İsrail ərazisi raketlə vurulub — Trampın qərarından sonra gərginlik artır

İsrail ərazisi raketlə vurulub
23:40
07.12.2017
3290
Dünya
A
Qəzza zolağından İsrail ərazisi raketlə vurulub.

“Ölkə.Az” xəbər verir ki, bu barədə TASS agentliyi məlumat verib. Verilən məlumata görə, raket zərbəsinə Fələstin yaxınlığında yerləşən bir neçə yaşayış məntəqəsi məruz qalıb.

Zərbələr nəticəsində insan təlafatı olduğu və bir neçə yaşayış massivinin dağıldığı bildirilib. 
Bundan başqa, dünəndən bəri Fələstinlə İsrail arasında kiçik qruplar arasında qarşıdurma olub. Hadisə zamanı 100-dən çox insan xəsarət alıb.

Bölgədə yaranmış gərginliyə isə ABŞ prezidenti Donald Trampın Qüdsü İsrailin paytaxtı kimi tanımaq barədə qərarı səbəb olub.

Qeyd edək ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.

“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.

Onun bu qərarını bir çox ölkələr hiddətlə qarşılayıblar. D.Trampın bu qərarından sonra həm Avropa ölkələrindən, həm Yaxın Şərq, həm də Ərəb dövlətlərindən ona etirazlar gəlib. İlk etiraz isə Fransa prezidentindən səsləndirilib. Daha sonra Türkiyə və İran Trampın bu qərarına pisləyib. İordaniya da ABŞ prezidenti Donald Trampı beynəlxalq qətnamələri pozmaqda günahlandırıb. Verilən açıqlamada bildirilib ki, Trampın bu qərarı siyasi səhvdir. Misir hökuməti də Trampın yeni bəyanatını xoş qarşılamayıb. Bildirilib ki, onun bu addımı həm Amerika, həm də region üçün yaxşı nəticələnməyəcək.

Ziya Səccad
Ölkə.Az

ŞƏRH YAZ
0

Pul üçün rinqə çıxan 13 yaşlı uşaq qorxunc şəkildə can verdi — VİDEO

Pul üçün rinqə çıxan 13 yaşlı uşaq qorxunc şəkildə can verdi
09:12
Bu gün
2386
Dünya
A
Taylandda məktəb xərclərini ödəmək üçün rinqə çıxan 13 yaşlı uşaq aldığı zərbədən dünyasını dəyişib.

“Ölkə.Az” xəbər verir ki, atası və anası olmayan Anuça Tasako 8 yaşından rinqlərə çıxır. Sonuncu dəfə çıxdığı rinqdə isə beynindən aldığı zərbə ölümünə səbəb olub.

Anuçanın ölümü Taylandı yasa boğub. Ölümdən sonra uşaqların Tayland boksu yarışlarında iştirakının qarşısını alan qanunun qəbul edilməsi tələb edilib. Anuça maska taxmadan rinqə çıxıb və aldığı zərbədən beyin qansızması keçirib.

Tayland boksu ölkənin əsasən kənd ərazilərində geniş yayılıb. İdman və turizm naziri Virasak Kovsurat bildirib ki, parlamentdə 12 yaşından kiçik uşaqlara bu yarışlarda iştirak etməyi qadağan edən qanun layihəsi hazırlanır.

Hikmət Həsənov
Ölkə.Az

ŞƏRH YAZ
0

Azərbaycanın Küveytdəki səfirliyi vətəndaşlara müraciət edib

Azərbaycanın Küveytdəki səfirliyi vətəndaşlara müraciət edib
22:45
14.11.2018
6418
Dünya
A
Azərbaycan Respublikasının Küveyt Dövlətindəki səfirliyi vətəndaşlara müraciət edib.

"Ölkə.Az" report-a istinadən xəbər verir ki, bu barədə məlumat diplomatik nümayəndəliyin "Facebook" səhifəsinə yerləşdirilib.

"Əziz həmvətənlər. Azərbaycan Respublikasının Küveyt Dövlətindəki səfirliyi vətəndaşları 14, 15, 16 noyabr 2018-ci il tarixlərində Küveytdə hava şəraitinin dəyişkən olması və güclü yağışların yağması səbəbi ilə ehtiyatlı olmağa çağırır və hər hansı çətinlik olduğu təqdirdə səfirlik əməkdaşları ilə əlaqə saxlamağı tövsiyə edir", - deyə müraciətdə bildirilir.

Ölkə.Az

ŞƏRH YAZ
0
BAĞLA