KORONAVİRUSA YOLUXANLARIN SAYI - CANLI STATİSTİKA

"Şoyqunun Bakı səfəri Dağlıq Qarabağ məsələsi ilə bağlıdır" — Hərbi ekspert

18:03
15.08.2016
8812
Siyasət
A

Rusiyanın müdafiə naziri Sergey Şoyqu Bakıda səfərdədir.

Sergey Şoyqu əvvəlcə prezident İlham Əliyev, sonra isə Azərbaycanın müdafiə naziri, general-polkovnik Zakir Həsənovla görüşüb. Görüşlərdə hərbi əməkdaşlıq, silah ticarəti və Dağlıq Qarabağ məsələsi müzakirə edilib.

Son zamanlar Dağlıq Qarabağ məsələsi ilə bağlı Rusiya tərəfi ilə Azərbacan tərəfi çoxsaylı görüşlər keçirib. Bir neçə gün öncə Rusiya prezidenti Putin Bakıda səfərdə olarkən Dağlıq Qarabağ məsələsi barədə danışıqlar aparıb. Putinlə Ərdoğanın görüşü zamanı da Dağlıq Qarabağ məsələsi müzakirə edilib. Putindən sonra Rusiyanın müdafiə naziri Sergey Şoyqunun Bakıya səfər etməsi və Dağlıq Qarabağla bağlı danışıqlar aparması münaqişənin həlli ilə bağlı müəyyən fikirlərin yaranmasna səbəb olur.

Sergey Şoyqunun Bakı səfərini hərbi ekspert Üzeyir Cəfərov Ölkə.Az-a verdiyi açıqlamasında şərh edib:

"Rusiyanın müdafiə naziri Sergey Şoyqunun Bakı səfəri Dağlıq Qarabağ məsələsi ilə bağlıdır. Ancaq bu səfər əhəmiyyətsizdir. Bu Rusiyanın öz oyunudur və qurduğu oyunda özü uduzacaq. Rusiya aktivlik göstərir, imitasiya yaradır ki, Dağlıq Qarabağ məsələsinin həllində maraqlıdır. Ermənistan bu dəfə də Rusiyanı pis vəziyyətə qoyacaq. Prinsip edtibarı ilə bu səfər razılaşdırılıb. Hadisələr ola bilsin ki, məcrasından çıxsın. Necə ki, aprelin əvvəlində Rusiya və Ermənistanın gözləmədiyi bir şəkildə hadisələr məcrasından çıxdı. Rusiya hadisələrdən sonra çox narahat olmağa başladı və Azərbaycandan təkidlə xahiş etdi ki, əməliyyatlar dayandırılsın.

Aprel hadisələrindən xeyli zaman keçməsinə baxmayaraq problemin həlli məsələsində heç bir irəliləyiş yoxdur. Mənasız danışıqlar gedir. Putin Bakıya gəldi, İlham Əliyevlə görüşdü, Dağlıq Qarabağ məsələsi ilə bağlı fikir səsləndirdi. Moskvaya gedəndən sonra isə Sarkisyanı dəvət edib müəyyən təlimatlar verdi. Sarkisyan o qədər də axmaq biri deyil. O bilir ki, bu gün torpaqları Azərbaycana qaytarsa, günü sabah Ermənistanda onu məhv edəcəklər.

Rusiya bu yükün altına girib. Ona görə çalışır ki, 5 və yaxud 7 rayonun qaytarılmasına nail olsun. Bununla da imici qalxsın.

Əmin edirəm ki, Ermənistanda hakimiyyət dəyişikliyi olacaq. Rusiya məcbur olacaq ki, vəziyyətdən çıxış yolu tapmaq üçün Sarkisyanla yolunu ayırsın. Sarkisyan heç zaman Dağlıq Qarabağın Azərbaycanın tərkibinə keçməsinə razılıq verməyəcək. Bu barədə Sarkisyan özü bəyan etdi ki, Dağlıq Qarabağ heç vaxt Azərbaycanın tərkibində olmayacaq.

