“Sosial şəbəkələr üzərindən Azərbaycanı qarışdırmaq istəyirlər” — YAP Siyasi Şurasının üzvündən SENSASİON AÇIQLAMA

“Sosial şəbəkələr üzərindən Azərbaycanı qarışdırmaq istəyirlər”
16:08
12.01.2018
4115
Siyasət
A
Milli Məclisin deputatı, Yeni Azərbaycan Partiyası (YAP) Siyasi Şurasının üzvü Məlahət İbrahimqızı Prezident İlham Əliyevin 2018-ci ili ölkəmizdə “Azərbaycan Xalq Cümhuriyyəti İli” elan etməsinə münasibət bildirib.

M.İbrahimqızı “Ölkə.Az”-a açıqlamasında deyib ki, Prezident İlham Əliyev tərəfindən 2018-ci ilin ölkəmizdə “Azərbaycan Xalq Cümhuriyyəti İli” elan edilməsi bütövlükdə cəmiyyətə çağırışdır:

“Bu hər kəs tərəfindən çox yüksək qiymətləndirilən tarixi qərardır. Cənab Prezident bununla dünyaya mesaj verdi ki, Azərbaycanın demokratiya tarixi heç də 26 il deyil. Hələ 1918-ci ildə Azərbaycanda demokratik və müstəqil dövlət qurulub. Cənab Prezidentin bu qərarı dünyaya mesaj verdi ki, Azərbaycan xalqı 100 il bundan qabaq demokratik dövlət qurub. Ulu Öndər Heydər Əliyev də hər zaman deyirdi ki, 1991-ci ildə müstəqilliyini bərpa edən Azərbaycan Respublikası Xalq Cümhuriyyətinin varisidir. Təsəvvür edin ki, bu gün demokratiyadan dəm vuran Avropa dövlətlərində alimləri dara çəkib, odda yandırılan zaman, qadınlarına cadügər kimi baxılanda, Azərbaycan Xalq Cümhuriyyətində qadınlara səsvermə hüququ verilmişdi, demokratik islahatlar aparılırdı. Bu gün bir çox Qərb dövlətlərinə Azərbaycanda 100 il əvvəl qadınlara geniş hüquqların verilməsi təəccüb doğurur. Ancaq bütün bunlar tarixi reallıqdır. Cənab Prezident İlham Əliyev də bu tarixi reallığın dünyaya çatdırılması üçün mühüm addım atdı. Bununla cənab Prezident dünyaya mesaj verdi ki, Azərbaycanın demokratiya tarixini 20-30 ildən deyil, 100 il bundan əvvəldən hesablamaq lazımdır. Bu tarixi faktdır”.

Deputat qeyd edib ki, ulu öndər Heydər Əliyev olmasaydı, 1918-ci ildə qurulan Xalq Cümhuriyyəti kimi, 1991-ci ildə müstəqilliyini bərpa edən Azərbaycan Respublikası da süquqta uğrayacaqdı:

“Çox təəssüf ki, 1918-ci ildə qurulan Azərbaycan Xalq Cümhuriyyəti (AXC) cəmi 23 ay yaşaya bildi. Eyni tarix 1991-ci ildə təkrar olunacaqdı. XX əsrdə olduğu kimi, ötən əsrin 90-cı illərində də dünyanın bütün imperialist güclərinin gözü Azərbaycanda, Bakı neftində idi. Onlar Azərbaycanın müstəqilliyini bərpa etməsini istəmirdilər. Əgər 1993-cü ildə ulu öndər Heydər Əliyev xalqın təkidi ilə hakimiyyətə qayıtmasaydı, indiki Azərbaycan dövləti də AXC-nin taleyini yaşayacaqdı. AXC bizim üçün tarixi dərs idi. Amma bu tarixi dərsdən hər siyasi lider düzgün nəticə çıxara bilməmişdi. Yalnız ulu öndər Heydər Əliyev bundan yaxşı nəticə çıxararaq, Azərbaycan dövlətinin müstəqilliyinin möhkəmlənməsi üçün vacib addımlar atdı. Sonradan isə Prezident İlham Əliyev bu siyasəti çox uğurla davam etdirdi. İndi artıq qorxmadan deyə bilərik ki, Azərbaycan dövlətinin müstəqilliyi əbədidir”.
M.İbrahimqızı Azərbaycanın müstəqilliyinə qarşı bir sıra təhdidlərin hələ də davam etdiyini söyləyib:
“Bu gün bəzi müxalifət qüvvələri özlərini AXC-nin davamçıları, demokratik qüvvə kimi təqdim etməyə çalışırlar. Ancaq onların cümhuriyyətçi olmaları yalnı quru sözdən ibarətdir. Atalarımızın da gözəl misalı var ki, halva-halva deməklə ağız şirin olmaz. Gərək öz əməllində də bunu sübut edəsən. Ulu öndər Heydər Əliyev deyirdi ki, müstəqilliyi əldə etmək nə qədər çətindirsə, onu qoruyub saxlamaq daha da çətindir. Bu doğrudan da belədir. Həmin müxalifətçi qüvvələr Azərbaycan Xalq Cümhuriyyətinə layiq ola bilmədilər. Ancaq cənab Prezidentin rəhbərlik etdiyi indiki hakimiyyət Xalq Cümhuriyyətinin görmək istədiyi Azərbaycanı xalqa bəxş edib. Küçə siyasəti aparan adamlar dövlət idarə edə bilməz. Bu gün Azərbaycanın İlham Əliyev kimi layiqli və dünyada tanınan güclü dipolamtı, lideri var. Cənab Prezidentin güclü liderliyi sayəsində bu gün Azərbaycan böyük layihələrdə iştirak edir”.

