SON DƏQİQƏ: Yasamalda bina yanır — VİDEO + YENİLƏNİB

SON DƏQİQƏ: Yasamalda bina yanır
20:17
12.06.2019
12361
Hadisə
A
Yasamalda yaşayış binasında yanğın olub.

“Ölkə.Az”ın hadisə yerində olan müxbiri bildirir ki, "112" qaynar telefon xəttinə, Bakı şəhəri, Yasamal rayonu, M.Xiyabani küçəsində çoxmərtəbəli yaşayış binasında yanğın baş verməsi barədə məlumat daxil olub.

Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.

İlkin məlumata əsasən, yaşayış binasının 6, 7 və 8-ci mərtəbələrinin eyvanlarından keçən plastik borular yanıb. Yanğın yanğından mühafizə bölmələri tərəfindən saat 17:49 dəqiqədə söndürülüb. Əlavə məlumat veriləcək.

***

Yasamal rayonunda binada yanğın baş verib.

“Ölkə.Az”ın hadisə yerində olan müxbiri bildirir ki, yanğın Yeni Yasamal yaşayış massivi, Məhəmməd Xiyabani küçəsində baş verib.

Çoxmənzilli yaşayış binasında baş verən yanğından sonra əraziyə yanğınsöndürənlər cəlb edilib. Hazırda sakinlər təxliyə edilib.

Natiq Allahverdiyev
Ölkə.Az

ŞƏRH YAZ
0

Bakıda 28 yaşlı gəncin ürəyindən 5 bıçaq vurdular

Bakıda 28 yaşlı gəncin ürəyindən 5 bıçaq vurdular
09:42
Bu gün
138
Hadisə
A
Nizami rayonunda qətl hadisəsi baş verib.

"Ölkə.Az" APA-ya istinadən xəbər verir ki, hadisə metronun "Qara Qarayev" stansiyasının yaxınlığında törədilib.

28 yaşlı Kazımov Ramal Kamal oğlu naməlum şəxs tərəfindən ürək nahiyəsindən 5 bıçaq xəsarəti alıb. Yaralı xəstəxanaya çatdırılsa da, onun həyatını xilas etmək mümkün olmayıb.

Faktla bağlı Nizami Rayon Prokurorluğu və Rayon Polis İdarəsi tərəfindən araşdırma aparılır.

Qeyd edək ki, R.Kazımov işlədiyi mağazanın yaxınlığında mübahisə edib. Qətl də həmin ərazidə törədilib.

Ölkə.Az

 

ŞƏRH YAZ
0

Azərbaycanda daha dörd tələbə zəhərləndi

Azərbaycanda daha dörd tələbə zəhərləndi
09:15
Bu gün
271
Hadisə
A
Şamaxıda bir gündə dörd tələbə dəm qazından boğulub.

"Ölkə.Az" oxu.az-a istinadən xəbər verir ki, son günlər rayonda dəm qazından zəhərlənmə halları çoxalıb.  

Dünən günorta saatlarından iki nəfər, axşam saatlarında isə daha iki nəfər xəstəxananaın qəbul şöbəsinə dəm qazından boğulma ilə müraciət edib.  

Onlar Ağsu rayon Gəgəli kənd sakini, 2002-ci il təvəllüdlü Kərimova Ayşən Kərim qızı, onun həmkəndlisi, 2002-ci il təvəllüdlü Mirzəzadə Qızbəs Şükür qızı, həmçinin İsmayıllı rayon sakini, 2000-ci il təvəllüdlü Murtuzəliyeva Lələ Simran qızı və Ağsu rayon Qaraqoyunlu kənd sakini, 2001-ci il təvəllüdlü Məcidova Şahanə Şərafətdin qızı dəm qazıdan zəhərlənmə şikayəti ilə xəstəxanaya yerləşdirilib.  

Onlara ilkin tibbi yardım göstərilib, vəziyyətləri normallaşdığı üçün evə buraxılıblar.  

Xəstələrin dördü də müxtəlif saatlarda hamam otağında olarkən zəhərlənib.  
 
Onların Şamaxıda təhsil aldığı bildirilir.

Ölkə.Az

ŞƏRH YAZ
0
BAĞLA