Stalinin oğlu əsir düşərgəsində ölüb — YENİ FAKTLAR

Stalinin oğlu əsir düşərgəsində ölüb
14:05
09.07.2018
4796
Maraqlı
A
İkinci dünya müharibəsində Stalinin oğlu Yakov Cuqaşvili əsir düşərək ölüb.

 “Ölkə.Az” xəbər verir ki, son dövrlər Cuqaşvilinin ölümü barədə yeni faktlar üzə çıxıb.

1945-ci ilin mart ayında Stalinin masasına Beriyanın çox gizli hesabatı qoyulur. Hesabatda alman əsirliyində olan Yakov Cuqaşvili barədə məlumat var idi. Yakov 1941-ci ildə müharibəyə yollanır, əsir düşür və 1943-cü ildə düşərgədə ölür.

Hesabata əsasən, 1945-ci ilin yanvar ayında Birinci Belorus cəbhəsi alman əsir düşərgəsindəki yuqoslaviyalı zabitləri azad edib. Onların arasında general Stefanoviç də var idi. Stefanoviçi Yakovla bir düşərgədə saxlayıblar.

“Stefanoviç gəzinti zamanı bir neçə dəfə baş leytenant Cuqaşviliyə yaxınlaşıb. Düşərgədə isə 15 dəfə onun otağına baş çəkib. Stefanoviç dəfələrlə yuqoslaviyalı zabitlər adından Yakova maddi yardım təklif edib. Amma Yakov buna qətiyyən etiraz edib və bəyan edib ki, əsirlikdə olan digər sovet zabitlərindən fərqlənmək istəmir”, - deyə hesabatda bildirilir.

Eyni zamanda məlum olub ki, Stalinin oğlu xüsusi otaqda saxlanılıb və daim nəzarətdə olub.

General Stefanoviç deyib: “Cuqaşvili özünü sərbəst və məğrur aparırdı. Onun otağına alman zabiti daxil olanda heç vaxt ayağa qalxmır, çox vaxt isə söhbət zamanı arxasını çevirirdi. Bu səbəbdən isə tez-tez karserə salınırdı”.

Bundan başqa alman mətbuatı Cuqaşvili ilə müsahibə dərc etmişdi. Guya Yakov müsahibəsində Sovet İttifaqını lənətləyib. Stefanoviç gəzinti vaxtı bunu Yakova deyəndə, Stalinin oğlu faktı inkar edib və bildirib ki, heç vaxt siyasi və hərbi suala cavab verməyib. Bundan başqa Yakov bildirib ki, Almaniyanın məhv olacağına inanır.

1942-ci ilin sentyabr ayında yuqoslaviyalı zabitlər qaldıqları barakdan qaçmaq üçün tunel qazırlar. Tunel Yakovun da qaldığı otağından altından keçirmiş. Düşərgənin komendantı məsələdən xəbər tutur və Yakovu karserə salır. Sonra isə karseri betonlayır. Bir neçə gün sonra isə Berlindən gələn əmr ilə Cuqaşvili təyyarə ilə naməlum istiqamətdə aparılır.

Bundan sonra Stefanoviç Yakovu görməyib.

Stalinin böyük oğlu Yakov 1907-ci ildə anadan olub. Atası ilə münasibətləri gərgin idi. Stalin oğlunun nikahının əleyhinə idi. 22 iyun tarixində Stalin hərbçi oğlunu çağırır və deyir: “Get və savaş”.

1941-ci ilin iyul ayında Yakov döyüşlərdə şücaət göstərir və mükafatlandırılır. Amma eyni ayda almanlara əsir düşür. Almanlar onu iki düşərgədə saxlayaraq feldmarşal Paulyusla dəyişmək istəyirdilər. Amma Stalinin almanlara cavabı qəti olub:

“Mən əskəri feldmarşala dəyişmirəm”.

Hikmət Həsənov
Ölkə.Az

ŞƏRH YAZ
0

Soyuq suyun ağlasığmaz faydaları — Kişilər üçün

Soyuq suyun ağlasığmaz faydaları
20:48
Bu gün
707
Maraqlı
A
İsti və ilıq suda çimmək insanı nə qədər rahatlatsa da, soyuq su ilə çimməyin bədənə xeyri daha çoxdur.

