Şou-biznesin çoxuşaqlı MƏŞHURLARI
Bu gün “Ölkə.Az” öz oxucularına çoxuşaqlı məşhurları təqdim edir.
Siyahımıza lider analardan başlamaq istəyirik. Xalq artisti Gülyanaq Məmmədova çoxuşaqlı analardan biridir. Müasir xalq mahnılarının gözəl ifaçısı olmaqla yanaşı, o həm də gözəl anadır. Məşhur müğənni 4 uşaq tərbiyyə edir. Xanım ifaçı müsahibələrinin birində bildirib ki, çoxuşaqlı ana olması onun karyerasını davam etdirməsinə mane olmur.
Səhnəmizin çoxuşaqlı analarından biri də müğənni Elnarə Xəlilovadır. Telejurnalist Rövşən Cahangirovla ailə quran xanım müğənni 3 oğul, 1 qız anasıdır.
Xalq artisi Alim Qasımovun qızı Fərqanə Qasımova isə üçüz anasıdır. Xanəndənin iki qızı, bir oğlu var.
Xalq artisti Mələkxanım Eyyubova da çoxuşaqlı analar siyahısındadır. Xanım müğənni dörd uşaq anasıdır. Onun iki qızı və iki oğlu var.
Növbəti sırada əməkdar artist Fidan Hacıyevadır. İngiltərə vətəndaşı ilə ailə quran müğənni 2 oğul, bir qız anasıdır.
Səhnəmizin zərif müğənnilərindən biri sayılan Nura Suri də çoxuşaqlı analar siyahısındadır. Onun 3 oğlu var.
Vaqif Gərayzadənin yetirmələrindən biri olan Xuraman Şuşalı da bu siyahıda öz yerini qoruyur. Müğənni oğlu Məhəmməd Mehdini, qızı Suranı və 2014-cü ildə dünyaya gətirdiyi sonbeşik oğlunu tərbiyyə edir.
“Eurovision 2009” təmsilçimiz Aysel Teymurzadə pianoçu Murad Adıgözəlovla ailə qurduqdan sonra karyerası ilə birdəfəlik vidalaşıb. Bu nigahdan xanım müğənninin 2-si oğlan, biri qız olmaqla 3 övladı var.
Kənan Mahmudovla ailə quran müğənni Aygün Mahmudova da sənət aləminin çoxuşaqlı analardandır. Rejissor və müğənni ailədə 3 uşaq tərbiyyə edir.
Məşhur analardan başqa şou-biznesdə çoxuşaqlı atalar da var.
“Bakılı oğlanlar” komandasının üzvü Murad Dadaşov çoxuşaqlı atalardan sayılır. Xalq artisti 3 oğul atasıdır. O tez-tez qız atası olmaq istədiyini də dilə gətirir.
.png)
Müğənni Elçin Hüseynov da 3 uşaq atasıdır. Onun 2 qızı, bir oğlu var.
Məşhur "Qarabağ şikəstəsi"nin ifaçısı Tacir Şahmalıoğlu da şou biznesin çoxuşaqlı atalarından biri olmağa namizəddir. 54 yaşlı müğənni ata olmağa hazırlaşır.
Xatırladaq ki, hazırda Şahmalıoğlunun bir qız, bir oğul övladı var.
Vüsalə Balayeva
Ölkə.Az
