Söyün Sadıqov: “Rusiyada Abbas Abbasovun nüfuzu qalmayıb” — QALMAQALLI AÇIQLAMA

Söyün Sadıqov: “Rusiyada Abbas Abbasovun nüfuzu qalmayıb”
12:11
19.05.2017
57
Siyasət
A
“Ümumrusiya Azərbaycan Konqresinin (ÜAK) qeydiyyatının ləğv edilməsinin arxasında siyasi məqsədlər dayanır”.

Bunu “Ölkə.Az”-a müsahibəsində Rusiyada Azərbaycanlıların Federal Milli-Mədəni Muxtariyyətinin (AzerRos) sabiq prezidenti, Rusiya Federasiyası Prezidentinin Səlahiyyətli Nümayəndəsi, Strateji İnkişafın Modelləşdirilməsi Mərkəzinin rəhbəri Söyün Sadıqov bildirib.

S.Sadıqov təşkilatın ləğv edilməsində ÜAK-ın rəhbərliyinin məsuliyyətsizliyi və səhlənkarlığının da olduğunu diqqətə çatdırıb:

“Ancaq bəzi siyasi məqsədlər də var. Hesab etmirəm ki, Rusiya rəhbərliyi bununla Azərbaycan hakimiyyətinə təzyiq göstərmək istəyir. Əsas məqsəd “AzerRos”-un fəaliyyətini gücləndirməkdir. Rusiya istəyir ki, ölkədə yalnız bir təşkilat – “AzerRos” qalsın. Bu qərarın arxasında əsasən Rusiyanın Federal Agentliyi dayanır. Ola bilər ki, onları bəzi azərbaycanlılar da dəstəkləyir”.

ÜAK-nin ləğvi ilə bağlı qərarın arxasında keçmiş Baş nazirin müavini Abbas Abbasovun dayanması ilə bağlı yayılan bəzi xəbərlərə də toxunan S.Sadıqov bu iddiaların doğru olmadığını söyləyib:

“ÜAK-nin ləğv olunmasına Abbas Abbasovun gücü çatmaz, bu məsələ onluq deyil. Ümumiyyətlə, hazırda Rusiyada Abbas Abbasovun elə nüfuzu da qalmayıb. Əgər onun Rusiya rəhbərliyi yanında elə hörməti və nüfuzu olsaydı, Abbas Abbasov dostu Telman İsmayılova kömək edərdi. Hesab edirəm ki, bu qərarın arxasında Rusiyanın Federal Agentliyi dayanır. Ancaq bu qərara hüquqi baxımdan elə də əhəmiyyət vermək lazım deyil. Çünki Rusiya qanunlarına görə Ümumrusiya Azərbaycan Konqresinin işləməyə hələ də ixtiyarı var. Yalnız maliyyə fəaliyyəti ilə məşğul ola bilməz”.

S.Sadıqov ÜAK-nin bağlanılması barədə məhkəmə qərarının ləğv olunacağına ümid etdiyini söyləyib:

“Məhkəmənin bu qərarı ləğv oluna bilər. Bunun üçün növbəti məhkəmə instansiyalarına müraciət etmək lazımdır. Hələ ki, birinci məhkəmə olub və ÜAK uduzub. Növbəti məhkəmələrdə udub, qərarı ləğv etdirmək mümkündür. Əgər ÜAK tələb olunan sənədləri qaydasına salıb, məhkəmədə bunu sübut edərsə, təbii ki, həmin qərar da qüvvədən düşəcək və Konqres fəaliyyətini davam etdirəcək”.

S.Sadıqov qeyd edib ki, Rusiya prezidenti Vladimir Putin ÜAK-nin bağlanılması ilə bağlı qərara müdaxilə etməz:

“Putin bu cür kiçik məsələlərə qarışmır. Adətən bu cür məsələlər Rusiya məhkəmələri tərəfindən nəzərdən keçirilir. Sadəcə olaraq, ÜAK-nin rəhbərliyi tələb olunan sənədlərin hazırlanması işində səhlənkarlıq edib. Bir neçə dəfə xəbərdarlıq bildirişi göndərilsə də, buna məhəl qoymayıblar. Yəqin ki, bunlar hər zaman olduğu kimi, bu dəfə də Bakıya arxayın olublar. Çünki ÜAK nə isə olan kimi dərhal Bakıya zəng edir, oradan danışıqlar aparılır və məsələ həll olunurdu. Görünür, bu dəfə elə düşünüblər”.

