KORONAVİRUSA YOLUXANLARIN SAYI - CANLI STATİSTİKA

SON DƏQİQƏ: Yasamalda bina yanır — VİDEO + YENİLƏNİB

SON DƏQİQƏ: Yasamalda bina yanır
20:17
12.06.2019
13746
Hadisə
A
Yasamalda yaşayış binasında yanğın olub.

“Ölkə.Az”ın hadisə yerində olan müxbiri bildirir ki, "112" qaynar telefon xəttinə, Bakı şəhəri, Yasamal rayonu, M.Xiyabani küçəsində çoxmərtəbəli yaşayış binasında yanğın baş verməsi barədə məlumat daxil olub.

Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.

İlkin məlumata əsasən, yaşayış binasının 6, 7 və 8-ci mərtəbələrinin eyvanlarından keçən plastik borular yanıb. Yanğın yanğından mühafizə bölmələri tərəfindən saat 17:49 dəqiqədə söndürülüb. Əlavə məlumat veriləcək.

***

Yasamal rayonunda binada yanğın baş verib.

“Ölkə.Az”ın hadisə yerində olan müxbiri bildirir ki, yanğın Yeni Yasamal yaşayış massivi, Məhəmməd Xiyabani küçəsində baş verib.

Çoxmənzilli yaşayış binasında baş verən yanğından sonra əraziyə yanğınsöndürənlər cəlb edilib. Hazırda sakinlər təxliyə edilib.

Natiq Allahverdiyev
Ölkə.Az

ŞƏRH YAZ
0

Bakıda iki azyaşlı qızı avtomobil vurub

Bakıda iki azyaşlı qızı avtomobil vurub
01:12
Bu gün
461
Hadisə
A
Bakının Sabunçu rayonunda ağır yol-nəqliyyat hadisəsi baş verib.

"Ölkə.Az" APA-ya istinadən xəbər verir ki, hadisə Məmmədəliyev küçəsində qeydə alınıb.

Belə ki, “Toyota” markalı avtomobil yüksək sürətlə yol kənarında dayanan doqquz yaşlı Yusifova Aysun Əmirhüseyn qızı və səkkiz yaşlı Yusifova Ruqiyyə Bayandur qızını vurub. 

Hər iki yaralı 3 saylı şəhər xəstəxanasına yerləşdirilib.

Həkimlərin verdiyi məlumata görə, yaralılar ağır qapalı kəllə-beyin travması ilə reanimasiyadadırlar.

Ölkə.Az

ŞƏRH YAZ
0

Bakıda motosiklet qadını vuraraq öldürüb — FOTO

Bakıda motosiklet qadını vuraraq öldürüb
00:50
Bu gün
669
Hadisə
A
Yasamal rayonunda ölümlə nəticələnən yol-nəqliyyat hadisəsi baş verib. Qəza Nəriman Nərimanov prospektində qeydə alınıb.

"Ölkə.Az" oxu.az-a istinadən xəbər verir ki, prospektlə yüksək sürətlə hərəkətdə olan motosikletin sürücüsü anidən idarəetməni itirərək yolu keçmək istəyən piyada, təxminən 50 yaşlı Gülnarə adlı qadını vurub. Yaralı aldığı xəsarətlərdən hadisə yerində keçinib.

Zərbənin gücündən motosiklet yol kənarındakı dirəyə dəyərək bir neçə metr aralıda dayana bilib. Qəza zamanı motosikletin sürücüsü də ağır xəsarət alaraq 3 saylı şəhər xəstəxanasına yerləşdirilib.

Əraziyə Yasamal Rayon Polis İdarəsinin, DYP və Prokurorluq əməkdaşları cəlb edilib. Avtotexniki ekspertiza təyin edilib.

Faktla bağlı araşdırma aparılır.

ŞƏRH YAZ
0
BAĞLA