Şri Lankada təbii fəlakət nəticəsində ölənlərin sayı 146-a çatdı
"Ölkə.Az" xəbər verir ki, sel və torpaq sürüşməsi nəticəsində 146 nəfər həlak olub. 99 nəfərin axtarışları davam edir.
Şri Lakanın Kalutara bölgəsindəki Bellena qəsəbəsində musson yağışları sel və torpaq sürüşməsinə səbəb olub. Minlərlə insan evsiz qalıb. 146 nəfər həlak olub. 99 nəfər isə itkin düşüb.
Hökumət fəlakətdən sonra xilasedici işlərə 2 min hərbçini cəlb edib. Hadisənin meydana gəldiyi bəzi bölgələrdə nəqliyyat problemi var. Şri Lankanın səhiyyə naziri Rajitha Senaratne bildirib ki, 493 min 455 nəfər evsiz qalıb. 185 düşərgə vətəndaşların xidmətinə verilib. BMT evsiz qalan insanlara su, çadır və digər lazımi əşyalar paylayıb.
Qeyd edək ki, 2003-cü ildə Şri Lankada musson yağışları 250 nəfərin ölümünə səbəb olmuşdu. 10 min ev isə dağılmışdı.
Hikmət
Ölkə.Az
