Sssenari yaz, 2000 qazan — Müsabiqə

Sssenari yaz, 2000 qazan
15:00
09.04.2018
2026
Mədəniyyət
A
Azərbaycan Respublikası Kinematoqrafçılar İttifaqı Azərbaycan kinosunun yaranmasının 120 illiyi ilə bağlı "Yeni nəfəs- III" adlı qısametrajlı ssenari müsabiqəsi elan edib.

İttifaqın mətbuat xidmətinin rəhbəri Əli Vəliyev "Ölkə.Az"a bildirib ki, müsabiqə kinematoqrafiya sahəsində gənclərin yaradıcılıq fəaliyyətini inkişaf etdirmək, gənc və istedadlı müəllifləri aşkara çıxarmaq, həmçinin milli kinomuza yeni fikir, yeni nəfəs gətirmək məqsədilə keçirilir. Müsabiqə, həm də digər sahələrdə çalışan gənclərə, kinoda özlərini sınamaq imkanı yaratmaq və bununla da mövcud rəqabəti gücləndirmək üçün nəzərdə tutulur.

Müsabiqənin şərtlərinə görə, yaşı 35-dək olan bütün şəxslər istənilən janrda, bədii, sənədli və animasiya ssenariləri təqdim edə bilər. Ssenarinin hüquqları müəllifə məxsus olmalı, satılmamalı və çəkiliş dövründə, orijinal, yəni ekranlaşdırılmamış olmamalıdır.

Qısametrajlı film üçün nəzərdə tutulmuş ssenarilər müsabiqəyə 20 səhifədən çox olmamaq şərti ilə üç nüsxədə, çap olunmuş və CD diskdə rəqəmsal daşıyıcıda şrift “Courier New”, 12 ölçüdə təqdim olunmalıdır. Çap olunmuş ssenarilərdə müəllifin ad və soyadı qeyd olunmamalıdır. Müəllif ssenari ilə birgə tərcümeyi-halını da təqdim etməlidir. Hər müəllif 3 (üç) ssenaridən artıq təqdim edə bilməz. Müsabiqəyə təqdim olunan ssenarilər geri qaytarılmır. Ssenarilər sentyabrın 25-dək Azərbaycan Respublikası Kinematoqrafçılar İttifaqının ünvanına göndərilməlidir.

Müsabiqənin peşəkar münsiflər heyətini Azərbaycan Respublikası Kinematoqrafçılar İttifaqı təyin edir. Münsiflər heyəti məxfi seçim əsasında dörd ssenarini qiymətləndirəcək. Müsabiqədə Qran-Pri 2500 manat (ekranlaşdırılması nəzərdə tutulur), I, II, III yeri tutan qaliblər isə müvafiq olaraq 2000, 1500, 1000 manat pul ilə mükafatlandırılacaqlar.

Müsabiqənin nəticələri bu ilin oktyabrında açıqlanacaq.

 

ŞƏRH YAZ
1

Qanlı Yanvar gecəsi tarix daha bir dəhşətə şahidlik etdi

Qanlı Yanvar gecəsi tarix daha bir dəhşətə şahidlik etdi
13:07
20.01.2019
1056
Mədəniyyət
A
“Qanlı Yanvar hadisələri zamanı birinci kurs tələbəsi idim. Hadisələrdən əvvəl küçələrdə nümayişlər keçirilirdi, xalqımız azadlıq uğrunda mübarizə aparırdı. Mən də gənc olmağıma baxmayaraq, nümayişlərdə iştirak edirdim. 1990-cı il yanvarın 19-dan 20-nə keçən gecə tarix daha bir dəhşətə şahidlik etdi. Əsrlər boyu düşmənləri tərəfindən vəhşiliklərə məruz qalan xalqımız növbəti qətliamla üzləşdi. Həmin gecə Azərbaycan televiziyasının enerji bloku partladıldı, respublikada televiziya verilişləri dayandırıldı, sovet qoşunları fövqəladə vəziyyət elan edilməsindən xəbərsiz olan dinc əhaliyə amansız divan tutdu... Səhəri gün hər kəs o dəhşətli hadisədən xəbərdar oldu. Tələbə yoldaşlarımızdan bir neçəsi Qanlı Yanvar gecəsində şəhidlik zirvəsinə ucaldı. Lakin tökülən qanlar xalqımızı öz mübarizəsindən döndərmədi və müstəqilliyimizi əldə etdik. Biz bu gün yaşadığımız bu müstəqil dövlət üçün şəhidlərimizə borcluyuq”.

“Ölkə.Az” AZƏRTAC-a istinadən xəbər verir ki, bu sözləri yanvarın 20-də Şəhidlər xiyabanını ziyarətə gələn Gənc Tamaşaçılar Teatrının aktyoru, Əməkdar artist Nofəl Vəliyev deyib.

Aktyor yanvarın 20-nin həm kədərli, həm də şərəfli gün olduğunu bildirib və şəhidlərə Allahdan rəhmət diləyib.

Ölkə.Az

ŞƏRH YAZ
0

Prezident yeni komissiya yaratdı

Prezident yeni komissiya yaratdı
20:30
15.01.2019
4134
Mədəniyyət
A
Prezident İlham Əliyev Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında fərman imzalayıb.

"Ölkə.Az"ın məlumatına görə, fərmanla Azərbaycan Respublikası Mədəniyyət Nazirliyinin tabeliyində yeni, mütərəqqi və ölkənin bütün ərazisini əhatə edəcək kitabxana sisteminin yaradılması, habelə mədəniyyət və təhsil xidmətləri göstərən qurumların (mədəniyyət mərkəzləri, klublar, musiqi məktəbləri, rəsm qalereyaları və s.) fəaliyyətində səmərəliliyin artırılması məqsədilə təkliflər hazırlanması üçün aşağıdakı tərkibdə Komissiya yaradılır:

Komissiyanın sədri

Azərbaycan Respublikası Prezidenti Administrasiyasının Humanitar siyasət məsələləri şöbəsinin müdiri

Komissiya sədrinin müavini

Azərbaycan Respublikasının mədəniyyət naziri

Komissiyanın üzvləri

Azərbaycan Respublikası Prezidenti Administrasiyasının Ərazi-təşkilat məsələləri şöbəsi müdirinin müavini

Azərbaycan Respublikası Prezidenti Administrasiyasının İctimai-siyasi məsələlər şöbəsi müdirinin müavini

Azərbaycan Respublikası maliyyə nazirinin müavini

Azərbaycan Respublikası təhsil nazirinin müavini

Bakı Şəhər İcra Hakimiyyətinin nümayəndəsi.

Ölkə.Az

ŞƏRH YAZ
1
BAĞLA