SON DƏQİQƏ: Yasamalda bina yanır — VİDEO + YENİLƏNİB

SON DƏQİQƏ: Yasamalda bina yanır
20:17
12.06.2019
12100
Hadisə
A
Yasamalda yaşayış binasında yanğın olub.

“Ölkə.Az”ın hadisə yerində olan müxbiri bildirir ki, "112" qaynar telefon xəttinə, Bakı şəhəri, Yasamal rayonu, M.Xiyabani küçəsində çoxmərtəbəli yaşayış binasında yanğın baş verməsi barədə məlumat daxil olub.

Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.

İlkin məlumata əsasən, yaşayış binasının 6, 7 və 8-ci mərtəbələrinin eyvanlarından keçən plastik borular yanıb. Yanğın yanğından mühafizə bölmələri tərəfindən saat 17:49 dəqiqədə söndürülüb. Əlavə məlumat veriləcək.

***

Yasamal rayonunda binada yanğın baş verib.

“Ölkə.Az”ın hadisə yerində olan müxbiri bildirir ki, yanğın Yeni Yasamal yaşayış massivi, Məhəmməd Xiyabani küçəsində baş verib.

Çoxmənzilli yaşayış binasında baş verən yanğından sonra əraziyə yanğınsöndürənlər cəlb edilib. Hazırda sakinlər təxliyə edilib.

Natiq Allahverdiyev
Ölkə.Az

ŞƏRH YAZ
0

Sabirabadda və Bərdədə qadınları maşın vurub

Sabirabadda və Bərdədə qadınları maşın vurub
23:09
Bu gün
530
Hadisə
A
Bərdə rayonunun Gərənə kəndində yolu keçmək istəyən qadını avtomobil vurub

“Ölkə.Az” oxu.az-a istinadən xəbər verir ki, yolu keçmək istəyən Bərdə rayon Cəyərli kənd sakini 1963-cü il təvəllüdlü Hüseyinova Şöylə Haqverdi qızını "Mercedes" markalı minik avtomobili vurub.

Xəsarət alan Ş.Hüseyinova Təcili Tibbi Yardım Briqadasının köməkliyilə rayon Mərkəzi Xəstəxanasına çatdırılıb. Həkimlər yaralının vəziyyətinin orta-ağır olduğunu bildiriblər.

Sabirabadın Qalağayın kəndi ərazisində isə 1956-cı il təvəllüdlü Abışova Zemfira Qurban qızını avtomobil vurub. Yaşlı qadın hadisə yerində keçinib.

Hər iki faktla bağlı araşdırma aparılır.

Ölkə.Az

ŞƏRH YAZ
0

Sağım zamanı inək qadının gözünü çıxardı

Sağım zamanı inək qadının gözünü çıxardı
22:03
Bu gün
1126
Hadisə
A
Gəncədə bədbəxt hadisə baş verib.

“Ölkə.Az” APA-ya istinadən xəbər verir ki, hadisə Gəncə şəhəri Ə. Cavad küçəsi 68 ünvanında qeydə alınıb.

Belə ki, 1978-ci il təvəllüdlü Anarə Hüseynova inək sağarkən heyvan onu vurub. Nəticədə qadın gözündən ağır zərbə alıb.

Xəstəxanaya yerləşdirilən qadının sol gözü amputasiya edilib.

Onun vəziyyətinin orta ağır olduğu bildirilir.

Ölkə.Az

ŞƏRH YAZ
1
BAĞLA