"Son illər Azərbaycandan xaricə qara kürü çıxarılmasına rast gəlinmir"

"Ölkə.Az" xəbər verir ki, bunu Bakıda keçirilən "Azərbaycan gömrüyü - bu gün və sabahın çağırışları" mövzusunda seminarda çıxışı zamanı Dövlət Gömrük Komitəsinin Gömrük Sahələrində Hüquqpozmalara qarşı Mübarizə Baş İdarəsinin rəis müavini Güloğlan Muradlı bildirib. 

G.Muradlı deyib ki, qeydə alınan rəqəmlərdən 1505-i cinayət faktıdır:

"Cinayət faktından 416-sı isə narkotik maddələrlər bağlıdır".

Komitə rəsmisi qeyd edib ki, həmin dövrdə 4 ton 549 kiloqram narkotik maddələr tutulub: 
"Həmin narkotikmaddələrin 1 877 kiloqramı heroindir".

G.Muradlı vurğulayıb ki, 2016-cı ilin may ayından bəri 3 milyon 742 min ABŞ dolları və 465 min avro tutulub. 
"Eyni dövrdə 40 kiloqrama yaxın qızıl, 50 kiloqramdan çox gümüş tutularaq müsadirə olunub". 

Komitə rəsmisi əlavə edib ki, Azərbaycandan xarici qanunsuz yollarla zəli və civə aparmaq istəyən şəxslərə də rast gəlinib:
"Belə faktlar aşkar olunaraq tərəfimizdən tədbir görülüb".

Ötən əsrin 90-cı illərində Azərbaycandan xarici qanunsuz yollarla qara kürü aparılması cəhdlərinə daha çox rast gəlindiyini vurğulayan G.Muradlı bildirib ki, son illər Azərbaycandan xaricə qara kürü çıxarılmasına rast gəlinmir. 

Vasif Həsənli
Ölkə.Az