SOCAR və Azərbaycan vəhdətdir
“Buna görə də SOCAR Azərbaycanın ən tanınmış şirkətidir”.
“Ölkə.Az” xəbər verir ki, bu fikri Media.Az-a rusiyalı politoloq, Rusiya Elmlər Akademiyasının İqtisadiyyat İnstitutunun elmi əməkdaşı Aleksandr Karavayev deyib. Aleksandr Karavayevin sözlərinə əsasən, Azərbaycanda bu səviyyədə başqa şirkət yoxdur.
“SOCAR bütün dünyada işləyir. Bu şirkət və Azərbaycan vəhdət təşkil edir. Azərbaycanın bütün dünyadakı sərmayələrinin (bu 21 milyard dollardan çoxdur) 95%-i SOCAR-ın payına düşür. SOCAR bir növ Azərbaycanın “əli”dir. Türkiyəyə yatırılan iri sərmayələrdən, məsələn STAR neft emalı zavodunu xatırlamaq olar. SOCAR təkcə neftin çıxarılması və daşınması yox, onun realizasiyası ilə də məşğul olur. Geniş diler şəbəkəsi, müxtəlif ölkələrdə (Gürcüstan, Ukrayna vəs.) yanacaqdoldurma məntəqələrinin şəbəkəsi, neft emalı üzrə törəmə şirkətləri var”, - deyə müsahibimiz qeyd edib.
“SOCAR qlobal şirkətdir. Təkrar edirəm, bu, brenddir. Onu mütləq inkişaf etdirmək lazımdır. Təbii ki, sərmayə qoyuluşunda “BP”, “Total” və “Rosneft” kimi dünya liderləri ilə fərqi nəzərə almaq lazımdır. Amma SOCAR strateji inkişafın düzgün yolunu seçərək həmin düzgün şəkildə fəaliyyət göstərir. Bu, şirkətin emal sənayesinə yatırım edərək gəlirlərini diversifikasiya etməsində özünü biruzə verir. “SOCAR Polymer”, SOCAR-ın Karbamid zavodu vəs. Bu isə öz növbəsində şirkətin vahid şaxələrinin yaranması deməkdir və plastik məmulat, tikinti və digər sahələrin bütün istiqamətlərindən istifadə etmək deməkdir. Görünən odur ki, SOCAR xam neftin emalı ilə bağlı olan iqtisadiyyatın digər sahələrinə də impuls verməyə çalışır”,- deyə Aleksandr Karavayev bəyan edib.
Ekspertin fikrinə əsasən, bütün bunlar şirkət tərəfindən biznesin inkişafı üçün müasir metodlardan istifadə edildiyini və məsuliyyətli olduğunu sübut edir.
“Şirkət gələcəkdə necə inkişaf edəcək? Düşünürəm ki, SOCAR rəhbərliyinin bu məsələ ilə bağlı öz planları var. Misal olaraq, altnernativ enerji imkanlarını, yeni texnologiyaların hazırlanmasına maliyyə vəsaitinin ayrılmasını deyə bilərik. Bununla artıq bu gün məşğul olmaq lazımdır. Azərbaycan Dövlət Neft Şirkətindən çox şey asılıdır. Məsələn, neftçilərin elmlə güclü əlaqəsini qurmaq, Qərb texnologiya bazası və yeniliklərdən istifadə etmək. Buna görə də, SOCAR-ın karbohidrogenlərlə əlaqəli olmayan texnologiyalara sərmayə qoyacağını gözləmək olar. Məsələn, hidrogen mühərrikli avtomobil sənayesindən söhbət gedə bilər. Bu konkret məsələdə isə söhbət böyük investisiyalardan getmir. Bu sadəcə çoxsaylı istiqamətlərdən biridir”, - deyə Aleksandr Karavayev şərh edib.
Ölkə.Az
