"Sosial şəbəkələrlə bağlı qanunun sərtləşdirilməsinə ehtiyac var" — Deputatdan TƏKLİF

14:25
11.10.2018
4651
Siyasət
A
"Sosial şəbəkələrlə bağlı Cinayət Məcəlləsinə əlavə və dəyişiklik edilməsinə ehtiyac var".

Bu fikirləri "Ölkə.Az"a açıqlamasında Milli Məclisin deputatı Sona Əliyeva bildirib. 

Xanım deputat deyib ki, son zamanlar sosial şəbəkələrdə saxta profillərin sayı həddindən çox artıb:

"Saxta profillərlə Azərbaycanın tanınmış ictimai xadimləri, öndə gedən simaları və görkəmli ziyalıların şərəf və ləyaqətləri təhqir olunur, onlara qarşı böhtan kampaniyaları aparılır. Sosial şəbəkələrdə saxta profillərlə insanlara xoş olmayan hadisələr baş verir, fikirlər bildirilir. Hər birimiz bu cəmiyyətin üzvləriyik. Kimliyindən asılı olmayaraq, bir insan barəsində hər hansı mənfi rəy yazılanda və informasiya yayılanda, həmin insanın ailə üzvlərinə zərər vurulur, narahatçılıq yaranır, həmin şəxsin cəmiyyətdəki mövqeyi zədələnir və sairə. Yəni, sosial şəbələrdə aparılan bu cür xoşagəlməz kampaniyalar insanları sarsıdır, cəmiyyətdə mənəvi dəyərlərin aşınmasına təsir göstərir. Bu gün sosial şəbəkələrdə kifayət qədər məqsədli şəkildə ailə dəyərlərinin, milli dəyərlərin, din və mentalitetin zədələnməsi üçün işlər aparılır, yalan və əsası olmayan məlumatlar yayılır, bu isə insanları təşvişə salır. Misal üçün, bu yaxınlarda Azərbaycanda elektrik enerjisinin kəsilməsi ilə bağlı problem yarananda sosial şəbəkələrdə "panika" yaratmaqla məşğul olan xeyli sayda hərəkətlər oldu. İnsanları təşvişə salmaq lazım deyil. Ümumiyyətlə, cəmiyyəti həyəcanlandırmaq lazım deyil. Bu cür hadisələrdə cəmiyyəti möhkəm həmrəyliyə və birləşməyə səsləmək lazımdır. Yoxsa ki, sosial şəbəkələrdə hərbi xəbərlərin yayılması cəmiyyətdə nə qədər fikir ayrılıqları, həyəcan yaradır, nə qədər əsgər valideyni təşviş içində olur. Yəni, bu gün sosial şəbəkələrdə psixoloji baxımdan insanlarımızı həddindən çox həyəcanlandıran məlumatların yayılması halları həddindən çoxdur. Xalqımızın mənafeyi baxımından mən sosial şəbəkələrlə bağlı Cinayət Məcəlləsinə əlavə və dəyişikliklər edilməsini vacib hesab edirəm".

S.Əliyeva qeyd edib ki, hər bir insan özünün sosial məsuliyyət hissini dərk etməlidir:

"Nəyi etmək olar, nəyi isə etmək olmaz, insanlar bunu dərk etməlidir. Ya biz insanlara sosial məsuliyyət hissini aşılmalıyıq, ya da bunu qanunla tənzimləməliyik. Çünki sosial şəbəkələr və virtual aləm artıq bizim həyatımızın tərkib hissəsinə çevrilib. Biz orada virtual olaraq varıq. Deməli, biz orada da öz məsuliyyətimizi ciddi şəkildə dərk etməliyik. Düşünürəm ki, biz ya maarifləndirmə, ya da qanunu yolla bunu tənzimləmək məcburiyyətindəyik. Bunun üçün də mən Cinayət Məcəlləsinə əlavə və dəyişikliyin tərəfdarıyam. Sosial şəbəkələrlə bağlı qanunun sərtləşdirilməsinə ehtiyac var. Çünki sosial şəbəkələrdə və mediada yazılan bu tip xəbərlərdən zərər çəkmiş adamlardan biriyəm. Baxmayaraq ki, bununla bağlı hər hansı məhkəmə orqanlarına müraciət etməmişəm, ancaq hər bir halda mən və ailəm bu cür məsələlər olanda çox həyəcan keçirir, fikir edir. Axı mənim ailəm nə üçün bu tip informasiyalardan narahatçılıq keçirməlidir? Mən evimdə şəxsiyyət formalaşdırıramsa və bu cür informasiyalar ona zərər yetirirsə, sonra uşaq gəlib məndən soruşur ki, bu nə məsələdir və sairə. Biz harada olmağımızdan asılı olmayaraq bu cəmiyyətin üzvləriyik. Cəmiyyətin üzvləri də toplum olaraq bir-birinə hörmətlə yanaşmalıdır". 

Deputat bildirib ki, sosial şəbəkələrdə mövcud olan aqressiyanı azaltmaq lazımdır:

"Çünki aqressiya cəmiyyətin gələcəyinə xoş heçnə vəd etmir".

