və yüksək sıxlıqlı polietilen məhsulları üçün xammal rolu oynayır. Xarici bazarda bu məhsullara olan tələbat yaxın illərdə “SOCAR Polymer”in istehsal həcminin yüksəlməsinə və ixrac potensialının 30%-ə qədər artırılmasına səbəb ola bilər.

Xatırladaq ki, Prezident İlham Əliyev sosial-iqtisadi sahə ilə bağlı iyulun 31-də keçirilmiş müşavirədə bu ilin I yarısında ölkə iqtisadiyyatının 2,4%, qeyri-neft sektorunun isə 3,2% artdığını bildirib, sektordakı artımda bu il istifadəyə verilmiş “SOCAR Karbamid” və “SOCAR Polymer” zavodlarının istehsal həcmlərinin kifayət qədər böyük yol oynadığını qeyd edib.

Ölkə.Az

ŞƏRH YAZ
0

Çindən Transxəzər layihəsinə dəstək

Çindən Transxəzər layihəsinə dəstək
23:01
17.08.2019
315
İqtisadiyyat
A
Çin Transxəzər qaz kəmərinin inşasında Avropa İttifaqını (Aİ) dəstəkləmək qərarına gəlib.

"Ölkə.Az" virtualaz.org-a istinadən xəbər verir ki, Aİ və Çin şirkətlər konsorsiumu sərhədləri Xəzər dənizi hövzəsinə daxil olan ölkələrin mövqeyini dəyişdirə biləcək yüksək profilli layihəni həyata keçirməyə hazır olduqlarını bildiriblər.

Xatırladaq ki, planlaşdırılan sualtı qaz kəməri Türkmənistanın Türkmənbaşı şəhərini Azərbaycanın paytaxtı Bakı ilə birləşdirməlidir. Bəzi mənbələrə görə, Qazaxıstandakı Tengiz-dən bir qaz kəmərini şəbəkəyə bağlamaq və onu Türkmənbaşı ilə birləşdirmək də planlaşdırılır. Bu sualtı qaz kəməri təbii qazın Türkmənistan və Qazaxıstandan Azərbaycan vasitəsilə Türkiyə və Gürcüstana, daha sonra isə Avropa İttifaqına üzv ölkələrə nəqlini nəzərdə tutur. Bu boru kəməri həm də Cənub Qaz Dəhlizinin genişləndirilməsinin bir hissəsi hesab olunur.

Qeyd edək ki, ötən həftə Rusiya və İran hökumətləri ətraf mühitin qorunması motivləri əsasında Transxəzər qaz kəmərinin inşasına qarşı çıxıblar.

Edison Technologies GmbH, MMEC Mannesmann GmbH, Air Liquide Global E&C Solutions (AB) də daxil olmaqla Avropa və Çin şirkətlərindən ibarət konsorsium, SINOPEC Mühəndislik Qrupu (Çin) ilə birlikdə 300 km sualtı qaz kəməri çəkmək istəyini bəyan edib. O, 30 il ərzində ildə 30 milyard kubmetr qaz tədarükünü nəzərdə tutur. Bu barədə konsorsium nümayəndələrinin Türkmənistan Nazirlər Kabineti sədrinin neft və qaz məsələləri üzrə müavini Mıratgəldi Meredov və ölkə prezidentinin neft və qaz məsələləri üzrə müşaviri Yagışgəldy Kakaevlə görüşündən sonra açıqlama verilib.

Konsorsium layihə çərçivəsində, boru kəmərinin çəkilməsi ilə yanaşı, zəruri infrastruktur, o cümlədən qaz təmizləyici qurğu və kompressor stansiyaları layihələri hazırlamağa və qurmağa da hazırdır.

Şirkətlər həmçinin lazımi sayda istifadəyə hazır qaz quyuları qazacaqlar.

Qazın, hansı ki, yeni potensial marşrut üzrə Türkmənistandan gedə bilər,əsas alıcısı Avropa olacaq. O, Rusiya və İran qazının alternativi olmaqda maraqlıdır, çünki tədarükü şaxələndirəcək, Aİ-ni köhnə tədarükçülərdən daha az asılı edəcək və qiymətlərin aşağı düşməsinə kömək göstərəcək.

ŞƏRH YAZ
0

SOCAR 2019-cu ilin II rübündə hasilat səviyyəsini sabit saxlamağa nail oldu

SOCAR 2019-cu ilin II rübündə hasilat səviyyəsini sabit saxlamağa nail oldu
17:28
17.08.2019
412
İqtisadiyyat
A
2019-cu ilin II rübündə SOCAR öz imkanları hesabına müstəqil olaraq 1,928 mln. ton neft, 1,672 mlrd. kubmetr qaz hasil edərək, hasilat səviyyəsini əvvəlki ilin müvafiq dövrünə nisbətən sabit saxlamağa nail olub.

Bu barədə "Ölkə.Az"a SOCAR-ın mətbuat xidmətindən məlumat verilib.

Şirkətin istismar etdiyi neft və qaz yataqlarında hasilat səviyyəsinin sabit qalması üçün həyata keçirilən kompleks tədbirlər planın icrası davam etdirilib, istismardan çıxarılmış bir sıra köhnə quyuların fəaliyyəti bərpa olunub, yeni quyular qazılmayıb, ümumilikdə qazma işlərin həcmi ötən ilin müvafiq dövrünə nisbətən artırılıb. Cari ilin ikinci rübündə şirkət üzrə 41 593 metr qazma işi aparılıb.

Hesabat dövründə SOCAR tərəfindən, AÇQ üzrə mənfəət nefti də daxil olmaqla 4 911,586 min ton xam neft, 172,292 mln kubmetr təbii qaz, 604,6 min ton neft və neft kimya məhsulları ixrac edilib. Xam neftin ixracında azalma müşahidə edilsə də, neft və neft kimya məhsullarının ixracında 48% artım qeydə alınıb. Bu isə xam neftin və qazın ixracında azalmaya səbəb olan amillərdən birinin də daha çox məhsulun emala yönəlməsi olduğunu göstərir.

II rübdə, Azərbaycanın digər hasilatçı şirkətləri daxil olmaqla, ölkə üzrə ümumilikdə 9,061 mln. ton neft, 8,238 mlrd. kubmetr qaz hasil edilib. Dövr ərzində ölkədən 2 421,574 mln. kubmetr təbii qaz ixrac edilib. Təbii qazın ixracında Cənub Qaz Dəhlizinin işə düşməsi ilə əlaqədar olan artım ötən ilin müvafiq dövrünə nisbətən təqribən 37% təşkil edib.

Ölkə.Az

ŞƏRH YAZ
0
BAĞLA