"Sözlərinə görə cavab verəcəksən" — Məleykədən sərt ismarıc

22:47
02.10.2017
144
Mədəniyyət
A
Xalq artisti Məleykə Əsədova həmkarı Ramiz Məliki məhkəməyə verməyə hazırlaşır.

Ölkə.Az-ın xəbərinə görə, müğənni bu barədə öz Instagram hesabında yazıb.

“Xalq artisti Ramiz Məlikin saytların birinə ailəm, anam və atamla bağlı verdiyi açıqlamadan sonra ciddi düşündüm. Biz onunla məhkəmədə görüşəcəyik. Mən valideynlərimin ruhuna görə onu bağışlamayacam və qanun qarşısında işlətdiyi şərəf və ləyaqəti alçaldan sözlərə görə cavab verəcək. Bu yaşıma kimi heç bir məhkəməyə müraciət etməmişəm. Ancaq bu dəfə ailəmə dil uzatdılar”, - M. Əsədova yazıb.

ŞƏRH YAZ
0

Azərbaycanlı rəssam vəfat etdi

Azərbaycanlı rəssam vəfat etdi
20:15
11.12.2017
219
Mədəniyyət
A
Almaniyada yaşayan azərbaycanlı rəssam Gündüz Əlizadə vəfat edib.

Ölkə.Az "qafqazinfo"-ya istinadən xəbər verir ki, dostlarının sosial şəbəkə hesabında yazdığına görə, rəssam dekabrın 9-da uzun sürən xəstəlikdən dünyasını dəyişib.

Qeyd edək ki, G. Əlizadə "Kirpi" və  "Gənclik" jurnallarında, müxtəlif qəzetlərdə karikaturaları ilə tanınırdı. Uzun zamandır Almaniyanın Tier şəhərində yaşayan rəssamın Berlində "20 Yanvar" hadisələrinə, vətənə həsr olunmuş sərgiləri nümayiş olunub.

ŞƏRH YAZ
0

Rəsulzadənin 50-yə yaxın məktubu kitab oldu

Rəsulzadənin 50-yə yaxın məktubu kitab oldu
17:00
11.12.2017
213
Mədəniyyət
A
M.Ə. Rəsulzadənin "Məktublar. Şəfibəyçilik” kitabı işıq üzü görüb.

"Ölkə.Az" xəbər verir ki, oxuculara təqdim olunan bu kitabda Azərbaycan Xalq Cümhuriyyətinin banisi olan M.Ə. Rəsulzadənin 50-yə yaxın məktubu, eləcə də onun 1934-cü ildə İstanbulda işıq üzü görmüş "Şəfibəyçilik” əsəri ilk dəfə olaraq latın qrafikası ilə Azərbaycan dilində nəşr edilir. 

Həmin məktubların əksər hissəsi 1988-ci ildə diplomat və mühacirət tarixinin görkəmli tədqiqatçısı Ramiz Abutalıbov tərəfindən Parisdə aşkarlanaraq, Azərbaycana gətirilib. Kitabın ikinci hissəsini təşkil edən  "Şəfibəyçilik” əsəri isə ötən əsrin 20-30-cu illərində həm Azərbaycan siyasi mühacirəti, həm də "Müsavat” partiyası daxilində cərəyan edən prosesləri anlamaq baxımından çox qiymətli tarixi mənbədir.

Kitab Klubu tərəfindən nəşr edilmiş toplunun  tərtibçisi, ön sözün və izahların müəllifi tarix elmləri doktoru Aydın Balayevdir. 

Kitab Azərbaycan Xalq Cümhuriyyətinin 100 illiyi münasibətilə Moskvada fəaliyyət göstərən "Məmməd Əmin Rəsulzadə Məclisi” cəmiyyətinin dəstəyilə nəşr olunub.
 

ŞƏRH YAZ
0
BAĞLA