"Ölkə.Az" teleqraf.com-a istinadən soyuq suda yuyunmağın faydalarını təqdim edir.

Xüsusilə səhər yataqdan qalxmaqda çətinlik çəkənlərə soyuq duş daha xeyirdir. Soyuq su hüceyrələri və qan dövranını hərəkətə gətirir.

Soyuq suda çimmək stressi götürür və ovqatı yaxşılaşdırır.

Bu, üz dərisinə və saçlara da xeyirdir. Çox isti və ya ilıq su ilə çimmək saçı yağladır, üzü və saç dərisinin pul-pul görsənməsinə səbəb olur. Soyuq su ilə yuyunanda isə saçlar parıldamağa başlayar.

Eyni zamanda saçlar tez kirlənmir, üz dərisi daha sağlam olur.

Soyuq su bədənində toplanan toksinlərdən qurtulmağa da kömək edir. Beləliklə toksinləri bədəndən kənar edən soyuq su arıqlamağa yardımçı olur.

Həddindən artıq isti su sperma həcmini və onun keyfiyyətini azaldır. Ona görə də kişiləri üçün ən yaxşısı həmişə soyuq su ilə çimməkdir.

Soyuq suda çimən qrip və soyuqdəyməyə də daha az tutulur. Soyuq su bədənin müqavimətini artırır, immun sistemini gücləndirir.

Ölkə.Az

ŞƏRH YAZ
0

Qadın və kişilərdə seks hormonlarını artıran meyvə — Min bir faydası var

Qadın və kişilərdə seks hormonlarını artıran meyvə
19:36
Bu gün
4200
Maraqlı
A
Meyvələr içərisində ən qüvvətli antioksidant olan narın saymaqla bitməyən faydaları var.

"Ölkə.Az" teleqraf.com-a istinadən bu möcüzəli meyvənin faydalarını təqdim edir.

Bir orta böyüklükdə nar təxminən 100 kkal-dır və onun tərkibində 25 qram karbohidrat var. Mükəmməl bir C və K vitamini, kalium, tiamin, manqan və mis qaynağıdır.

Hüceyrə itkisinin qabağını alır, xərçəngi önləyir və immun sistemini dəstəkləyir. Yaşlanma və iltihablanmanın profilaktikasında mühüm rol oynayır.

Nar infarkt, iflic və ağciyər xəstəliyinə səbəb ola biləcək qan pulcuqlarının toplanmasının qarşısını alır. Prostat və süd vəzi xərçəngi hüceyrələrinin çoxalmasını əngəlləyir. Günəş işığının zərərli təsirlərinə qarşı qoruyucudur.

Bədəni dəridəki qızartı və yüngül yanıqlardan mühafizə edir.

Hər gün nar şirəsini içmək qan təzyiqini düşürməyə kömək olur.

Tərkibindəki C və E vitamini kimi immun sistemini gücləndirən vitaminlər sayəsində nar şirəsi xəstəliklərin qarşısını alır və infeksiya ilə mübarizə aparır.

Aparılan araşdırmaya görə, gündə 227 ml nar şirəsi içmək yaddaşı gücləndirir. Nar şirəsinin stressi aradan götürmə xüsusiyyəti qadınlarda doğuşa da faydalı ola bilər.

Nar şirəsi içmək həm kişi, həm də qadınlarda seks hormonlarının əsas zərrəciklərindən olan testosteron səviyyəsində artım yaradır.

Gilənar və çuğundur şirəsindən sonra nar şirəsi də yeni idmana başlayanlarda dayanıqlığı artıran vasitələrdən sayılır.

Nar şirəsi ağrının azalmasına və güc qazanmağa kömək olur.

Narın damar sətləşməsinə də faydası aşkarlanıb. Bir stəkan nar şirəsində qırmızı şərab, yaşıl çay, üzüm və yemişdən daha çox antioksidant var.

Ölkə.Az

ŞƏRH YAZ
0
BAĞLA