Deputat vurğulayıb ki, son vaxtlar Ukraynada, Türkiyədə, İranda və digər ölkələrdə baş verən hadisələr həmin dövlətlərin müstəqilliklərinə təhdid yaradır:

“Oxşar təhdidlər Azərbaycana qarşı da həyata keçirilir. Bu gün sosial şəbəkələr vasitəsilə Azərbaycanın daxilində xaos yaratmaq və ölkəmizi sarsıtmaq istəyən qüvvələr mövcuddur. Bu təhdidlər hər zaman olub. Sadəcə olaraq bu gün formasını dəyişib. Sosial şəbəkələr üzərindən Azərbaycanı qarışdırmaq istəyirlər. Bəzi internet saytları Azərbaycan dövlətinə qarşı ancaq çirkab atırlar, küfr yağdırırlar. Həmin qüvvələr Azərbaycandan əl çəkib gedib başqa ölkələrə, Rusiyaya, Ukraynaya, Gürcüstana və digər dövlətlərə də baxsınlar. Görəcəklər ki, onlarla müqayisədə Azərbaycan nə qədər çox inkişaf edib”.

Vasif Həsənli
Ölkə.Az

ŞƏRH YAZ
0

Oqtay Əsədov Zurabişvilinin andiçmə mərasimində iştirak edəcək

Oqtay Əsədov Zurabişvilinin andiçmə mərasimində iştirak edəcək
20:58
15.12.2018
1687
Siyasət
A
Dekabrın 16-da Milli Məclisin (MM) sədri Oqtay Əsədovun başçılıq etdiyi nümayəndə heyəti Gürcüstanın yeni seçilmiş prezidenti xanım Salome Zurabişvilinin andiçmə mərasimində iştirak etmək üçün bu ölkənin Telavi şəhərinə səfər edəcək.

"Ölkə.Az" bildirir ki, parlamentin mətbuat xidmətindən oxu.az-a bildiriblər ki, nümayəndə heyətinin tərkibinə MM-in Gürcüstanla parlamentlərarası əlaqələr üzrə İşçi Qrupunun rəhbəri Əflatun Amaşov, qrupun üzvü, deputat Hikmət Məmmədov və digər rəsmi şəxslər daxildir.

Parlamentin sədri inauqurasiya mərasimində ölkənin yeni seçilmiş prezidentini təbrik edəcək, ona gələcək fəaliyyətində uğurlar arzulayacaq.

Səfər dekabrın 17-də başa çatacaq.

Ölkə.Az

ŞƏRH YAZ
0

"Hüquq-mühafizə orqanları bu məsələdə öz sözünü deməlidir" — Deputatdan Mübariz İbrahimovu təhqir edən psixoloqla bağlı ÇAĞIRIŞ

18:19
15.12.2018
2682
Siyasət
A
Milli Məclisin deputatı, Xocalının keçmiş icra başçısı Elman Məmmədov psixoloq Nərmin Şahmarzadənin Azərbaycanın Milli Qəhrəmanı Mübariz İbrahimovu təhqir etməsi və ermənilər haqqında söylədiyi fikirlərə sərt şəkildə cavab verib.

Deputat "Ölkə.Az"a açıqlamasında bildirib ki, Azərbaycanın hüquq-mühafizə orqanları Nərmin Şahmarzadənin hərəkətləri ilə bağlı lazımı addımlar atmalıdır:

"Bu məsələ ilə bağlı həm dövlət qurumları, həm də insanlarımız çox kəskin münasibət bildirməlidir. Mübariz İbrahimov Azərbaycanın Milli Qəhrəmanı və şəhididir. Nərmin Şahmarzadə isə həm şəhid adını, həm də Milli Qəhrəmanı təhqir edir. Ona görə də hüquq-mühafizə orqanları bu məsələdə öz sözünü deməlidir. Eyni zamanda ictimaiyyət, xalq da öz etirazını bildirməlidir, Milli Qəhrəmanımızı, şəhidimizi müdafiə etməlidir. Xalqımız kütləvi şəkildə onun üzərinə getməlidir. Fərqi yoxdur, bu sözlə, mətbuatla, ictimai qınaqla olmalıdır. Xalq, millətə xəyanət edənlər belələri olur da! Bu adam çox murdar fikirlər səsləndirir. Mübariz İbrahimov bizim qürur, fəxr yerimizdir. Mübariz İbrahimovlar tək deyil, bizim minlərlə Mübariz İbrahimov kimi qəhrəmanlarımız var. Onlar öz canlarını Vətən yolunda fəda ediblər. Bu müqəddəsliyə bundan da betər toxunmaq olmaz. Mən onun bu cür hərəkətlərini lənətləyirəm, pisləyirəm. Hesab edirəm ki, Milli Qəhrəman və şəhid adını təhqir etdiyi üçün ona qarşı hüquq-mühafizə orqanları, ictimaiyyət, xalq, millət öz sözünü deməlidir".

E.Məmmədov deyib ki, Nərmin Şahmarzadə Azərbaycan xalqının heysiyyatı ilə oynayır:

"Bu adam psixoloq deyil, o psixdir".

Vasif Həsənli
Ölkə.Az

ŞƏRH YAZ
0
BAĞLA