“Sportinq” və “Qarabağ”ın start heyətləri açıqlandı

“Sportinq” və  “Qarabağ”ın start heyətləri açıqlandı
22:28
20.09.2018
2979
İdman
A
Avropa Liqasında qrup mərhələsinin ilk tur matçında Portuqaliyada üz-üzə gələcək "Sportinq" və "Qarabağ" komandalarının start heyətləri açıqlanıb.

"Ölkə.Az"ın məlumatına görə, qonaq komandanın baş məşqçisi Qurban Qurbanov zədəli Rəşad Sadıqov, Dani Kintana və Simeon Slavçevin xidmətindən yararlana bilməyəcək.

Zədəsini bərpa edən Miçel isə ehtiyat oyunçular skamyasında yer alıb.

Start heyətə isə ilk dəfə Coşqun Diniyev də düşüb. Kapitan sarğısı Maksim Medvedevə tapşırılıb.

"Sportinq": 19. Roman Salen, 4. Sebastyan Koates, 8. Brunu Fernandeş, 9. Markos Akunya, 10. Fredi Montero, 13. Stefan Ristovski, 16. Rodriqo Battalya, 17. Luiş Nani (k.), 21. Rafinya, 22. Jeremi Matyü, 86. Nemanya Qudel

Ehtiyat oyunçular: 40. Renan Ribeyro, 6. Andrea Pintu, 18. Karluş Mane, 23. Abdulay Diabi, 25. Padosav Petroviç, 76. Brunu Qaşpar, 77. Jovane Kabral

Baş məşqçi: Joze Peseyru

"Qarabağ": 13. Vaqner, 2. Qara Qarayev, 5. Maksim Medvedev (k.), 7. İnnoset Emeqara, 11. Mahir Mədətov, 17. Abdullah Zubir, 19. Filip Ozobiç, 52. Yakub Jezniçak, 55. Bədavi Hüseynov, 77. Donald Gerye, 91. Coşqun Diniyev

Ehtiyat oyunçular: 1. Hannes Halldorsson, 4. Rahil Məmmədov, 8. Miçel, 9. Araz Abdullayev, 25. Ansi Aqolli, 28. Con Delarj, 30. Abbas Hüseynov

Baş məşqçi: Qurban Qurbanov

Lissabondakı "Joze Alvalade" stadionunda keçiriləcək görüş Bakı vaxtı ilə saat 23:00-da başlanacaq.

Ölkə.Az

ŞƏRH YAZ
0

Azərbaycanın U-21 yığması Norveçlə səfər oyununda uduzub

Azərbaycanın U-21 yığması Norveçlə səfər oyununda uduzub
00:44
Bu gün
37
İdman
A
21 yaşadək futbolçulardan ibarət Azərbaycan milli komandası Avropa çempionatının seçmə qrup mərhələsində son oyununu keçirib.

"Ölkə.Az"ın məlumatına görə, 5-ci qrupun görüşündə rəqib Norveç yığması olub.

Drammen şəhərindəki "Maryenlist" stadionunda təşkil olunmuş qarşılaşma 1:1 hesablı heç-heçə ilə yekunlaşıb. Bolqarıstanlı referi Volen Çinkov 9-cu dəqiqədə meydan sahiblərinin qapısına penalti təyin edib. Fəhmin Muradbəyli bu şansdan yararlanmağı bacarıb. Lakin qələbə hesabını qorumaq mümkün olmayıb. 76-cı dəqiqədə Leo Ostiqard bərabərlik qolunu vurub.

Beləliklə, Rəşad Sadıqovun baş məşqçi olduğu yığma qrupu 10 oyundan 3 xalla sonuncu pillədə başa vurub. Xallarını 15-ə çatdıran Norveç isə qrupu ikinci yerdə tamamlayıb və "play-off"a vəsiqə şanslarını qoruyub.

Qrupun digər oyunlarında İsrail Kosovoya 3:0, Almaniya İrlandiyaya 2:0 hesabı ilə qalib gəlib.

Ötən ay Bakıda keçirilmiş görüşdə Azərbaycan Norveçə uduzmuşdu - 1:3.

Ölkə.Az

ŞƏRH YAZ
0

AÇ: Azərbaycan İtaliyaya qalib gəldi

AÇ: Azərbaycan İtaliyaya qalib gəldi
01:13
16.10.2018
305
İdman
A
Yunanıstanda keçirilən şahmat üzrə klublararası Avropa çempionatında (AÇ) IV tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız İsrailin “Beer Şeva” klubu ilə üz-üzə gəlib.

Görüşdə qalib müəyyənləşməyib - 4:4. İlk xal itkisi ilə üzləşən komandamız yeddi xalla III pillədədir.

“Odlar Yurdu”nun qadınlar komandası isə İtaliyanın “Çaissa” klubu ilə üzləşib. Qızlarımızın dördü də öz görüşlərini qələbə ilə başa vurub - 4:0. Komandamız dörd xalla öz qrupunda III pillədədir.

Ölkə.Az

ŞƏRH YAZ
0
BAĞLA