Rusiya bu günə kimi bir dəfə də olsun Ermənistandan tələb etməyib ki, BMT-nin 4 məlum qətnaməsini yerinə yetirsin. Rusiya BMT-nin Təhlükəsizlik Şurasının 5 üzvündən biridir. Ona görə də, bu növbəti oyundur. Sergey Şoyqu Putinin təlimatı ilə gəlib. Rusiya müdafiə naziri Dağlıq Qarabağ münaqişəsindən əlavə silah alveri barədə də müzakirələr aparacaq. Sergey Şoyqu Bakıdan sonra Ermənistana da gedəcək. Görüntü yaranacaq ki, Rusiya münaqişəni həll etmək istəyir, ancaq ermənilər buna razılıq vermir.

Baş verən görüşlərdən heç nə gözləmirəm. Azərbaycan tərəfinin də optimist bəyanatlarına təəssüflənirəm. Birinci Qarabağ müharibəsinin iştirakçıları kimi, döyüş yoldaşlarını, yaxınlarını itirənlərdən biri kimi marağındayam ki, Dağlıq Qarabağ məsələsində bir irəlləyiş olsun, ancaq heç bir nəticə yoxdur".

Səxavət Məmməd
Ölkə.Az

ŞƏRH YAZ
0

Türkiyə Azərbaycana tibbi yardım göndərdi — FOTO

Türkiyə Azərbaycana tibbi yardım göndərdi
21:23
Bu gün
195
Siyasət
A
“Türkiyə koronavirus pandemiyasının yayılmasından bu günə qədər yüzə yaxın ölkəyə tibbi ləvazimat köməkliyi göstərib və bu çərçivədə qoruyucu ləvazimat ilə dərman preparatları göndərib”.

"Ölkə.Az" xəbər verir ki, bu sözləri Türkiyənin Azərbaycandakı səfirliyinin məlumatında əks olunub.

Səfirlikdən bildiriblər ki, belə yardımlardan biri də Azərbaycana olub:

“Bu gün də qardaş ölkə Can Azərbaycana 30 ədəd ventilyator, 55.000 ədəd kombinezon, 50.000 ədəd N95 maska, 100.000 ədəd cərrahi maska, 5.000 tibbi eynək, 200.000 əlcək və virusun müalicəsində istifadə olunan 40.000 qutu müxtəlif dərman preparatı göndərilib.

Türkiyə virusla mübarizədə ancaq bütün ölkələrin əməkdaşlığı və həmrəyliyi ilə uğur qazanacağına inanır və hal-hazırda yaşadığımız bu fövqəladə dövrdə, pandemiya ilə qlobal mübarizəyə öz töhfəsini vermək üçün maksimum səy göstərir.

Bu gün etdiyimiz bu yardım da qardaş Azərbaycanın mübarizəsinə töhfə xarakterindədir. Aramızdakı yaxın münasibətlərin təbii nəticəsi olan bu yardım iki ölkənin Prezidentləri Cənab İlham Əliyev və Cənab Rəcəb Tayyib Ərdoğanın hər fürsətdə nümayiş etdirdikləri qardaşlığımızın da güclü təzahürüdür.

Yardımın Azərbaycanın koronavirusla mübarizəsinə töhvə verməsini arzu edir, fürsətdən istifadə edərək virus səbəbi ilə vəfat edən bacı və qardaşlarımıza baş sağlığı, xəstələrə tez bir zamanda şəfa diləyirik”. oxu.az

ŞƏRH YAZ
0

İqtisadiyyat Nazirliyindən icazələrin ləğv edilməsi ilə bağlı — AÇIQLAMA

İqtisadiyyat Nazirliyindən icazələrin ləğv edilməsi ilə bağlı
18:59
Bu gün
1068
Siyasət
A
İqtisadiyyat Nazirliyi fiziki və hüquqi şəxslərə müraciət edib.

"Ölkə.Az" bildirir ki, Nazirlikdən oxu.az-a daxil olan məlumatda deyilir:

“Məlum olduğu kimi, “Xüsusi karantin rejiminin sərtləşdirilməsi ilə bağlı əlavə tədbirlər barədə” Azərbaycan Respublikası Nazirlər Kabinetinin 2020-ci il 19 iyun tarixli 208 nömrəli Qərarı ilə ölkə ərazisində fəaliyyətinə icazə verilmiş iş və xidmət sahələri müəyyən edilib.