S.Sadıqov ÜAK-nin bağlanılması qərarının ləğv edilməsi ilə bağlı hüququ yardım təklifi də edib:

“Əgər Azərbaycan tərəfindən mənə müraciət olunarsa, Ümumrusiya Azərbaycan Konqresinin bağlanılması qərarının ləğv edilməsi ilə bağlı hüquqi müstəvidə əlimdən gələn köməyi etməyə hazıram. Hətta, lazımı qurumlarla iş aparıb, ÜAK-nin bağlanılması qərarını ləğv etdirə də bilərəm”
 
Ramal Hüseynli
Ölkə.Az

ŞƏRH YAZ
0

Səməd Seyidov: " Avropa Şurasında islahatlar dövrü çoxdan başlamalı idi"

Səməd Seyidov:
10:25
Bu gün
282
Siyasət
A
"Bizim AŞPA-nın yeni təyin edilmiş Prezidentindən gözləntilərimiz islahatların aparılmasıdır".

"Ölkə.Az" xəbər verir ki, bunu "Report"un Qərbi Avropa bürosuna açıqlamasında Azərbaycanın Avropa Şurası Parlament Assamleyasındakı (AŞPA) nümayəndə heyətinin rəhbəri, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib. 

"Mikele Nikoletti Avropa Şurasında çox böyük nüfuza və təcrübəyə malik insanlardandır. O, AŞPA prezidentliyinə yeganə namizəd oldu və yekdilliklə qəbul edildi. Bu missiyanı həyata keçirməyə başqa namizəd yox idi. Bizim AŞPA-nın yeni təyin edilmiş Prezidentindən gözlədiyimiz islahatların aparılmasıdır. Avropa Şurasında islahatlar dövrü çoxdan başlamalı idi. Burada islahatlara ehtiyac çox böyükdür. Bunu Azərbaycan nümayəndə heyəti dəfələrdə onların nəzərinə çatdırıb.

Hesab edirəm ki, böyük nüfuza, təcrübəyə və yüksək intellektual səviyyəyə malik AŞPA-nın yeni Prezident bu islahatları həyata keçirməyə nail olacaq", - deyə, S.Seyidov əlavə edib.

S.Seyidov deyib ki, bu islahatlar yalnlz Avropa Şurasında deyil, digər beynəlxalq təşkilatlarda da həyata keçirilməlidir: "Biz Avropa Şurasında işlədiyimiz üçün buranın nöqsanlarından agahıq. Bəzi ölkələr öz üzvlük haqlarını verməkdən imtina edirlər. İkili standartlar mövcuddur. Qeyri-obyektiv yanaşmalar var. Təbii ki, bütün bunlar əbəs yerə yaranmır. Bu təşkilatın tərkibində bir böhran var ki, bundan yeganə çıxış yolu islahatların həyata keçirilməsidir".

ŞƏRH YAZ
0

Baş nazir qaydalara dəyişiklik etdi

Baş nazir qaydalara dəyişiklik etdi
09:08
Bu gün
1067
Siyasət
A
Baş nazir Artur Rasizadə “Çağırışçıların və hərbi vəzifəlilərin hərbi qeydiyyatının aparılması Qaydası”nda dəyişikliklər ediib.

“Ölkə.Az” xəbər verir ki, qaydalarda aşağıdakı dəyişikliklər olunub.

1. 1.4-cü bəndə “hərbi vəzifəlilər” sözlərindən sonra “(bu Qaydanın 1.7-ci bəndində nəzərdə tutulmuş hərbi vəzifəlilər istisna olmaqla)” sözləri əlavə edilsin. 

2. Aşağıdakı məzmunda 1.7-ci bənd əlavə edilsin: 

“1.7. Azərbaycan Respublikası- nın Dövlət Təhlükəsizliyi Xidmətindən və Azərbaycan Respublikasının Xarici Kəşfiyyat Xidmətindən ehtiyata keçirilmiş hərbi vəzifəlilərin hərbi qeydiyyatı həmin orqanlar tərəfindən aparılır.”.

ŞƏRH YAZ
0
BAĞLA