SON DƏQİQƏ: Yasamalda bina yanır — VİDEO + YENİLƏNİB

SON DƏQİQƏ: Yasamalda bina yanır
20:17
12.06.2019
11592
Hadisə
A
Yasamalda yaşayış binasında yanğın olub.

“Ölkə.Az”ın hadisə yerində olan müxbiri bildirir ki, "112" qaynar telefon xəttinə, Bakı şəhəri, Yasamal rayonu, M.Xiyabani küçəsində çoxmərtəbəli yaşayış binasında yanğın baş verməsi barədə məlumat daxil olub.

Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.

İlkin məlumata əsasən, yaşayış binasının 6, 7 və 8-ci mərtəbələrinin eyvanlarından keçən plastik borular yanıb. Yanğın yanğından mühafizə bölmələri tərəfindən saat 17:49 dəqiqədə söndürülüb. Əlavə məlumat veriləcək.

***

Yasamal rayonunda binada yanğın baş verib.

“Ölkə.Az”ın hadisə yerində olan müxbiri bildirir ki, yanğın Yeni Yasamal yaşayış massivi, Məhəmməd Xiyabani küçəsində baş verib.

Çoxmənzilli yaşayış binasında baş verən yanğından sonra əraziyə yanğınsöndürənlər cəlb edilib. Hazırda sakinlər təxliyə edilib.

Natiq Allahverdiyev
Ölkə.Az

ŞƏRH YAZ
0

Bakı-Şamaxı yolunda qəza — ölən və xəsarət alanlar var

Bakı-Şamaxı yolunda qəza
10:21
Bu gün
644
Hadisə
A
Bakı-Şamaxı yolunda ölümlə nəticələnən ağır yol-nəqliyyat hadisəsi baş verib.

"Ölkə.Az"ın məlumatına görə, hadisə nəticəsində bir nəfər ölüb.

Səhiyyə Nazirliyinin Mətbuat xidmətinin rəhbəri Pərviz Əbubəkirov "Report"a bildirib ki, qəza nəticəsində daha iki nəfər xəsarət alıb: "Onlardan biri təcili tibbi yardım avtomobili ilə xəstəxanaya çatdırılıb, vəziyyəti ağırdır. Daha bir nəfər isə yüngül xəsarət alıb. Ona ilkin tibbi yardım göstərilib".

Ölkə.Az

ŞƏRH YAZ
0

Bakı-Quba yolunda qəza — 78 yaşlı kişi xəsarət aldı

Bakı-Quba yolunda qəza
07:30
Bu gün
3716
Hadisə
A
Bakı-Quba yolunda yol-nəqliyyat hadisəsi qeydə alınıb.

“Ölkə.Az” APA-ya istinadən xəbər verir ki, hadisə magistral yolun Şabranın Şahnəzərli kəndi ərazisindən keçən hissəsində baş verib.

İki nəqliyyat vasitəsinin toqquşması nəticəsində 1941-ci il təvəllüdlü Bakı şəhər sakini Hüseynov Əhəd Saleh oğlu müxtəlif bədən xəsarətləri ilə Xaçmaz Mərkəzi Rayon Xəstəxanasına yerləşdirilib.

Faktla bağlı araşdırmalar davam etdirilir.

Ölkə.Az

ŞƏRH YAZ
0
BAĞLA