Həmin sahələrdə çalışan işçilərin işə çıxması üçün icazələrin verilməsi Nazirlər Kabinetinin müvafiq Qərarı ilə müəyyən edilən və Dövlət Statistika Komitəsinin “İqtisadi fəaliyyət növlərinin təsnifatı”na əsasən fəaliyyəti icazə verilən sahələrə uyğun şəkildə işəgötürənlərin “icazə.e-gov.az” portalına müraciəti əsasında həyata keçirilir. İcazələr həmçinin Nazirlər Kabinetinin 2020-ci il 25 iyun tarixli 220 nömrəli Qərarına əsasən işçi sayına məhdudiyyət tətbiq edilmiş fəaliyyət sahələri üzrə tələblər nəzərə alınmaqla verilir.

İcazə sistemindən sui-istifadə hallarının qarşısının alınması, vətəndaşlarımızın infeksiyaya yoluxma riskinin azaldılması məqsədilə öncədən bir neçə dəfə xəbərdarlıq edildiyi kimi, Vətəndaşlara Xidmət və Sosial İnnovasiyalar üzrə Dövlət Agentliyi tərəfindən iyulun 5-dən etibarən Nazirlər Kabinetinin 2020-ci il 19 iyun tarixli 208 nömrəli Qərarı ilə fəaliyyətinə icazə verilən sahələrə aid olmayan fiziki şəxslərin, habelə işçi heyətinin məhdud şəkildə iş çıxarılmasına olan tələblərə əsaslanaraq bu həddi keçən qurumlar üzrə icazələrin bir hissəsi ləğv olunub.

İqtisadiyyat Nazirliyi bir daha hüquqi və fikziki şəxslərin nəzərinə çatdırır ki, icazələrin bir hissəsinin ləğv edilməsi ilə əlaqədar fəaliyyətinə icazə verilən sahələrdə çalışan hüquqi və fiziki şəxslər icaze.e-gov.az portalına daxil olmaqla işçi heyətinin qeydiyyatl ilə bağlı məsələləri müəyyən edilmiş qaydalar çərçivəsində yenidən tənzimləməlidirlər. İcazələrin verilməsi zamanı əmək müqaviləsi ilə çalışan işçilərin sayı və təsnifat kodu əsas götürülür. Növbəti həftə ərzində işə çıxacaq əməkdaşlar barədə məlumatlar işəgötürən tərəfindən əvvəlcədən portala daxil olunmalıdır.

Nazirlər Kabinetinin müvafiq qərarları ilə fəaliyyətinə icazə verilməmiş sahələr üzrə sistemə müraciət edilməsi mümkün deyildir. İqtisadiyyat Nazirliyi yanında Dövlət Vergi Xidməti tərəfindən fəaliyyətinə icazə verilən və xüsusi karantin rejiminin tətbiq edildiyi şəhər və rayonlarda uçotda olan və ya təsərrüfat subyekti (obyekti) həmin şəhər və rayonlarda yerləşən vergi ödəyicisinin siyahısı “icazə.e-gov.az” portalına daxil edilməsi üçün real vaxt rejimidə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə təqdim edilir. İyulun 5-i 17.00-a olan məlumata görə, artıq “icazə.e-gov.az” portalında 38.348 işəgötürən tərəfindən 453.781 işçi sayına icazə alınıb.

İcazələrin tənzimlənməsi ilə bağlı yaranan xüsusi hallar üzrə hüquqi və fiziki şəxslər İqtisadiyyat Nazirliyinə müraciət edə bilərlər.

İşəgötürən tərəfindən portala daxil edildikdən sonra narıncı zonaya aid olan ərazidə hərəkət etmək icazəsi olan şəxslər işəgötürən tərəfindən verilmiş ezamiyyə vərəqələri əsasında həmin zonanı tərk edə bilərlər.

Nazirlər Kabinetinin 2020-ci il 19 iyun tarixli 208 nömrəli Qərarına əsasən fəaliyyətinə icazə verilmiş sahələrin siyahısı ilə bu link vasitəsilə tanış olmaq mümkündür (qərarın əlavəsi):

https://nk.gov.az/media/files/49339ee08e90baca9ebd88f55a5ba958.pdf

Nazirlər Kabinetinin 2020-ci il 25 iyun tarixli 220 nömrəli Qərarına əsasən işçi sayına məhdudiyyət tətbiq edilmiş fəaliyyət sahələrinin siyahısı ilə bu linklər vasitəsilə tanış olmaq mümkündür:

https://nk.gov.az/az/article/911/print/

https://cabmin.gov.az/media/files/a0d53995ef202836f886389f911971d3.pdf

ŞƏRH YAZ
0
BAĞLA