Stiven Hokinqin şəxsi əşyaları satıldı
Mart ayında dünyasını dəyişən məşhur alim Stiven Hokinqin şəxsi əşyaları satışa çıxarılıb.
“Ölkə.Az” xəbər verir ki, alimə məxsus 22 əşya İngiltərədə keçirilən hərracda 1.8 milyon funt sterlinqə satılıb.
Hərrac vaxtı Hokinqin imzaladığı “Genişlənən Kainatın Xüsusiyyətləri” adlı elmi işi 584 min 750 sterlinqə satılıb.
Alimin 1980-1990-cı illərdə istifadə etdiyi əlil arabasına 300 min funt sterlinq, “Simpsonlar” çizgi filmində yer aldığı seriyanın senarisi üçün isə 6 min 250 sterlinq ödənilib.
Hərracdan ümumi olaraq 1 milyon 824 min 375 funt sterlinq gəlir əldə edilib. Əlil arabasının satışından əldə edilən gəlir Stiven Hokinq Xeyriyyə Cəmiyyətinin hesabına köçürüləcək.
Hikmət Həsənov
Ölkə.Az
