Son 6 ildə Mozambikdə 6 min fil öldürülüb

Son 6 ildə Mozambikdə 6 min fil öldürülüb
23:02
12.02.2018
1090
Dünya
A
Təbii həyatı qoruma dərnəyi "Fauna & Flora International" (FFI) 2011-ci ildən bu yana Mozambikdəki fillərin 90 %-nin qaçaq ovçular tərəfindən öldürüldüyünü açıqlayıb.

“Ölkə.Az” “The Times” qəzetinə istinadən xəbər verir ki, bu müddət ərzində fillərin sayı 12 mindən 1000-ə enib. Zəruri tədbirlər görülməsə, onlar da qısa vaxtda öldürüləcək.

FFI statistikasına əsasən qaçaq ovçular son 10 ildə qitədəki fillərin 1/3-ni öldürüb. Bu, 144 min filin öldürüldüyü deməkdir. 

Mozambikdə fillərin daha kompakt yaşadığı Çuilexi qoruma sahəsinin rəhbərlərindən Mett Rays bildirib ki, qonşu Tanzaniyanın qaçaq fil ovuna qarşı apardığı uğurlu mübarizə ovçuların sərhədi keçərək Mozambikə gəlməsinə səbəb olub.

Ölkə.Az

 

ŞƏRH YAZ
0

Rusiyanın Yekaterinburq şəhərində binada yanğın: 100-dən çox sakin təxliyə olunub

Rusiyanın Yekaterinburq şəhərində binada yanğın: 100-dən çox sakin təxliyə olunub
01:17
Bu gün
618
Dünya
A
Rusiyanın Yekaterinburq şəhərində 16 mərtəbəli binada yanğın baş verib.

"Ölkə.Az"ın Rusiya KİV-lərinə istinadən verdiyi məlumata əsasən, ilk öncə binanın 9-11-ci mərtəbələri, daha sonra 12-ci mərtəbəsi də yanmağa başlayıb.

İlkin məlumata əsasən, 100-dən çox sakin təxliyə olunub. Ölən və yaralananlar barədə məlumat verilmir. Hadisə yerində 15 ədəd yanğınsöndürən texnika və 47 yanğınsöndürən çalışır.

Yanğının səbəbləri araşdırılır.

Ölkə.Az

ŞƏRH YAZ
0

ABŞ-ın rəhbərlik etdiyi koalisiya Suriyaya havadan zərbə endirib

ABŞ-ın rəhbərlik etdiyi koalisiya Suriyaya havadan zərbə endirib
00:21
Bu gün
810
Dünya
A
ABŞ-ın rəhbərlik etdiyi koalisiya qüvvələri Suriyanın Deyr-ər-Zor şəhərində dinc əhalini bombalayıb.

"Ölkə.Az" "RİA Novosti"yə istinadən xəbər verir ki, bunu Suriyadan olan hərbi mənbə deyib.

Zərbənin Əs-Susa kəndinə endirildiyi qeyd olunur.

"Bəli, bu gün belə bir hadisə baş verib, koalisiya aviasiyası daima günahsız insanların evlərini bombalamaqla İŞİD-ə kömək edir", – deyə mənbə əlavə edib.

Hadisə nəticəsində ölən və yaralananlar var.

Ölkə.Az

ŞƏRH YAZ
0
BAĞLA