“Soyuz” raketi qəzaya uğradı
Qazaxıstanın Baykonur kosmik stansiyasından Beynəlxalq Kosmik Stansiyaya göndərilən iki kosmonavtı daşıyan “Soyuz” raketi uçuş vaxtı qəzaya uğrayıb.
“Ölkə.Az” xəbər verir ki, göyərtədəki rus və amerikalı kosmonavtların sağ olduğu bildirilir. Raket Qazaxıstanda təcili eniş edib.
Rus kosmonavt Aleksey Ovçin və NASA kosmonavtı Nik Haqini Beynəlxalq Kosmik Stansiyaya aparmalı olan “Soyuz” raketi Baykonur stansiyasından qalxdıqdan sonra problem meydana çıxıb. Problem daşıyıcı bölümündə üzə çıxıb. NASA Tvitter səhifəsində rus əməkdaşlardan məsələ ilə bağlı məlumat almağa çalışıb.
Məlum olub ki, raket təcili eniş edib. Kosmonavtlar sağdır və vəziyyətləri normaldır.
Hikmət Həsənov
Ölkə.Az