Soçidə Putinlə Ərdoğanın görüşü başladı — Görüşdən İLK AÇIQLAMALAR, FOTO

Soçidə Putinlə Ərdoğanın görüşü başladı
20:15
13.11.2017
5186
Siyasət
A
Soçidə Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında kiçik tərkibdə görüş başlayıb.

“Ölkə.Az” xəbər verir ki, Rusiya vaxtı ilə 16:30-da Ərdoğan şəxsi təyyarəsi ilə Soçi aeroportunda enib. Ərdoğanı Türkiyənin Rusiyadakı səfiri Hüseyin Diriöz, Soçi bələdiyyə sədri Anatoli Pakhomov və digər səlahiyyətli şəxslər qarşılayıblar. Ərdoğan Soçidə Putinlə görüşüb.

R.T.Ərdoğan V.Putinlə görüşdə qeyd edib ki, Rusiya və Türkiyənin münasibətləri çox sıx inkişaf edir.

“Cənab Putin qısa zamanda sizinlə ikici dəfə görüşməyə çox şadam. Türkiyə-Rusiya münasibətləri bundan sonra da inkişaf edəcək. Aramızdakı siyasi, iqtisadi və hərbi müttəfiqlik münasibətlərimizin hər an inkişaf etməsinə təkan verir. Görüşlərimizdən əlavə, mütəmadi olaraq telefon danışıqlarımız müttəfiqliyimizin qarantıdır. Görüş üçün təşəkkür edirəm. İnanıram k, danışıqlarımız çox məhsuldar olacaq”, - deyə Ərdoğan bildirib.

Putin də öz növbəsində Suriya münaqişəsi daxil, bir çox problemlərin həllində Türkiyə ilə Rusiyanın birgə çalışdığını vurğuladı.

“Bizim görüşlərimiz regionda və münaqişə ocaqlarında aparılan hərbi əməkdaşlığın və terrorla mübarizənin uğurla sona çatdırılmasında bir vasitə rolunu oynayıb. Son vaxtlar münasibətlərimizin qaydaya düşməsi və danışıqlarımız nəticəsində iqtisadi sahədə də xeyli irəliləyiş olub. Ticarət sahəsində 30 faizdən artıq nəticələr əldə olunub. Demək olar ki, Türkiyə-Rusiya arasında ticarət dövriyyəsi əvvəlki vəziyyətinə qayıdıb”, - deyə Putin bildirib.

Qeyd edək ki, Ərdoğanla Putin 2017-ci ildə 5 dəfə görüşüblər. Bu il ərzində iki ölkə rəhbəri 13 dəfə telefonla danışıblar.

Ziya Səccad
Ölkə.Az

ŞƏRH YAZ
0

"Fransa Azərbaycanı bir müstəqil tərəfdaş kimi qəbul edir" — Politoloq

10:45
22.07.2018
2353
Siyasət
A
Prezident İlham Əliyevin Fransaya səfəri mühüm əhəmiyyət kəsb edir. Bunu Trend-ə açıqlamasında siyasi ekspert Arzu Nağıyev deyib.

Ekspert bildirib ki, Fransa Avropa İttifaqında öz sözünü deyən, eyni zamanda NATO-nun üzvü olan aparıcı dövlətlərdən biridir:

"Azərbaycan dövlətinin Fransa ilə davamlı əlaqələri olub. Fransa ATƏT-in Minsk qrupunun həmsədri olduğu üçün Azərbaycan Prezidenti cənab İlham Əliyev Fransa rəhbərliyi ilə daimi təmasda olub".

A.Nağıyev qeyd edib ki, Prezident İlham Əliyevin Fransaya səfərində əsas məqamlardan biri "Total" şirkətinin rəhbərliyi ilə əlaqələrin müzakirəsi, həmçinin bir sıra müqavilələrin imzalanması istiqamətində aparılan danışıqlardır:

"Bu gün Fransa ilə istər siyasi, iqtisadi, istərsə də hərbi baxımdan yaxın münasibətlərimiz var. Bu gün Azərbaycan Avropanın enerji təhlükəsizliyinə qarşı təhdidin qarşısının alınmasında iştirak edən bir dövlətdir. Fransa Azərbaycanı bir müstəqil tərəfdaş kimi qəbul edir. Eyni zamanda unutmaq lazım deyil ki, Fransada böyük erməni lobbisi fəaliyyət göstərir. Bunun qarşısını almaq üçün də birbaşa təmas çox mühüm əhəmiyyət kəsb edir".

Ölkə.Az

ŞƏRH YAZ
0

“Qarabağ” futbol klubunun rəmzi mənası — Fransa mətbuatı yazır

“Qarabağ” futbol klubunun rəmzi mənası
20:30
21.07.2018
5458
Siyasət
A
Fransanın www.ouest-france.fr portalında “30 minlik əhalisi olan Ağdam kabus şəhərə çevrilib” sərlövhəli məqalə dərc edilib.

"Ölkə.Az" AzərTac-a istinadən xəbər verir ki, məqalədə UEFA Avropa Liqasında mübarizə aparan Ağdamın “Qarabağ” futbol klubu haqqında ətraflı məlumat verilib.

Müəllif klubun doğma şəhəri Ağdamla bağlı maraqlı məqamlara toxunaraq, onun işğal altında olduğunu bildirib. Ermənistan-Azərbaycan, Dağlıq Qarabağ münaqişəsindən bəhs edən müəllif Ağdam şəhərinin strateji əhəmiyyətindən söz açıb. O, Ağdamın buradakı binaların rənginə görə hələ XVIII əsrdə “ağ şəhər” adlandırıldığını yazıb. Ağdamın qədim muzeylərinə dair ətraflı məlumatın verildiyi yazıda müharibə nəticəsində xarabazarlığa çevrilmiş şəhərin “Qafqazın Xirosiması” olduğu diqqətə çatdırılıb.

Ötən il Azərbaycan futbolunun tarixində ilk dəfə UEFA Çempionlar Liqasının qrup mərhələsində çıxış edən “Qarabağ” klubunun bu il avrokuboklarda mübarizəyə əzmkarlıqla başlaması komandanı yenidən qitənin idman mətbuatının diqqət mərkəzinə çevirib. Bu məqamın xüsusi vurğulandığı yazıda klubun 1993-cü ildən etibarən ev oyunlarını doğma şəhərində keçirə bilməməsi qeyd edilib, Ağdamın “kabus şəhəri”n təmsilçisi olduğu diqqətə çatdırılıb.

Ölkə.Az

ŞƏRH YAZ
0
BAĞLA