Sosial yardım alan ailələrin sayı 2 dəfə azalıb

Sosial yardım alan ailələrin sayı 2 dəfə azalıb
19:45
11.01.2018
2132
İqtisadiyyat
A
Ötən il aparılmış köklü islahatlar nəticəsində pensiya sistemi qeyri-sığorta elementlərindən əsasən təmizlənib, sığorta-pensiya sisteminin öhdəlikləri ilə dövlət büdcəsinin öhdəlikləri bir-birindən tamamilə ayrılıb, fərdi uçot sistemində “açıq hesab” prinsipi tətbiq olunub və işləyən pensiyaçılara hər 72 aydan bir fərdi hesablarında yığılmış vəsaitlərdən istifadə edərək pensiyalarını artırmaq imkanı verilib.

"Ölkə.Az" xəbər verir ki, bunu yanvarın 10-da Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında çıxışı zamanı əmək və əhalinin sosial müdafiəsi naziri Səlim Müslümov deyib.

Nazirin sözlərinə görə, altı ay ərzində 17 min 430 nəfər işləyən pensiyaçı bu hüquqdan istifadə edib və onların aylıq pensiyasının artımı orta hesabla 146 manat olub ki, bu da hər ay onlara 2,5 milyon manat əlavə vəsaitin ödənilməsi deməkdir.

"Məşğulluq imkanlarının genişlənməsi, xüsusilə də regionlarda əhalinin kənd təsərrüfatı işlərinə geniş cəlb olunaraq gəlir əldə etmək imkanlarının güclənməsi ünvanlı sosial yardım proqramına müraciətlərin sayını azaldıb. 2017-ci ilin əvvəlində 159,5 min ailə ünvanlı sosial yardım alırdısa, ilin sonuna belə ailələrin sayı iki dəfə azalaraq 80 min, il ərzində orta aylıq sayı 116 min olub, müraciətlərin sayı isə ilin əvvəlinə nisbətən dörd dəfə azalıb. İl ərzində bu məqsədlərə büdcədən 215 milyon manat vəsait xərclənib"-deyən Nazir bildirib ki, 2017-ci ildə 483 min nəfərə aylıq və birdəfəlik sosial müavinət, 60 min nəfərə isə Azərbaycan Respublikası Prezidentinin təqaüdləri ödənilib. Bu məqsədlərə sərf edilmiş 371 milyon manat 2016-cı ilin göstəricisindən 9,3 faiz çoxdur.

Nazir bildirib ki, il ərzində Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərdən və şəhid ailələrindən 315 nəfər mənzil və fərdi evlə təmin olunub ki, bu da son beş ilin ən yüksək göstəricisidir: "Eyni zamanda, əlilliyi olan şəxslərə 33 min ədəd protez-ortopedik məmulat və reabilitasiya vasitəsi, tibbi göstərişi olan əlillərə 1193 ədəd əlil arabası verilib, 39,8 min nəfərə bərpa xidməti göstərilib", - deyə nazir əlavə edib.

ŞƏRH YAZ
1

"Azərbaycan Beynəlxalq Enerji Agentliyinin çox dəyərli tərəfdaşdır" — Fatih Birol

09:00
Bu gün
247
İqtisadiyyat
A
Azərbaycan Beynəlxalq Enerji Agentliyinin (BEA) çox dəyərli tərəfdaşdır.

"Ölkə.Az" xəbər verir ki, bunu Trend-ə müsahibəsində BEA-nin icraçı direktoru Fatih Birol deyib.

Birol bildirib: "Biz "EU4Energy" proqramı çərçivəsində sıx əməkdaşlıq edirik, bununla da statistika və məlumatları, həmçinin enerji siyasətini yaxşılaşdırırıq".

İcraçı direktor həmçinin özünün Azərbaycana nəzərdə tutulan səfəri barədə danışıb: "Mən Bakıya bu ilin sentyabr ayında gələndə Azərbaycanın energetika naziri Pərviz Şahbazovla görüşümü səbirsizliklə gözləyirəm. Bizə çox şeyi müzakirə etmək lazımdır, həmçinin Azərbaycanın enerji tranzit mərkəzi kimi oynadığı vacib rolu. Biz həmçinin BEA və Azərbaycan arasında əməkdaşlığın daha da genişlənməsi üçün yolları müzakirə edəcəyik".

Birol həmçinin qeyd edib ki, Azərbaycan qlobal enerji sistemində çox mühüm rol oynayır: "Azərbaycan iri neft və qaz istehsalçısı və strateji cəhətdən mühüm tranzit enerji xabıdır. Azərbaycan qlobal enerji təhlükəsizliyinin artırılması üçün imkanlar təqdim etməklə və regiona iqtisadi fayda gətirməklə, Xəzər regionu və Avropa arasında enerji körpüsü rolunu oynayır".

Azərbaycanın fəal iştirakı ilə reallaşdırılan beynəlxalq neft-qaz layihələrindən danışan Birol deyib ki, Bakı-Tbilsi-Ceyhan və "Cənub Qaz Dəhlizi" kimi vacib kəmərlər Xəzər regionu və Avropa arasında enerji əlaqələrinin möhkəmlənməsinə xidmət edir: "Bu kəmərlər Azərbaycan nefti və qazına beynəlxalq bazara çıxmağa imkan yaradır. "Cənub Qaz Dəhlizi" qazın Avropaya nəqlinin əlavə marşrutunu yaradacaq, bu da qaz nəqli yollarını daha çox şaxələndirilməsinə imkan verəcək".

Ölkə.Az

ŞƏRH YAZ
0

Təzə fındıq bazarda neçəyədir? — VİDEO

Təzə fındıq bazarda neçəyədir?
23:27
21.07.2018
1065
İqtisadiyyat
A
Bir müddətdir ki, bazarlara çıxarılan təzə yığılmış yaş fındığa tələbat çoxalıb.

"Ölkə.Az"ın Xezerxeber.az-a istinadən məlumatına görə, məhsul ölçüsündən və keyfiyyətindən asılı olaraq müxtəlif qiymətlərə təklif olunur.

Satıcıların sözlərinə görə, məhsul ötən illərlə müqayisədə nisbətən ucuz qiymətə təklif edilir. Səbəbi isə məhsulun bu il bol olmasıdır.

Alıcılar da yaş fındığın qiymətində nisbətən ucuzlaşma olduğunu təsdiq edirlər.

Satıcılar deyirlər ki, qarşıdakı həftələrdə qiymət bir az da enəcək. Çünki bazara daha çox məhsul çıxarılacaq.

Mövzu ilə bağlı daha ətraflı videomaterialı təqdim edirik:

 

ŞƏRH YAZ
0
BAĞLA