\"SpaceX\" 48 saat ərzində iki raket göndərəcək
"SpaceX" şirkəti 48 saat ərzində iki ədəd "Falcon 9" raketini kosmosa göndərməyi planlaşdırır.
"Ölkə.Az" xəbər verir ki, şirkətin rəhbəri İlon Mask Tvitter səhifəsində bu barədə məlumat verib.
Məlumatda deyilir: "Əgər qrafik uyğun gəlsə, bu həftə sonları 48 saat ərzində iki ədəd "Falcon 9" raketi kosmosa göndəriləcək".
23 və ya 24 iyun tarixində Bolqarıstan üçün "BulgariaSat-1" sputniki, 25 iyun tarixində isə "İridium" operatorunun peyki kosmosa göndəriləcək.
Qeyd edək ki, "SpaceX" şirkəti kosmik sistemlər üçün kommersiya operatoru və raket-daşıyıcıların istehsalçısı sayılır.
Hikmət
Ölkə.Az
