SON DƏQİQƏ: Yasamalda bina yanır — VİDEO + YENİLƏNİB

SON DƏQİQƏ: Yasamalda bina yanır
20:17
12.06.2019
12991
Hadisə
A
Yasamalda yaşayış binasında yanğın olub.

“Ölkə.Az”ın hadisə yerində olan müxbiri bildirir ki, "112" qaynar telefon xəttinə, Bakı şəhəri, Yasamal rayonu, M.Xiyabani küçəsində çoxmərtəbəli yaşayış binasında yanğın baş verməsi barədə məlumat daxil olub.

Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.

İlkin məlumata əsasən, yaşayış binasının 6, 7 və 8-ci mərtəbələrinin eyvanlarından keçən plastik borular yanıb. Yanğın yanğından mühafizə bölmələri tərəfindən saat 17:49 dəqiqədə söndürülüb. Əlavə məlumat veriləcək.

***

Yasamal rayonunda binada yanğın baş verib.

“Ölkə.Az”ın hadisə yerində olan müxbiri bildirir ki, yanğın Yeni Yasamal yaşayış massivi, Məhəmməd Xiyabani küçəsində baş verib.

Çoxmənzilli yaşayış binasında baş verən yanğından sonra əraziyə yanğınsöndürənlər cəlb edilib. Hazırda sakinlər təxliyə edilib.

Natiq Allahverdiyev
Ölkə.Az

ŞƏRH YAZ
0

Şəmkirdə ağır yol qəzası olub — Ölənlər var

Şəmkirdə ağır yol qəzası olub
21:37
Bu gün
289
Hadisə
A
Şəmkir rayonunda ölümlə və xəsarətlə nəticələnən ağır yol qəzası baş verib.

"Ölkə.Az" report-a istinadən xəbər verir ki, hadisə Bakı-Qazax avtomobil yolunun Şəmkir rayonunun Üçtəpə kəndi ərazisindən keçən hissəsində qeydə alınıb.

İlkin məlumata görə, kənddə 2 avtomobil toqquşub. Qəza nəticəsində 2 nəfər hadisə yerində ölüb, daha 1 nəfər isə ağır xəsarət alıb. Yaralı xəstəxanaya çatdırılıb.

Faktla bağlı araşdırma aparılır.

ŞƏRH YAZ
0

Samuxda kişi baldızını bıçaqladı

Samuxda kişi baldızını bıçaqladı
20:18
Bu gün
462
Hadisə
A
Samux rayonunda 47 yaşlı baldızı Gülşən Orucovaya bıçaqla xəsarət yetirməkdə təqsirli bilinən Həbib Orucovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib. Cinayət işi hakim Xəqani Səmədovun icraatına verilib. Məhkəmə hazırlıq iclası fevral ayının 4-nə təyin olunub. Qeyd edək ki, hadisə oktyabrın 7-də rayonun Bağbanlar kəndində baş verib.

Belə ki, Şirvan rayon sakini 1973-cü il təvəllüdlü Həbib Orucov baldızı, Bağbanlar kənd sakini 1972-ci il təvəllüdlü Gülşən Orucovanı ailə məişət zəminində bıçaqlayıb və hadisə yerindən qaçıb. Yaralı Gəncə şəhər A.Səhhət adına 1 saylı xəstəxanasına çatdırılıb. Həkimlərin səyi nəticəsində yaralının həyatını xilas etmək mümkün olub. Qanlı hadisəni törətməkdə şübhəli bilinən Həbib Orucov Samux Rayon Polis Şöbəsinin əməkdaşları tərəfindən saxlanılıb.

Natiq Allahverdiyev
Ölkə.Az

ŞƏRH YAZ
0
BAĞLA