Söyüşə görə iki həmyerlisini qanına qəltan etdi
“Ölkə.Az”ın məlumatına görə, cinayət məcəlləsinin 126.2.1-ci maddəsi ilə təqsirləndirilən Vəliyev Azər Mütəllim oğlunun məhkəmə prosesinin hazırlıq iclası bu gün hakim Xəqani Səmədovun sədrliyi ilə keçiriləcək.
Qeyd edək ki, bu ilin may ayında A. Vəliyev mübahisə zəminində 1992-ci il təvəllüdlü Müşfiq Qurban oğlu Əfəndiyevə və 1985-ci il təvəllüdlü Nəcəf Elxan oğlu Hüseynova bıçaqla ağır xəsarət yetirib. Hər iki yaralının xəstəxanada müalicəsini davam etdirib.
Mingəçevir Şəhər Polis Şöbəsi əməkdaşlarının keçirdiyi əməliyyat tədbirləri nəticəsində mayın 4-dən 5-ə keçən gecə cinayət hadisəsini törədən şəhər sakini Azər Vəliyev isti izlərlə yaxalanaraq, istintaqa təhvil verilib. Məlum olub ki, gənclər A.Vəliyevi nəlayiq söyüşlərlə təhqir ediblər. Azər Vəliyev isə həmyerlilərinə gücü çatmadığına görə evə qayıdıb və soyuq silahını götürərək haqq-hesabı çürütməyə gedib. Əməlindən peşman olmayan Vəliyev əvvəllərdə məhkumluq həyatı yaşayıb.
