Son 6 ayda Bakıdakı qəzalarda 77 nəfər ölüb

Son 6 ayda Bakıdakı qəzalarda 77 nəfər ölüb
18:37
10.07.2019
883
Ölkə
A
Bu ilin altı ayı ərzində Bakıda 244 yol-nəqliyyat hadisəsi baş verib.

"Ölkə.Az" xəbər verir ki, bunu Bakı Şəhər Baş Polis İdarəsində keçirilən əməliyyat müşavirəsində idarənin əməliyyat işləri üzrə müavini, polis general-mayoru Elxan Həsənov deyib.

Rəis müavini bildirib ki, yol-nəqliyyat hadisələrində 77 nəfər ölüb, 216 şəxs müxtəlif dərəcəli xəsarət alıb.

2018-ci ilin müvafiq dövrü ilə müqayisədə yol-nəqliyyat hadisələrinin sayı 17,6 faiz, ölənlərin sayı 23 faiz, yaralıların sayı isə 15,6 faiz azalıb.

Ölkə.Az

ŞƏRH YAZ
0

Narkotik çəkib maşın sürən şəxs həbs edildi

Narkotik çəkib maşın sürən şəxs həbs edildi
01:45
Bu gün
1342
Ölkə
A
Narkotik vasitənin təsiri altında sükan arxasına keçən şəxsin idarə etdiyi avtomobildə qurudulmuş marixuana aşkarlanıb.

“Ölkə.Az” Daxili İşlər Nazirliyinin (DİN) mətbuat xidmətinin Lənkəran Regional qrupuna istinadən xəbər verir ki, paytaxtın Qaradağ rayonunun Sahil qəsəbəsində yaşayan Orxan Verdiyev “Rent a car”lardan birinə məxsus “Toyota Corolla” markalı avtomobili sürücülük vəsiqəsi olmadığı halda idarə edərkən Cəlilabad Rayon Polis Şöbəsinin əməkdaşları tərəfindən saxlanılıb.

Şübhəli hərəkətlər etdiyi üçün O. Verdiyev tibbi müayinəyə dəvət edilib və onun narkotik tərkibli vasitələrdən istifadə etdikdən sonra avtomobili idarə etdiyi müəyyən olunub.

Rayon Məhkəməsinin qərarı ilə O. Verdiyev 5 gün müddətinə inzibati qaydada həbs olunub. Eyni zamanda, idarə etdiyi “Toyota Corolla” markalı avtomobilə keçirilən baxış zamanı yük yerindən qurudulmuş marixuana aşkar edilərək götürülüb. Narkotik vasitənin avtomobilin sərnişini, Qaradağ rayonu Sahil qəsəbəsinin sakini Tərlan İmanova məxsus olduğu müəyyən edilib.

Bu şəxs narkotik vasitənin ona məxsus olduğunu, şəxsi istehlakı üçün saxladığını bildirib.

Faktla bağlı Cəlilabad RPŞ-nin İstintaq bölməsində araşdırma aparılır.

Ölkə.Az

ŞƏRH YAZ
0

Təyyarədə problem yarandı, İstanbul-Bakı reysi təxirə salındı — VIDEO

Təyyarədə problem yarandı, İstanbul-Bakı reysi təxirə salındı
01:30
Bu gün
918
Ölkə
A
İstanbulda Bakıya reysi həyata keçirməli olan təyyarədə nasazlıq yaranıb.

“Ölkə.Az”ın məlumatına görə, İstanbul Yeni Hava Limanında Azərbaycan Hava Yollarına məxsus təyyarənin qanadında problem yaranıb.

Bu səbəbdən təyyarə reysi yerinə yetirə bilməyib. Sərnişinlər isə təyyarədən enərək hava limanında gözləməyə başlayıblar.

Ölkə.Az

ŞƏRH YAZ
0
BAĞLA