Vasif Həsənli
Ölkə.Az

ŞƏRH YAZ
1

Sahil Babayev “Qəbuldasan” verilişinin canlı efirində 36 vətəndaş müraciətini cavablandırıb

Sahil Babayev “Qəbuldasan” verilişinin canlı efirində 36 vətəndaş müraciətini cavablandırıb
00:30
Bu gün
504
Siyasət
A
Fevralın 21-də əmək və əhalinin sosial müdafiəsi naziri Sahil Babayev “ASAN Radio”nun “Qəbuldasan” verilişinin qonağı olub.

"Ölkә.Az" bildirir ki, Əmək və Əhalinin Sosial Müdafiəsi Nazirliyinin İctimaiyyətlə Əlaqələr və Kommunikasiya Şöbəsindən verilən məlumata əsasən, Emin Musəvinin müəllifi və aparıcısı olduğu veriliş həm radionun, həm də nazirliyin facebook səhifəsində canlı yayımlanıb.

S.Babayev veriliş zamanı vətəndaşların nazirliyin səlahiyyət dairəsinə, o cümlədən sosial təminat, pensiya təyinatı, məşğulluq, əmək münasibətləri, əlilliyin qiymətləndirilməsi və s. məsələlərə dair müraciətlərini cavablandırıb. Vətəndaşlar suallarını ASAN Radionun rəsmi facebook səhifəsi, vatsap və şəhər nömrəsi vasitəsilə veriblər.

Ümumilikdə 67 dəqiqəlik veriliş ərzində 36 suala cavab verilib. Veriliş müddətində vaxt baxımından cavablandırılması mümkün olmayan suallar nazirlik tərəfindən cavablandırılmaq, həmçinin araşdırma tələb edən müraciətlər baxılmaq üçün qeydiyyata alınıb.

Ölkә.Az

ŞƏRH YAZ
0

İnnovasiyalar Agentliyinin Nizamnaməsi təsdiq edilib

İnnovasiyalar Agentliyinin Nizamnaməsi təsdiq edilib
23:15
22.02.2019
1016
Siyasət
A
Prezident İlham Əliyev Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin fəaliyyətinin təmin edilməsi haqqında Fərman imzalayıb.

"Ölkə.Az" bildirir ki, fərmanda deyilir:

"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin yaradılması haqqında” Azərbaycan Respublikası Prezidentinin 2018-ci il 6 noyabr tarixli 325 nömrəli Fərmanının icrası ilə əlaqədar qərara alıram:

1. “Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin Nizamnaməsi” təsdiq edilsin (əlavə olunur).

2. “Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin Strukturu” təsdiq edilsin (əlavə olunur).

3. Müəyyən edilsin ki, Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin (bundan sonra – Agentlik) ilkin nizamnamə fondu 500 000 (beş yüz min) manatdır və dövlət büdcəsi vəsaiti hesabına formalaşdırılır.

4. Azərbaycan Respublikasının Nazirlər Kabineti:

4.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

4.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

4.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

4.4. “Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin yaradılması haqqında” Azərbaycan Respublikası Prezidentinin 2018-ci il 6 noyabr tarixli 325 nömrəli Fərmanının 6.4-cü bəndinə uyğun olaraq Agentliyin balansına verilən dövlət əmlakının qiymətləndirilərək Agentliyin nizamnamə fondunda nəzərə alınması üçün müvafiq təkliflərini üç ay müddətində Azərbaycan Respublikasının Prezidentinə təqdim etsin;

4.5. innovasiya fəaliyyətinə təsir edəcək normativ hüquqi aktlar hazırlanarkən bu Fərmanın 6-cı hissəsinin icrasını nəzarətdə saxlasın;

4.6. bu Fərmandan irəli gələn digər məsələləri həll etsin.

5. Azərbaycan Respublikasının Nəqliyyat, Rabitə və Yüksək Texnologiyalar Nazirliyi:

5.1. Azərbaycan Respublikasının ərazisində innovasiya fəaliyyətinin dəstəklənməsi məqsədilə xarici dövlətlərin və beynəlxalq təşkilatların maliyyələşdirdikləri proqramların (layihələrin) əlaqələndirilməsini həyata keçirsin;

5.2. bu Fərmanın 6-cı hissəsində göstərilən normativ hüquqi aktların razılaşdırılması ilə bağlı tədbirlər görsün;

5.3. Agentliyin vəsaitindən istifadə qaydasının layihəsini bir ay müddətində hazırlayıb Azərbaycan Respublikasının Prezidentinə təqdim etsin.

6. Mərkəzi icra hakimiyyəti orqanları, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslər və dövlət adından yaradılan publik hüquqi şəxslər hazırladıqları innovasiya fəaliyyətinə təsir edəcək normativ hüquqi aktların normayaratma orqanına təqdim edilməzdən əvvəl “Normativ hüquqi aktlar haqqında” Azərbaycan Respublikası Konstitusiya Qanununun 46-cı maddəsinə uyğun olaraq Azərbaycan Respublikasının Nəqliyyat, Rabitə və Yüksək Texnologiyalar Nazirliyi ilə razılaşdırılmasını təmin etsinlər.

7. Azərbaycan Respublikasının Maliyyə Nazirliyi bu Fərmanın 3-cü hissəsində göstərilən məbləğdə maliyyələşməni təmin etsin.

8. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin."

Ölkə.Az

ŞƏRH YAZ
0
BAĞLA