Stalini aldadıb aradan çıxan alimin taleyi

Stalini aldadıb aradan çıxan alimin taleyi
11:34
13.03.2018
4199
Dünya
A
Vladimir İliç Lenin 54 yaşı tamam olmadan dünyasını dəyişib. Onun ölümü isə sübut etdi ki, hətta böyük şəxsiyyətlər də ölümdən sığortalanmayıb.

“Ölkə.Az” xəbər verir ki, SSRİ rəhbərliyi uzun illər əbədi həyat üzərində araşdırma aparıb. Çünki onların fikrinə görə, rəhbər əbədi, heç olmasa uzun müddət yaşamalıdır. Bu sahədə isə, ən görkəmli alimlərdən biri Aleksandr Aleksandroviç Boqomoletsdir. Aleksandrın qəribə taleyi var.
Aleksandr 1881-ci ildə Kiyevin Lukyanovsk həbsxanasında dünyaya gəlib. Onun anası “cənub-rus fəhlə ittifaqı” cinayət işi üzrə həbsdə idi. Tezliklə uşağı nənə-babası himayəyə götürdü. Qadın isə bir neçə il sonar Sibirdə vərəm xəstəliyindən dünyasını dəyişdi.

Boqomolets Novorossiysk universitetinin tibb fakultəsini bitirib və endokrinologiya və əsəb sistemi sahəsində tədqiqatla məşğul olub.Birinci dünya müharibəsinin başlamasına bir az qalmış “vaxtından əvvəl ölümə qarşı” adlı dispanseri qurur. Alim sübut etmək istəyirdi ki, insan çox az yaşayır. İnsan yer üzərində heç olmasa 100 il yaşamalıdır. Oktyabr inqilabını Aleksandr yaxşı qəbul etdi. Çünki onun anası bu ideya uğrunda həlak olmuşdu. Onun tədqiqat mövzusu da bolşeviklərin xoşuna gəldi. Sosialist ölkəsində insanlar uzun və xoşbəxt yaşamalı idilər. Boqomolets bəyan edirdi ki, “АЦС” adlı ölümsüzlük eliksiri icad edib. Bu eliksir insan orqanizmində toxumaların parçalanmasına yol verməyəcək və insane 150 il yaşayacaq. 1939-cu ildə onun “Ömrü uzatmaq” kitabı nəşr edilir.

Bu dövrdə Stalinin 60 yaşı tamam olurdu. Stalin də 150 il yaşamaq istəyirdi və buna görə də alimin tədqiqatlarına ciddi yanaşır. Bu səbəbdən rəhbər kitabı məxfi saxlamağı əmr edir. Uzunömürlülük sirri hamı üçün açıq olmamalı idi. Millətlərin rəhbəri Aleksandrı mükafatlandırır. Boqomolets Stalin mükafatı, Sosialist Əməyi Qəhrəmanı və iki Lenin ordeni ilə təltif edilir. Amma alimin ölümü Stalinin planlarını pozur.

1946-cı ildə Boqomolets dünyasını dəyişir. Bu vaxt onun 65 yaşı var idi.

Stalin bunu eşidib qəzəblənir və “O, hamımızı aldatdı!” deyir.

Tezliklə alimin elmi işləri utopik və elmə zidd elan edilir. Onun yaratdığı institute isə bağlanır.

Amma alimin işlərinin faydasız olduğunu demək də olmaz. Onun qanköçürmə üsulu müharibə illərində Qızıl Ordunun bir çox döyüşçüsünün həyatını xilas edir. Bununla yanaşı, alimin ölümünə səbəb həddindən artıq çox gərgin rejimdə işləməsi idi…

Hikmət Həsənov
Ölkə.Az

ŞƏRH YAZ
0

Çeçen nazir: “Çeçenistanda azərbaycanlılarla davanın səbəbkarları axtarılır”

Çeçen nazir: “Çeçenistanda azərbaycanlılarla davanın səbəbkarları axtarılır”
11:49
Bu gün
2
Dünya
A
Çeçenistanın xarici əlaqələr, mətbuat və informasiya naziri Cambulat Umarov Moskvadakı “Neolit” kafesində azərbaycanlılarla çeçenlər arasında baş verən insidentə münasibət bildirib.

“Ölkə.Az” xəbər verir ki, Umarov münaqişənin səbəbkarlarının axtarıldığını deyib:

“Çeçenistan Respublikasının rəhbərliyi insident barədə xəbərdardır. Bizim nümayəndələr münaqişənin təfərrüatlarını öyrənirlər və davanın səbəbkarlarını axtarırlar”.

Qeyd edək ki, Moskvanın “Neolit” kafesində 14 fevral tarixində çeçenlərlə azərbaycanlılar arasında kütləvi dava baş verib.

Hikmət Həsənov
Ölkə.Az

ŞƏRH YAZ
0

Çeçenlərlə azərbaycanlılar görüşdülər — VİDEO

Çeçenlərlə azərbaycanlılar görüşdülər
10:54
Bu gün
2578
Dünya
A
Fevralın 14-də Rusiyanın paytaxtı Moskva şəhərində azərbaycanlılarla çeçenlər arasında yaranmış qalmaqaldan sonra məsələyə münasibət bildirilib.

"Ölkə.Az" BAKU.WS-ə istinadən xəbər verir ki, Moskvada toplaşan hər iki tərəfin nümayəndələri azərbaycanlılarla çeçenlər arasında heç bir ədavətin olmadığını bəyan ediblər. 

Çeçenlərin nümayəndəsi törədilən hadisələri təxribat adlandırıb və hər iki tərəfi bu təxribata uymamağa çağırıb.

"Moskvada minlərlə çeçen və azərbaycanlı dostluq edir. Onlar birlikdə işləyirlər, bir-birilərinə etibar edirlər. Azərbaycanlılarla çeçenlər yaxın qardaş kimi birləşiblər. Bütün azərbaycanlılara bildirmək istəyirəm ki, onlar narahat olmasınlar. 

Ola bilər ki, aramızda hansısa anlaşılmazlıq və problem olub. Həmin problemi hansısa kompüter arxasında oturan dələduz götürüb paylaşıb və həmin hadisəni şişirdib. Bununla da, həmin şəxslər təxribat yaratmaq istəyirlər. 

İstəyirəm bildirib ki, biz dostuq, çeçen və azərbaycanlılar qardaşdırlar. Heç kəs bizim azərbaycanlı qardaşlarımızı təhqir edə bilməz və buna haqları yoxdur. Heç kim də, heç vaxt bu əmələ haqq qazandırmır. 

Həmçinin həmin insidentdə iştirak edən azərbaycanlılara səslənmək istəyirəm. Hansısa çeçeni videoya çəkib, yaymaq provakasiya yaratmaqdır.

Biz hər gün görüşürük, çörək yeyirik. Buna hörmət etməliyik. Arada yaranmış şəxsi münasibətlərə görə azərbaycanlılarla çeçenlər arasında qalmaqal yaratmaq olmaz. Şəxsi problemləri aranızda həll edin. 

Bütün çeçenlər azərbaycanlıları təhqir edən həmin şəxsi və həmin çeçenin videosunu yayan şəxsi də qınayır”, - deyə həmin şəxs bildirib. 

Ölkə.Az

ŞƏRH YAZ
0
BAĞLA